Lajme nga vendi
Veles, vrau me thikë ish të dashurën dhe babanë e saj, pastaj kreu vetëvrasje
Vrasje e dyfishtë ndodhi pasditën djeshme në Veles, ndërsa autori kreu vetëvrasje. Ngjarja ndodhi rreth orës 15:30 të pasdites pranë sahatit të Qytetit. Sipas fqinjëve, ish-partneri i vajzës e vrau atë së pari, pastaj babanë e saj, dhe më vonë vrau edhe veten, transmeton Portalb.mk.
“U raportua se SPB Veles ka gjetur një femër me lëndime nga një objekt i mprehtë në rrugën Koço Racin në Veles. Zyrtarët e policisë mbërritën në vendngjarje dhe përcaktuan se ajo ishte R. K. (31) nga Velesi, e cila nga Ndihma e Shpejtë u transferua në Spitalin e Velesit, ku u shpall e vdekur. Menjëherë më pas, në shtëpinë e babait të saj në të njëjtën rrugë, u gjet i vdekur babai i saj K. K. (74), i cili gjithashtu kishte lëndime nga një objekt i mprehtë. I. S. (39) nga Shkupi, ish-partneri i R. K., u gjet gjithashtu me lëndime nga një objekt i mprehtë në shtëpi, dhe sipas informacioneve fillestare, ekziston dyshimi se ai i sulmoi të dy, pas së cilës edhe vetë u plagos. Pasi u transferua në Spitalin e Velesit, edhe ai u shpall i vdekur”, tha Biljana Gjakovska, zëdhënëse e SPB Veles.
Ekip i Ndihmës së Shpejtë erdhi në vendngjarje dy herë në vendngjarje.
“U thirrëm rreth orës 15:30 të pasdites për t’i ofruar kujdes një vajze që kishte plagë të shumta nga thikë. Ne i dhamë kujdesin e nevojshëm dhe e transferuam në Urgjencën e Spitalit të Velesit. Menjëherë morëm një telefonatë të re për të njëjtën adresë. Kishte një person të vdekur të mbuluar me çarçaf dhe një person më të ri që kishte plagë nga thikë në qafë. I ofruam gjithashtu ndihmë dhe e transferuam në Urgjencë”, tha doktor Zharko Manaskov nga Departamenti i Urgjencës në Qendrën e Shëndetit Publik të Velesit.
Dy të plagosurit u pranuan në Spitalin e Velesit në gjendje të keqe, pa shenja jete.
“Në orën 15:30, një vajzë u soll pa asnjë reagim kardiak, pa frymëmarrje. U gjetën gjashtë lëndime, të shkaktuara me një objekt të mprehtë. U ndërmorën të gjitha përpjekjet për ringjallje, por nuk pati asnjë reagim kardiak. Ringjallja totale zgjati 45 minuta. Të gjitha përpjekjet ishin të pasuksesshme. Pak më vonë, u soll një pacient i ri, një djalë me plagë thike të shkaktuara nga një objekt i mprehtë, të gjitha në zonën e qafës. Gjithashtu u konstatua se nuk kishte shenja jete, frymëmarrjeje apo reagimi kardiak”, tha kirurgu kujdestar, Petre Kodovski nga Spitali i Përgjithshëm i Velesit.
Prokuroria Publike e Velesit informoi se tre trupat janë transferuar në mjekësinë ligjore për autopsi, dhe të gjitha sendet janë sekuestruar nga vendi i ngjarjes për ekspertizë.
Në Gjykatën Themelore të Velesit, personit që besohet se ka kryer krimin iu lëshua urdhër ndalimi për t’iu afruar ish-të dashurës së tij. Disa ditë më parë, një gjyq për të njëjtin person përfundoi në të njëjtin institucion për dy akuza penale, rrezikim të sigurisë gjatë kryerjes së dhunës në familje dhe për lëndim trupor.
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
