Lajme nga vendi
Durmshi: Kapitali njerëzor është burimi më i rëndësishëm – Qeveria dhe UNFPA me program të përbashkët pesëvjeçar për zhvillim demografik
Ministri i Ekonomisë dhe Punës, Besar Durmshi, mbajti sot fjalim në ngjarjen kushtuar trendeve demografike dhe prezantimit të programit të përbashkët pesëvjeçar të Qeverisë dhe Fondit të Kombeve të Bashkuara për Popullsinë (UNFPA).
“Njerëzit janë burimi më i rëndësishëm i një shoqërie. Njohuritë, shkathtësitë dhe kreativiteti i qytetarëve tanë janë forcë shtytëse për çdo zhvillim. Detyra jonë është ruajtja dhe avancimi i këtij kapitali”, theksoi ministri Durmshi.
Në fjalimin e tij, ai vuri në dukje se shteti po përballet me sfida serioze – ulja e natalitetit, emigrimi i të rinjve dhe plakja e popullsisë, gjë që prek drejtpërdrejt shërbimet publike dhe sistemet sociale.
Me Planin operartiv për vitin 2025, me vlerë 40 milionë euro, kemi hedhur tashmë themelet. Plani përfshin mbi 16.000 persona, nga të cilët 65% janë të rinj. Mbështesim vetëpunësimin me grante deri në 10.000 euro, trajnim dhe mentorim, si dhe programe riedukimi dhe rikualifikimi. Vëmendje të veçantë i kushtojmë gjithëpërfshirjes – grave nga zonat rurale, personave me aftësi të kufizuara, përdoruesve të ndihmës minimale të garantuar dhe grave rome”, theksoi ministri.
Ai shtoi se programi me UNFPA është vizion dhe strategji për të ardhmen – jo vetëm dokument formal, por plan me aktivitete konkrete. “Mbështetja financiare duhet të përmirësohet me infrastrukturë, lidhje digjitale dhe mbështetje për startap-ekosistemin. Në të njëjtën kohë, duhet të vlerësojmë përvojën e punëtorëve të moshuar dhe të sigurohemi që ata të mbeten pjesë e procesit produktiv”, tha Durmshi.
Ministri shprehu falënderim për Kombet e Bashkuara, drejtoreshën rajonale të UNFPA-së Florens Bauer dhe koordinatoren e përhershme të OKB-së Rita Kolumbia për mbështetjen dhe partneritetin e vazhdueshëm.
“E ardhmja jonë matet në njerëz — në çdo të ri, në çdo talent, në çdo qytetar që dëshiron të krijojë këtu, në shtëpi. Ne nuk duhet t’i shohim trendet demografike si kërcënim, por si një nxitje për politikat bashkëkohore që do të forcojnë ekonominë tonë”, përfundoi ministri Durmishi.
Zëvendëssekretarja e Përgjithshme e NATO-s, Radmila Shekerinska, tha se Shqipëria dhe Kroacia, si anëtarë të Aleancës, kontribuojnë në stabilitetin rajonal.
Shekerinska e tha këtë të shtunën në një intervistë për agjencinë serbe të lajmeve Beta, duke iu përgjigjur një pyetjeje në lidhje me bashkëpunimin ushtarak të Kroacisë, Shqipërisë dhe Kosovës dhe reagimet negative të Serbisë ndaj, siç thonë në Beograd, “paktit trefish të Zagrebit, Tiranës dhe Prishtines, të drejtuar kundër Serbisë”.
Ajo shtoi se NATO nuk është palë dhe as nuk merr pjesë në marrëveshjen e bashkëpunimit ushtarak midis Kroacisë, Shqipërisë dhe Kosovës. Megjithatë, ajo theksoi se anëtarësimi në NATO nuk i pengon anëtarët – në këtë rast, Kroacinë dhe Shqipërinë – të hyjnë në aleanca shtesë mbrojtëse me palë të treta, që në këtë rast është Kosova.
“Investimi në mbrojtje është i rëndësishëm për sigurinë e Ballkanit Perëndimor, por edhe për dialogun politik”
Shekerinska tha se investimi në mbrojtje, por mbi të gjitha dialogu politik, është i rëndësishëm për sigurinë dhe stabilitetin e Ballkanit Perëndimor, i cili preket edhe nga ngjarjet gjeopolitike, duke shtuar se anëtarët e aleancës nga rajoni japin një kontribut të rëndësishëm për stabilitetin.
Ajo shtoi se NATO gjithmonë u ka bërë thirrje qeverive në rajon që të angazhohen në dialog, të zgjidhin çështjet e mbetura politike dhe të mbështesin progresin dhe stabilitetin e rajonit, raporton Beta.
Këto pretendime kanë arritur pothuajse nivelin e histerisë në Serbi në muajt e fundit. Konkretisht, Presidenti serb Aleksandar Vuçiq vazhdimisht thotë se është një “aleancë ushtarake e drejtuar kundër Serbisë dhe popullit serb”. Kohët e fundit, Vuçiç madje tha se këto tre shtete po përgatiten të sulmojnë Serbinë.
Vuçiq, si dhe zyrtarë të tjerë serbë, e kanë pyetur vazhdimisht veten se “çfarë do të ishte një aleancë ushtarake për Kroacinë dhe Shqipërinë kur ato janë tashmë anëtare të NATO-s?”
Ndërkaq deklarata e Zagrebit, Tiranës dhe Prishtines nga marsi i vitit 2025, sipas ekspertëve, nuk është një aleancë ushtarake, por bashkëpunim ushtarak në disa fusha. Ajo nuk përmban dispozita mbi mbrojtjen e përbashkët, të cilat janë thelbësore për një aleancë ushtarake, por përkundrazi apostrofon bashkëpunimin në prokurimin e armëve dhe municioneve, shkëmbimin e informacionit dhe përballjen e përbashkët të kërcënimeve kibernetike.
Mbi 200 bjeshkatar nga Maqedonia e Veriut dhe Kosova me një marsh nga fshsti Rakovec deri te Gjoli i Gorjanit shënuan 18 vjetorin e Pavarësisë së Kosovës
Në organizim nga Unioni i Shoqatave Bjeshkatare Shqiptare të Maqedonisë ne bashkëpunim me Shoqatën Bjeshkatare ‘’Bukurit e Sharrit’’ në Bogovinë dhe me përkrahjen e Komunës së Bogovinës dhe disa donatorëve tjerë, u organizua marshi me rastin e 18 vjetorit të Pavarësisë së Kosovës.
Mbi 200 bjeshkatar në Maqedonia e Veriut , Kosova dhe Shqipëria në kushte të vështira atmosferike marshuan nga Rakoveci deri te gjoli i Gorjanit ku në shtëpinë malore të Gradecit u vendos Flamuri i kosovës në shenjë të 18 vjetorit të Pavarësisë. Ndryshe të gjithë bjeshkatarët u grumbulluan në qendrën e fshatit Pirok ku me një fjalë rasti u përshëndetën nga kryetari i Komunës së Bogovinës Feti Abazi.
FETI ABAZI – KRYETAR I KOMUNËS SDË BOGOVINËS
‘’ ‘’Është nder dhe kënaqësi për Komunën e Bogovinës që sot të jetë nikoqire e gjitha Shoqatave Bjeshkatare të Sharrit. Si zakonisht bjeshkatarët llogariten si njerëz dashamirë të natyrës. Unë sot në cilësoinë e kryetarit të komunës iu dëshiroj të gjithëve mirëseardhje , shpresoj të kalojnë një ditë të bukur dhe të ecin nëpër territorin e komunës së Bogovinës dhe të kalojnë sa më mirë. Uroj si ditë të veçantë të shprehë kënaqësinë time ti uroj Pavarësinë Kosovës , gjegjësisht 18 vjetorin ‘’ deklaroi Feti Abazi kryetar i Komunës së Bogovinës
Organizatori, kryetari i Shoqatave Bjeshkatare të Maqedonisë, Fari Rexhepi tha se është nder i madh që ky marsh organizohet me rastin e 18 vjetorit të Pavarësisë së Kosovës
FARI REXHEPI – KRYETAR I UNIONIT TË BJESHKATARLVE
‘’ ‘Në kuadër të aktiviteteve të Unionit të Shoqatave Bjeshkatare Shqiptare këtu në Republikën e Maqedonisë është një ndër çikat ose aktivitet me rëndësi janë shënimi i datave historike . Dhe pikërisht sot shënojmë një datë të rëndësishme historike , datën do të kisha thënë datën më fatlume të popullit të Kosovës dhe shqiptarëve gjithandej 17 Shkurtin ditën e e Pavarësisë së Republikës së Kosovës . Ne sot jemi grumbulluar Shoqata të ndryshme nga Maqedonia dhe Kosova edh pse moti fillimisht ishte i papërshtatshëm besoj se asgjë nuk mund të ndal që ky aktivitet të realizohet me sukses.’’ deklaroi Fari Rexhepi kryetar i Unionit të Bjeshkatrëve Shqiptar në Maqedoni
Nikoqire e këtij aktiviteti bjeshkatar ishte Shoqata Bjeshkatare ‘’Bukurit e Sharrit’’
NAZMI ZEQIRI – KRYETAR I SHOQATËS BJESHKATRE ‘BUKURIT E SHARRIT’
‘Ne si Shoqatë jemi nikoqire që organizojmë mirëpo në bashkëpunim me Unionin dhe gjitha Shoqatat tjera që marrin pjesë. Ne sot vazhdojmë marshin tradicional, por këtë vit pak më ndryshe festojmë edhe Pavarësinë e Kosopvës ‘’ deklaroi Nazmi Zeqiri kryetar i Shoqatës sëBjeshktare Bulurit e Sharrit
Të pranishëm në këtë aktivitet të bjeshkatarëve ishin edhe shoqata nga Kosova
AVNI DAKI – BJESHKATAR NGA GJILANI
‘’Kemi ardhur këtu të marrim pjesë në këtë event , këtë manifestim për përvjetorin e pavarësisë së Kosovës ‘’ deklaroi Avni Daku
SHPËTIM HAJRULLAHU- BJESHKATAR NGA PRISHTINA
‘’Neve na kanë ftuar shoqate Maqedonisë dhe kemi ardhur prej Prishtine. Kemi bërë një mini hajking në fshatin Ratkovc dhe ejmi ngjitë me një bjeshkë për shkak të pavarësisë të Kosovës’’ deklaroi Shpëtim Hajrullahu
Pas kthimit nga Gjoli i Gorjanit të gjithë bjeshkatarët morën pjesë në drekën tradicionale të organizuar në fshatin Rakovec. Organizatori i këtij marshi me dau edhe mirënjohje për të gjithë ata që kanë përkrahur këtë aktivitet
Lëvizja BESA në takim me strukturat e partisë në Saraj të Shkupit, Aleanca për Shqiptarët mbajti mbledhjen e VI-të të Kuvendit të partisë, Bashkimi Demokratik për Integrim (BDI) – Dega Tetovë, po vijon në terren procesin e strukturimit dhe konsolidimit të organeve partiake, PDSH-ja mban Kuvendin Zgjedhor në Haraçinë.
Këto ishin aktivitetet në terren të partive shqiptare këtë fundjavë. Edhe pse partitë thonë se këto aktivitete janë pjesë të punës dhe planprogramit partiak, megjithatë vërrehet një mobilizim I theksuar partiak edhe pse viti 2026 nuk është vit zgjedhor.
Nga Lëvizja BESA thonë se me vendimin e Kuvendit Qendror, nisën rrugën pa kthim për bashkimin dhe strukturimin e VLEN-it, krijimin e një shtëpie të përbashkët, të fortë dhe të organizuar mirë.
VLEN-i po bëhet sepse është vullnet dhe kërkesë e aktivistëve, votuesve dhe të gjithë shqiptarëve, vullnet i shprehur në dy palë zgjedhjet e fundit – thotë Kryetari I Besës, Bilall Kasami.
Deklarat – Bilall Kasami – Kryetar i Lëvizjes Besa
ASH-ja e Arben Taravarit në Gostivar tha se po fuqizon strukturat dhe konsolidon partinë si alternativë serioze politike. Sipas ASH-së, strategjia synon konsolidimin e brendshëm dhe ripozicionimin politik afatgjatë të partisë, duke u ndërtuar si dokument ideologjik dhe programor. Kryetari i Alenacës për Shqiptarët, Arben Taravari në një deklaratë për media pas mbajtjes së Kuvendit të 6-të të partisë, foli edhe për situatën aktuale politike në vendit. Taravari tha se do të ketë zgjedhje të parakohshme parlamentare, por pa precizuar se kur.
Deklarat: Arben Taravari – Kryetar i ASH-së
“Nuk mund ta them me siguri, e kam thënë çdo herë se kjo më së shumti varet nga VMRO-DPMNE pasi që i ka 58 deputetë për të shpallë zgjedhjet duhen 61 vota. Sipas asaj që e shohim, edhe pse deklarativisht kryeministri thotë se nuk do të ketë zgjedhje të parakohshme, intuita ime politike thotë se përsëri do të shkohet në në zgjedhje të parakohshme, nuk dua ta them kur, po mendoj se me patjetër do të vijmë në situatë që do të ketë nevojë të mbahen zgjedhje të parakohshme parlamentare”, deklaroi Arben Taravari – kryetar i ASH-së.
Në terren ishte edhe Dega e BDI-së Tetovë. Nga kjo degë thanë se vazhdojnë konsolidimin e strukturave, kurse Xhelal Lika zgjidhet kryetar i nëndegës në Jashtë Vardarit.
Degët po I konsolidon edhe PDSH-ja. Kjo parti mbajti Kuvendin Zgjedhor të Degës në Haraçinë. Sic thuhet, me votë unanime, kuvendarët për kryetar të Degës në Haraçinë zgjodhën z. Ismet Sinani. Gjithashtu, në kuadër të këtij kuvendi u zgjodh edhe kryesia e re e degës, e cila do të punojë në koordinim të plotë për realizimin e objektivave programore dhe organizative. Në këtë mbledhje kreu i PDSH-së Menduh Thaçi drejtoi kritika të ashpra për menaxhimin me buxhetin e shtetit, edhe ndaj BDI-së që ishte në qeveri paraprakisht, por edhe për VLEN që tani udhëheq me insititucionet në nivel qëndror.
Deklarat – Menduh Thaçi – Kryetar i PDSH-së
E gjithë kjo “ofensivë” e partive shqiptare me aktivitete në terren vjen në kohën kur Kryeministri Mickoski deklaroi I prerë se në këtë vit nuk do të ketë zgjedhje dhe se vendi do të fokusohet në reformat dhe programin qeveritar.
Mirëpo, ai bëri të ditur se nuk e përjashton mundësinë e rikonstruimit të kabinetit qeveritar. “Përplasjet” e fundit, VLEN – ZNAM, lidhur me Ministrat Limani dhe Filkov ndikuan që në skenën politike të ndjehet një tension në rritje, në prag të rikonstruimit pranveror të Qeverisë.
PËRMBYTJET, 19 VIKTIMA NË EUROPË, MË RËNDË PORTUGALIA, SPANJA DHE FRANCA
ZAGREB–TIRANË–PRISHTINË: PARTNERITETI QË NDEZI DEBATET NË BEOGRAD
BJESHKATARËT SHËNUAN 18 VJETORIN E PAVARËSISË SË KOSOVËS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
