Lajme nga vendi
Arrestohet doganieri në kalimin kufitar “Bllatë”
Një 42-vjeçar, i cili u kap në flagrancë gjatë transportimit të mallrave që kishte kontrabanduar nga Maqedonia e Veriut, është arrestuar nga policia shqiptare në Dibër. Në pranga ka rënë edhe një doganier i degës Bllatë, pasi dyshohet se nëpërmjet korrupsionit, ka lejuar kryerjen e kësaj veprimtarie kriminale, përcjell TV21. Një doganier tjetër është vënë nën hetim, i dyshuar për shpërdorim të detyrës.
“Në kuadër të operacionit “Skaneri” u vu në pranga shtetasi A. C., 42 vjeç, banues në fshatin Maqellarë, për veprat penale “Korrupsioni aktiv i personave që ushtrojnë funksione publike”, “Kontrabanda me mallra të tjera”, “Kontrabanda me mallra të ndaluara ose të kufizuara”, “Tregtimi dhe transportimi i mallrave që janë kontrabandë” dhe “Fshehja të ardhurave”; -u vu në pranga shtetasi A. L., 51 vjeç, banues në Tiranë, me detyrë doganier në Degën Doganore Bllatë, për veprat penale “Korrupsioni pasiv i personave që ushtrojnë funksione publike” dhe “Shpërdorimi i detyrës” dhe nisi procedimi në gjendje të lirë për shtetasin E. M., 50 vjeç, banues në Korçë, me detyrë doganier në Degën Doganore Bllatë, për veprën penale “Shpërdorimi i detyrës”. Në territorin e njësisë administrative Maqellarë, u ndalua automjeti tip “Opel” që drejtonte 42-vjeçari. Nga kontrolli në automjet u gjetën mallra (kuti me detergjente dhe materiale për paketim) të dyshuara të kontrabanduara, pasi nuk ishin të pajisura me fatura blerjeje. Nga hetimet e mëtejshme për këtë rast, dyshohet se 2 doganierët kanë shpërdoruar detyrën, duke favorizuar 42-vjeçarin, për kryerjen e kësaj veprimtarie kriminale”, thuhet në njoftimin e Policisë së Shqipërisë.
Nxënësit e shkollës fillore “Migjeni” në Tetovë të shënojnë Ditën Botërore të
Ushqimit, duke promovuar ushqimin e shëndetshëm për një jetë të shëndetshme.
Ky aktivitet u organizua nën arsimtareve të shkollë me koordinatore Bukurije Kahrimnanin . Në këtë panair të ushqimit nxënësit promovuan ushqimet tradicionale që kishin përgatitur në familjet e tyre Për rëndësinë e këtij panairi me ushqime tradicionale tetovare, arsimtarja Bukurije Kahrimani e cila është edhe koordinatore e këtij projekti për TV Koha deklaroi.
BUKURIJE KAHRIMANI – ARSIMTARE
“ Faleminderim të veçantë edhe për të gjithë ata që na ndihmuan në realizimin e panairit me plotë shije , me plotë ngjyra . Sot është Dita botërore e ushqimit. D.m.th rëndësia e ushqimit të shëndetshëm dhe mirënjohje për kafshatën që kemi. Po ashtu do kisha thënë se ushqimi nuk është vetëm nevojë, është kujdes, dashuri dhe bashkim dhe bashkim I njerëzve . Ushqimi I shëndetshëm mund të themi se është edhe çelësi për një jetë të gjatë dhe të lumtur ” deklaroi koordinatorja Bukurije Kahrimani Koordinatorja Bukurije Kahrimani tha se janë shumë të kënaqura me ushqimet që prezantojnë nxënësit e shkollës fillore “Migjeni” dhe falënderoi prindërit e nxënësve për bashkëpunim.
“Sa i përket ushqimeve jemi shumë të kënaqur , pasi ka një llojllojshmëri të ushqimeve duke nisur nga ushqimet tradicionale. Njëherit përsëri mund të them faleminderit edhe prindërve për bashkëpunim për përkrahjen dhe mbështetjen që na kanëë dhënë në realizimin e këtij panairi’’ tha koordinatorja Bukurije Kahrimani
Në Panairin e ushqimit në shkollën fillore ‘’Migjeni’’ ishin edhe një numër i madh i prindërve të nxënësve të cilët ishin të lumtur me at që kishin përgatitur fëmijët e tyre
Më 15.10.2025 në orën 12:10 në Departamentin Policor Tearcë, H.Z. (40) nga f. Odër e Tetovës, ka denoncuar se rreth orës 00:30 para shtëpisë së saj në fshat, një person i maskuar e ka sulmuar fizikisht, me ç’rast ai ka përdorur një send të mprehtë dhe i ka shkaktuar lëndime me çrast i ka drejtuar kërcënime ndaj bashkëshortit të saj. Po ndërmerren masa për zbardhjen e rastit.
Kryetari i Komunës së Tetovës ka njoftuar se ka nisur asfaltimin e hapësirës brenda Spitalit të Tetovës.
Në një video të bukur të postuar në Facebook, Kasami ka shkruar se “kujdeset për Tetovën”.
“Pas shumë vitesh asfaltohet hapësira brenda Spitalit të Tetovës! Kujdesemi për Tetovën”, ka shkruar Kasami.
Ndryshe, në mandatin e tij të parë, Kasami ka rregulluar thuajse çdo rrugë në Tetovë, ndërsa në mandatin e dytë ka paralajmëruar hapje të shumë bulevardeve të reja.
NË SHKOLLËN MIGJENI NXËNËSIT SHËNUAN DITËN BOTËRORE TË USHQIMIT
Gruaja nga Odri goditet me thikë para shtepisë së saj nga një person i maskuar
Kasami: Pas shumë vitesh asfaltojmë hapësirën brenda Spitalit të Tetovës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
