Nga Ministria e Punëve të Brendshme njoftojnë se gjatë ditës së djeshme kanë arrestuar dy persona nga Shkupi, të cilët dyshohet se kanë realizuar grabitje në Shkup, përcjell TV21. Sipas njoftimit të MPB-së, të njëjtit pas kontrolleve kanë rezultuar se janë të arratisur nga burgu.

“Më 04.12.2025, në orën 17:05, në rrugën “Nëna Terezë” në Shkup, punonjës të Njësisë së Policisë Intervenuese pranë SPB-së Shkup i arrestuan A.ZH. (37) nga Shkupi dhe K.B. (33) nga Manastiri. Ata dyshohen se më 03.12.2025 rreth orës 18:40 në një shoqëri financiare në zonën e Kisella Vodës në Shkup, duke kërcënuar punonjësen, kanë marrë para. Tek ata u gjetën para për të cilat ekziston dyshim se rrjedhin nga vepra penale, ndërsa tek A.ZH. u gjet edhe një substancë e ngurtë. Pas masave të marra, u konstatua se të dy ishin të shpallur në kërkim nga qendrat e burgjeve për arrati. A.ZH. ishte në kërkim për të vuajtur një dënim prej 12 vjetësh burg, ndërsa K.B. për tre muaj”

Anëtari i Këshillit te Pakices Kombëtare Shqiptare të Qytetit të Zagrebit dhe njëherësh specialist i urologjisë në KBC “Sestre Milosrdnice”, doc. dr. sc. Shoip Shoipi, është zgjedhur mjeku më i mirë urolog për vitin 2025.
Ky vleresim i rëndësishëm vjen si rezultat i punës së tij të jashtëzakonshme profesionale, perkushtimit të vazhdueshëm ndaj pacientëve dhe kontributit në avancimin e shërbimeve shëndetësore në Kroaci.
Dr. Shoipi, i lindur në Dobërdoll te Gostivarit, prej vitesh eshtë një nga emrat më të respektuar ne fushën e urologjisë ne Zagreb.
Komuniteti shqiptar dhe kolegët e tij e kanë përgezuar për këtë sukses të madh, duke e cilësuar si një shembull frymezues te profesionalizmit dhe integrimit.
Jemi krenarë per arritjet e tij dhe perfaqesimin dinjitoz te mjekëve shqiptarë në Kroaci!

Ish-kryeministri Nikolla Gruevski, duke ndarë atmosferën e Vitit të Ri nga Budapest, u drejtua me një “shkrim” ndaj liderit të LSDM-së, Vеnko Filipçe, dhe ish-kryeministrit Zoran Zaev.

Ai i akuzoi se thonë një gjë në shtëpi dhe bëjnë diçka tjetër jashtë, duke përsëritur se të dy veprojnë vetëm nga interesi financiar.

“Shumë etik, moral dhe i ndershëm”, shkruan Gruevski për këta dy, të cilët, sipas tij, vazhdojnë të kërcënojnë, sulmojnë, fyejnë, gënjejnë dhe të luajnë role deri në paaftësi, duke qenë të bindur se askush nuk mund t’u bëjë asgjë.

Ai thekson se Prokuroria mund ta hetojë këtë shumë lehtë dhe mund të përfundojë me sukses një hetim. Sipas Gruevskit, kjo nuk është vetëm gënjeshtra ndaj qytetarëve – ndaj të cilëve jemi mësuar – por edhe manipulim me shuma të mëdha parash, origjina e të cilave është e vështirë të provohet.

Gruevski shtoi se bashkëpartiakët e tij nuk kanë demantuar asgjë, por kanë shpikur histori për të.

Advertisement

“Pas tri javësh vendosje etiketa për miliona, miliarda, triliona të shpikura… për një udhëheqje timen që në fakt nuk ka ekzistuar në kryesinë e pushtetit, këta mashtrues sot u fshehën pas një njoftimi partiak plot me fyerje, poshtërime personale, gënjeshtra dhe shpifje ndaj meje, të gjitha të dëgjuara më parë në publik. As një fjalë demant për gjërat që kanë bërë dhe bëjnë, për lakminë me të cilën hynë në politikë, për hipokrizinë ndaj qytetarëve dhe ndaj atyre që i sollën në pushtet, për hapat e tyre të ndyra në të kaluarën dhe sot”, shkruan Gruevski.