Connect with us

Lajme nga vendi

Gashi: Në janar do të miratojmë kalendar pune, duhet të ndërpritet qasja se Kuvendi është makineri votimi për ligje

Published

3 months ago

on

Në Kuvend duhet të mbizotërojë respekti i ndërsjellë midis deputetëve, madje edhe i partive të ndryshme politike. Nëse vetë ne nuk respektohemi, nuk mundemi të presim se qytetarët do të na respektojnë, Nga këtu fillon gjithçka, thotë në intervistë për MIA-n kryetari i Kuvendit Afrim Gashi.

Dallimet ekzistojnë dhe duhet të mbeten, theksoi ai, nuk duhet të jemi të barrikaduar në to, por përmes dialogut dhe në bazë të argumentimit të vijmë deri në zgjidhje të përbashkëta të cilët janë në funksion dhe mirëqenie të të gjithë qytetarëve.

Në mesazhin që ua dërgon deputetëve dhe qytearëve në prag të Vitit të Ri, Gashi potencon se pret që të rritet kultura politike dhe respekti i ndërsjellë.

“Kemi shumë energji negative, po krijojmë shoqëri të kontaminuar. Edhe Kuvendi duhet në njëfarë mënyre të udhëheqësi i këtij bashkimi të sistemit të vlerave. Duhet të bëjmë edhe tranzicion vlerash në soqëri. Të fillojmë të flasim për gjëra të bukura, për respektin, për dashurinë, për gjërat pozitive në shtet, për ndihmë, solidaritet, për empatinë, për etikën, për moralin, vlerat tona familjare etj”, tha Gashi.

Duke folur për punën e Kuvendit gjatë vitit të kaluar, ai theksoi se në bazë të hulumtimit të mendimit publik, për herë të parë pas dhjetë vitesh, kemi perceptim pozitiv të qytetarëve për Kuvendin. Por, gjithashtu, vërejti ai, duhet të zvogëlohet numri i ligjeve me procedurë të shkurtuar që propozohen me procedurë të shkurtuar dhe se kjo vauhdimisht potencohet. Sipas tij, një nga zgjidhjet për ulje të numrit të ligjeve me procedurë të shkurtuar kalendari për punë i Parlamentit që duhet të miratohet në janar. Kështuqë Qeveria, propozuesit e ligjeve, por edhe ministritë dhe administrata do të mund t’i planifikojnë kur t’i dorëzojnë ligjet deri te Kuvendi.

Advertisement

Ligjet, shtoi ai, duhet të miratohen në procedurë të rregullt, sepse kështu do të ketë mundësi edhe për promovim më të madh dhe inkuadrim të ekspertëve.

Në pyetjen se nëse pret që ta përfundojë mandatin si ryetar i Kuvendit, duke i pasur parasysh pozicionimet në kampuset politike, pas zgjedhjeve lokale dhe paralajmërimeve për ndryshime të reja deri në pranverë, Gashi tha se kjo është më pak e rëndësishme për të.

Lidhur me Koalicionin VLEN, Gashi është i bindur se shumë shpejtë do të shndërrohet në një subjekt të vetëm politik.

“Unë jam shumë i lumtur që Koalicioni VLEN po funksionon mirë. Ideja për shndërrimin në një subjekt politik është shumë e gjallë dhe shumë aktive. Ajo mund të ndodhë shumë shpejtë. Këtë e di nga informatat, normalisht nga miqtë e mi. Edhe unë mendoj se kjo është rruga e drejtë dhe më e mirë drejtë të cilit duhet të lëvizë koalicioni ynë. Qytetarët janë të lodhur nga atomizimet, nga ndarjet, nga partitë politike. Dëshirojnë të shohin bashkim, dëshirojnë të shohin se politikanët dhe liderët mund ta tejkalojnë veten e tyre. Se beteja nuk është se kush të jetë kryetari, por beteja është se në cilën rrugë lëvizim, cilat vlera i promovojmë, për çka angazhohemi dhe për çka luftojmë. Nëse kështu i shohim gjërat, unë jam i bindur se shumë shpejtë do të vijmë deri në një subjekt politik”, tha kryetari i Kuvendit, Afrim Gashi.

Advertisement
Related Topics:
Advertisement

Lajme nga vendi

Qeveria Shqiptare e demanton Mickovskin: Autostradën do ta bëjmë deri në Qafë Thanë!

Published

4 hours ago

on

April 2, 2026

By

Nga pjesa e Shqipërisë segmenti drejt vendkalimit kufitar të Qafë Thanës do të ndërtohet plotësisht me Autostradë, konfirmojnë për TV21 nga Tirana zyrtare. Prej Ministrisë së Infrastrukturës dhe Energjisë shqiptare thonë se me kërkesë të Qeverisë së Maqedonisë së Veriut është miratuar ndryshimi i një trajektore të re me tunel për të hapur edhe një vendkalim të ri kufitar me Republikën e Shqipërisë. Por, sipas tyre nuk do të pezullohet dhe as të tjetërsohet projekti aktual në zonën e mbrojtur nga UNESCO.

“Punimet e autostradës së Korridorit 8 zhvillohen në dy segmente njëkohësisht Rrogozhinë-Elbasan dhe Elbasan-Qafë Thanë. Nga Qeveria e Maqedonisë së Veriut është kërkuar që të projektohet një trase e re nga ura e Bushtricës përmes një tuneli drejtë Ladorishtes dhe të hapet një vendkalimi i ri kufitarë, për shkurtim të kohës dhe për të evituar maloret që janë më të kushtueshme për ndërtim dhe mirëmbajtje. Por, Qeveria e Shqipërisë do të vazhdoj edhe segmentin e mëparshëm drejt Qafë Thanës me Autostradë, për të cilat po zhvillohen punimet edhe në zonën e mbrojtur nga UNESCO”, thonë nga Ministria e Infrastrukturës dhe Energjisë së Shqipërisë për TV21.

Sot pikërisht në Qafë Thanë ishin të pranishëm qeveritarët e të dyja vendeve për inter-konektorin energjetik, por nuk folën për autostradën e Korridorit 8.

Ndërsa nga VLEN- betohen se ky projekt do të jetë amanet i këtij mandati ose nuk do të jenë më pjesë e qeverisë.

“Që ky segment nuk ka ku shkon tjetër përveç se të përfundoj në lidhje me Qafë Thanën në Shqipëri, unë nuk e di prej nga i nxjerrin këto insinuate që një projekt kaq serioz të përfundoj pa dalje diku ose pa një destinacion të caktuar? Kështu që ne jemi garancia! Shqiptarët duhet të rrinë të qetë se ne po bëjmë Korridorin 8, do ta bëjmë edhe rrugën Shkup-Bllacë, do ta bëjmë edhe rrugën Tetove-Prizren. Po që se nuk do të bëhen këto në mandatin tonë, unë ju garantoj se as unë, as Besa e shkrirë në VLEN nuk do të jetë pjesë e Qeverisë”, theksoi Adnan Azizi, deputet i VLEN.

Advertisement

Dje TV21 e publikoi dokumentin me 8 vërejtjet e Komitetit të trashëgimisë botërore të UNESCO për Maqedoninë e Veriut, në të cilin vetëm në një pikë përmendet autostrada për Korridorin 8.

Kryeministri Mickoski dje tha se në segmentin andej kufirit në pjesën e Shqipërisë nuk do të jetë autostradë.

Continue Reading

Lajme nga vendi

Komisioni Venecias porosi Shkupit për zbatimin e shqipes, por e njeh si gjuhë të pakicës

Published

4 hours ago

on

April 2, 2026

By

Gjykata Kushtetuese në ueb-faqen e saj publikoi mendimin e përbashkët “Amicus Curiae” (Këshillë miqësore) e Komisionit të Venecias dhe Drejtorisë së Përgjithshme për Demokraci dhe Dinjitet Njerëzor në Këshillin e Evropës lidhur me lëndën për përdorimin për Përdorimin e Gjuhëve.

Sipas këtij mendimi, të drejtat gjuhësore të pakicave janë standarde minimale, që shtetet mund t’i zgjerojnë, por vetëm nëse sigurojnë zbatim real në praktikë. Pra, nuk mjafton që këto të drejta të ekzistojnë në ligj – ato duhet të mbështeten me burime financiare, staf dhe mekanizma funksionalë.

Komisioni thekson se shtetet kanë hapësirë të gjerë për të vendosur si do t’i zbatojnë këto të drejta, por duhet të përdorin kritere objektive dhe të respektojnë parimin e mosdiskriminimit, si dhe të konsultohen me komunitetet pakicë. Në nivel lokal, pritjet janë më të larta për përdorimin e gjuhëve të pakicave, pasi institucionet janë më afër qytetarëve.

Në raport me administratën, përdorimi i gjuhëve të pakicave mund të kushtëzohet nga përqindja e popullsisë, por pragjet shumë të larta mund të pengojnë zbatimin real të këtyre të drejtave. Ndërkohë, çdo zgjerim i përdorimit të gjuhëve kërkon investime shtesë nga shteti.

Sa i përket gjyqësorit, standardi minimal është i qartë: çdo i akuzuar që nuk e kupton gjuhën zyrtare ka të drejtë për përkthim dhe mbrojtje në një gjuhë që e kupton.

Advertisement

Shtetet mund të ofrojnë edhe të drejta më të gjera, por pa e dëmtuar funksionimin e drejtësisë.

Në përfundim, Komisioni i Venecias thekson se balancimi mes të drejtave të pakicave dhe funksionimit efektiv të shtetit është thelbësor, dhe çdo politikë gjuhësore duhet të jetë e zbatueshme dhe e qëndrueshme në praktikë.(INA)

Continue Reading

Lajme nga vendi

Filloi ndërtimi i linjës interkonektive 400 kV Maqedonia e Veriut – Shqipëria

Published

4 hours ago

on

April 2, 2026

By

Pas një periudhe ngecjeje, sot filluan punimet ndërtimore të njërit prej projekteve më të mëdha elektroenergjetike në dhjetë vitet e fundit. Vendosja e gurthemelit për linjën interkonektive 400 kV ndërmjet Maqedonisë së Veriut dhe Shqipërisë shënon rifillimin e projektit, i cili ka rëndësi strategjike për stabilitetin energjetik dhe integrimin rajonal. Projekti është pjesë e Korridorit 8 Pan-evropian, i cili do të mundësojë lidhjen direkte të sistemeve elektroenergjetike të dy vendeve, rritjen e sigurisë në furnizim dhe avancimin e shkëmbimit ndërkufitar të energjisë elektrike.
“Ky interkoneksion nuk është vetëm kabllo, shtyllë apo linjë transmetimi. Kjo infrastrukturë është një urë besimi, shembull se si dy vende mund të ndërtojnë diçka që është e mirë për to, por edhe për gjithë rajonin. Bashkëpunimi ndërmjet Maqedonisë së Veriut dhe Shqipërisë në energjetikë është I natyrshem, i domosdoshëm dhe largpames. Sistemet tona mund të plotësojnë njëra-tjetrën, resurset tona mund të krijojnë sinergji”, tha drejtori i përgjithshëm i SHA MEPSO, doc. dr. Burim Latifi.
Duke rikujtuar arsyet që e bllokuan projektin për vite dhe punën e mundimshme për ta rifilluar atë, Latifi shtoi: “E gjetëm një projekt plotësisht të bllokuar. Për katër vite projekti nuk ishte realizuar as 4%. Më pas, i identifikuam pikat e dobëta, i eliminuam barrierat administrative dhe për një kohë të shkurtër e shndërruam këtë projekt nga një projekt në letër në projekt në terren. Ky investim që për një kohë të gjatë ishte i bllokuar, më në fund po rifillon dhe hyn në fazën e tij më të rëndësishme – fazën e ndërtimit.”
Duke theksuar rëndësinë e projektit për lidhjen rajonale, ministri i energjetikës i Republikës së Shqipërisë, Enea Karakaçi, tha se ky është një investim në sigurinë e përbashkët, zhvillimin dhe integrimin evropian. Zëvendësshefi i delegacionit të BE-së, Nupnau Ben, theksoi se me investimin në këtë projekt dhe mbështetjen e lidhjes energjetike ndërkufitare, sigurohet jo vetëm siguria energjetike e Maqedonisë së Veriut dhe Shqipërisë, por edhe e BE-së.
“Në këto kohë turbulente të ndryshimeve gjeopolitike, më shumë se kurrë duhet së bashku të vazhdojmë të ndërtojmë një union të vërtetë përmes forcimit të rrjeteve, zhvillimit të burimeve të rinovueshme, ndërtimit të interkoneksioneve dhe integrimit të tregjeve, me qëllim rritjen e furnizimit me energji nga burime të pastra, të gjelbra dhe vendore.”
Ky projekt krijon një urë të re energjetike ndërmjet rajonit dhe Evropës, me përfitime të rëndësishme ekonomike dhe zhvillimore, tha përfaqësuesi i BERZH-it, Fatih Turkmenoglu. Për këtë projekt strategjik, BERZH tashmë ka siguruar një kredi prej 37 milionë euro për MEPSO dhe ka mobilizuar një grant shtesë investimi prej 12 milionë euro përmes Kornizës së Investimeve për Ballkanin Perëndimor.
Fillimi i ndërtimit të linjës interkonektive nga TS Manastir 2 përmes TS Ohër deri në kufirin Maqedoni e Veriut – Shqiperi është bazë strategjike për hartën e re energjetike të vendit tonë, tha ministrja e energjetikës Sanja Bozhinovska.
“Ajo që po e fillojmë sot do të zgjasë shumë më gjatë se një mandat, një gjeneratë apo një cikël ekonomik. Ne po vendosim infrastrukturën që do ta përdorin kapacitetet e ardhshme prodhuese, industritë e reja, platformat digjitale, qendrat e të dhënave dhe gjeneratat që vijnë. Prandaj besoj se dita e sotme do të shënohet si një pikë e rëndësishme në zhvillimin e energjetikës ne vendin tone”, tha ajo.
Linja Manastir – Elbasan e mbyll boshllëkun energjetik, tha kryeministri Hristijan Mickoski.
“Për herë të parë bëhemi plotësisht të lidhur me të gjitha sistemet elektroenergjetike të vendeve fqinje. Kjo do të thotë më shumë siguri për qytetarët dhe stabilitet për ekonominë”, deklaroi kryeministri.
Continue Reading

Më të lexuarat