Lajme nga vendi
Mickoski: Projekti “Qyteti i Sigurt” ka për qëllim të shpëtojë jetë njerëzish, është gabim që politikanë të caktuar përpiqen ta etnizojnë
Kryetari i Qeverisë, Hristijan Mickoski, duke iu përgjigjur pyetjeve të deputetëve në seancën e sotme, theksoi se kjo Qeveri garanton përfaqësim të drejtë dhe se ligji i ri mori rekomandim pozitiv nga Komisioni i Venecias, i cili është obligues në procesin drejt BE-së, ndërsa projekti “Qyteti i Sigurt” nuk etnizon, por shpëton jetë njerëzish.
– Sa i përket përfaqësimit të drejtë, mund të them se absolutisht po tregohet kujdes për përfaqësimin e drejtë, unë personalisht jam garant dhe këtë e kam thënë edhe në të kaluarën. As si njeri, as si politikan, as si kryetar i Qeverisë, nuk do të lejoj që dikush të majorizojë apo të minimizojë dikë tjetër. Pra, absolutisht mund t’ju siguroj se cilësia e njerëzve, pa marrë parasysh përkatësinë e tyre etnike, duhet të jetë kyçe dhe prioritet, dhe kjo është një vlerë themelore kushtetuese dhe pjesë e rezolutave dhe konventave ndërkombëtare – theksoi Kryeministri Mickoski duke iu përgjigjur pyetjes të parashtruar nga deputeti Skender Rexhepi.
Kryeministri Mickoski i tha deputetit Rexhepi se çështjet duhet të shihen më gjerë dhe në mënyrë objektive, në vend që të etnizohen, duke menduar se në këtë mënyrë do të fitohen pikë politike.
– Sa i përket Ligjit për përfaqësim të drejtë, ai është i përfunduar dhe ka marrë mendimet e fundit pozitive nga Komisioni i Venecias. Do t’ju rikujtoj se mendimi i Komisionit të Venecias, në përputhje me ndryshimet e fundit në procesin e aderimit në Bashkimin Evropian dhe në përputhje me kërkesat e fundit për ndryshimin e metodologjisë në procesin e aderimit, janë një faktor vendimtar. Veprohet sipas tyre dhe pres që shumë shpejt ky ligj t’ju dorëzohet juve, deputetëve, dhe shpresoj që të miratohet njëzëri, pasi ka rekomandim pozitiv nga Komisioni i Venecias dhe gjithashtu shpresoj që në këtë mënyrë deputetët të mos i rrezikojnë proceset evropiane të shtetit, theksoi Kryeministri Mickoski.
Lidhur me vendimin e Gjykatës Kushtetuese, Kryeministri Mickoski theksoi se nuk do t’i komentojë vendimet e Gjykatës Kushtetuese, por është fakt se kjo shumicë në Gjykatën Kushtetuese është zgjedhur në kohën e qeverisë së mëparshme, e jo në këtë qeveri.
Sa i përket projektit “Qyteti i Sigurt”, Kryeministri Mickoski theksoi se është gabim që edhe këtë projekt disa politikanë përpiqen ta etnizojnë, sepse ai ka për qëllim të shpëtojë jetë njerëzish.
– Politikanët që janë në një entuziazëm romantik mendojnë se, nëse i etnizojnë edhe të ndjerët që fatkeqësisht kanë humbur jetën si pasojë e aksidenteve të trafikut, duhet të shihen përmes prizmit të përkatësisë etnike.
Ajo që mund të them është se pas realizimit të projektit “Qyteti i Sigurt” nuk do të ketë më një numër të madh viktimash nga aksidentet e trafikut. Kjo qeveri vendosi ta vërë projektin në funksion me qëllim që të shpëtojë jetë njerëzish, pa u udhëhequr nga statistika matematikore se kush i përket cilës përkatësi etnike dhe pa e interpretuar metodologjinë me të cilën për të ndjerët përcaktohet përkatësia etnike. Ky projekt ka për detyrë të shpëtojë sa më shumë njerëz, theksoi Kryeministri Mickoski.
Për tre nga pesë të arrestuarit nga Bërvenica të cilët dyshohen për tregti me drogë dhe armë, gjykata ka caktuar masën e kujdesit afatshkurtër prej 48 orëve, përkatësisht mbajtjen në dobi të hetimit. Një i dyshuar tjetër është obliguar me paraqitje.
“Dy klientët e mijë, me inicialet SZ dhe IJ që dyshohen për vepër penale tregti me drogë dhe armë dhe lëshim të pa autorizuar në treg, të paraparë me Nenin 396 të KP të RMV dhe të Nenit 215 paragrafi një, të cilat hyjnë në kategorinë e veprave të rënda dhe serioze”, tha Qenan Ramani, avokat.
Një nga pesë të arrestuarit ditë më parë, tek i cili është gjetur sasia më e madhe e parave, është liruar nga akuza, sepse i njëjti ka dëshmuar me dokument prejardhjen e parave dhe ai nuk do të ndiqet penalisht. Grupi i arrestuar ditë më parë dyshohet të ketë lidhje të forta me pushtetin aktual dhe qendror. Policia është duke punuar për zgjerimin e hetimit dhe shpartallimin e plotë të grupit kriminal.
Presidentja Gordana Siljanovska Davkova dekretoi Kodin Penal. Thotë se ka vërejtje, por sipas saj është më i mirë se Kodi paraprak Penal. Siljanovska thotë se ndryshimet i pranon vetëm si tranzicion, pra deri në miratimin e Kodit tërësisht të ri në qershor.
“Unë e kam nënshkruar ligjin ja do të them përse. Kam menduar, por kam edhe unë vërejtje për disa zgjidhje por më së voni pres që ky tranzicion të tejkalohet në qershor, siç më kanë shpjeguar, sepse unë kërkova sqarime të detajuara. Do ta toleroj këtë vetëm në prag të pritjes së Kodit të ri Penal, për të cilin punohet gjatë kohë dhe sipas meje do të jetë kyç edhe për reformat në gjyqësor”, tha Gordana Siljanovska Davkova, Presidente.
Siljanovska tha se e mbështet plotësisht edhe ligjin për kundërvajtje në trafik, respektivisht sistemin “Safe City”. Ajo thotë se iniciativat që e vënë në pikëpyetje kushtetutshmërinë e sistemit janë të pabaza.
“Unë jam juriste dhe teza se sistemi ka të bëjë vetëm me disa qytete është tezë laike nuk është tezë e bazuar juridikisht sepse në Kumanovë, Shkup dhe Tetovë nuk drejtojnë automjetet vetëm banorët e atyre qyteteve por ka shoferë nga i gjithë shteti. Unë nuk shoh këtu diskriminim. Diskriminimi është i mundshëm vetëm nëse bëhet fjalë për dallime në baza gjinore, mbi baza të çfarëdolloj përkatësie”, u shpreh Gordana Siljanovska Davkova, Presidente.
“Safe City” do të hyjë në fuqi të plotë më 1 shkurt, kur dhe do të nis zbatimi i gjobave ndaj shkeljeve të detektuara nga sistemi i kamerave. Gazetare: Ajnur Bafqari
Bashkimi Evropian ka publikuar një strategji të re për viza e cila për herë të parë parashikon zgjidhje sistematike për shoferët profesionistë jashtë Zonës Shengen, nëpërmjet vendosjes se regjimit të posacëm të vizave dhe për qëndrimet e vazhdueshme por të shkurta në Zonën Shengen.
Në dokumentin strategjik të KE-së, theksohet se regjimi i tanishëm i qëndrimit, i cili lejon 90 ditë në afat prej 180 ditëve, shkakton probleme serioze për sektorët që varen nga lëvizshmëria përtej kufitare, Mes tyre, posacërisht është theksuar sektori i transportit që është i një rëndësie shumë të madhe për vendet e BE-së.
Komisioni vëren se rregullat aktuale kërkojnë marrjen e një vize afatgjate ose leje qëndrimi për çdo qëndrim më të gjatë se 90 ditë, por se një sistem i tillë nuk është i përshtatshëm për profesione që kërkojnë lëvizje të shpeshta dhe afatshkurtra ndërmjet vendeve anëtare, pa synim për vendosje të përhershme në Bashkimin Evropian.
Në këtë kontekst, për herë të parë përmenden në mënyrë eksplicite shoferët e kamionëve nga vendet e treta si kategori profesionale për të cilën mund të vendosen rregulla të reja për qëndrime të zgjatura afatshkurtra, së bashku me artistët në turne, sportistët dhe profesionistët e angazhuar në projekte ndërkufitare.
Komisioni Evropian vlerëson se zgjidhjet e reja për viza mund të kontribuojnë në fleksibilitet më të madh të tregut të punës, stabilitet të zinxhirëve të furnizimit dhe funksionim më të mirë të tregut të brendshëm të BE-së, duke ruajtur njëkohësisht kontrollin mbi flukset migratore.
Hapat e mëtejshëm dhe modelet konkrete të vizave të reja do të jenë objekt i negociatave me vendet anëtare në periudhën e ardhshme.
Paraburgim për tre të arrestuarit nga Bervenica për armë dhe drogë
“Safe City”/ Presidentja dekretoi Kodin Penal
Lajm i mirë për transportuesit, BE do të vendosë viza speciale për shoferët
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
