Lajme nga vendi
Nënkryetari i BDI-së Hoxha: Nuk hymë në Qeveri pa marrëveshje politike
Nënkryetari i BDI-së, Arjanit Hoxha në Click Plus në TV21, deklaroi se nuk do të hyjnë në Qeveri pa marrëveshje politike. Tutje, Hoxha tha se kjo është e vetmja Qeveri në historinë e shtetit që ndërtohet pa program politik të implementuar nga partitë politike shqiptare.
“Qëllimet e Mickoskit kanë qenë të qarta. Si ta dobëson pozicionin e shqiptarëve në Maqedoninë e Veriut dhe të hakmerret për të gjithë ato të arritura të shqiptarëve që kanë ndodhur në formë të natyrshme. Dhe i duheshte një grusht njerëzish për ta legjitimuar politikën e tij. Se nëse ata nuk do të ishen pjesë e qeverisë nuk do të kishte se si të mbetet barra mbi ata. Pse nuk e provuan ata, që siç thonë po të ikim ne do hyjë BDI-ja. Nuk hyn BDI-ja në Qeveri është thënë shumë herë, po e them edhe unë si nënkryetar se BDI-ja nuk hynë në Qeveri nëse ata dalin. Nuk mund të hysh në Qeveri pa marrëveshje politike. Është qeveria e parë në historinë e shtetit që ndërtohet pa program politik të implementuar nga partitë politike shqiptare”, tha nënkryetari i BDI-së, Arjanit Hoxha në Click Plus.
Ministrja e Financave, Gordana Dimitrieska-Koçoska, në emisionin “360 Gradë” në RTVM deklaroi se vendosja e pagës minimale duhet të udhëhiqet nga dialogu mes punëdhënësve dhe punëtorëve, ndërsa Qeveria do të pranojë çdo marrëveshje të arritur mes tyre.
Dimitrieska-Koçoska theksoi se, megjithëse paga e asnjë punëtori nuk është kurrë e mjaftueshme dhe gjithmonë duhet të jetë më e lartë, ekzistojnë rregulla ekonomike që duhet të merren parasysh.
“Le të ulen dhe të dakordohen mes tyre për atë që punëdhënësit mund të përballojnë, sepse ata janë ata që duhet të paguajnë pagat. Më tregoni, ku në botë shteti i mbulon pagat e sektorit privat? Qeveria mund të mbulojë pagat e administratës dhe të pensionistëve, por këtu po flasim për sektorin privat. Nuk mund t’i përziejmë gjërat,” tha ministrja.
Ajo shtoi se Qeveria ka rritur pagat në shëndetësi, arsim dhe MPB dhe ka kujdesur për punonjësit e saj. “Ky është një dialog që duhet të udhëhiqet nga punëdhënësit dhe punëtorët. Qeveria thotë: ‘Ne e vendosëm ligjin, dhe nëse mendoni se duhet të shkojmë përtej ligjit, dakordohuni mes jush’,” përfundoi Dimitrieska-Koçoska.
Numri i punëtorëve në industri në periudhën janar – dhjetor të vitit 2025 krahasuar me periudhën janar – dhjetor të vitit 2024, është zvogëluar për 3,5 për qind, njoftoi Enti Shtetëror për Statistikë.
Ndërkaq, numri i të punësuarve në industri në dhjetor vitin e kaluar, krahasuar me muajin dhjetor të vitit 2024 është zvogëluar për 2,8 për qind.
Numri i punëtorëve në sektorin Minierat dhe gurorët gjatë muajit dhjetor të vitit 2025, krahasuar me periudhën e njejtë të vitit paraprak, shënon rënie për 6,0 për qind, në sektorin Industria përpunuese për 2,7 për qind, ndërsa në sektorin Furnizime me energji elektrike, gaz, avull dhe ajër të kondicionuar për 0,5 për qind.
Sipas grupeve kryesore industriale, numri i të punësuarve në industri gjatë muajit dhjetor të vitit 2025, krahasuar me periudhën e njejtë të vitit paraprak, shënon rënie tek Energjia për 2,5 për qind, Prodhimet kapitale për 4,3 për qind dhe Prodhime jo të qëndrueshme për konsum të gjërë për 3,3 për qind dhe Produktet intermediare, përveç energjisë, për 1,8 për qind, ndërsa rritje vërehet te Prodhime të qëndrueshme për konsum të gjërë për 4,0 për qind.
Spanja do të ndalojë qasjen në rrjetet sociale për personat nën 16 vjeç
“Më detyroi burri të gënjeja”, shqiptarja shmang depërtimin nga Mbretëria e Bashkuar
Dimitrieska-Koçoska: Paga minimale, vendoset nga punëdhënësit dhe punëtorët
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
