Lidhja e Sindikatave të Maqedonisë ka dorëzuar nismën ku kërkohet ulja e pagave të funksionarëve për 80%.

LSM-ja propozon që baza e llogaritjes së pagave të deputetëve dhe funksionarëve, në vend të asaj minimale të jetë paga minimale si dhe ulja e koeficientëve për llogaritjen e pagave dhe kompensimeve për 40%.

SLOBODAN TRENDAFILOV – LSM

“120 deputetët menjëherë të votojnë për nismën për shkak se u thonë punëtorëve se mirë jetohet me pagë minimale dhe e ruajnë në sirtar propozimin e LSM-së për rritjen e pagës minimale dhe pagave tjera për së paku 6.000 denarë”

Por, Kryeministri Mickoski thotë se sindikatave u është ofruar formula sipas së cilës do të llogariten të ardhurat personale për të punësuarit në administratën publike, duke shtuar se pjesa më e madhe e sindikatave pajtohen që pagat të llogariten sipas formulës ekzistuese të qeverisë.

Advertisement

HRISTIJAN MICKOSKI – KRYEMINISTËR

“Pres që të dalin nga përqafimi partiak disa nga udhëheqësia e LSM-së dhe të dakordohen me Qeverinë në interes të punëtorëve, për shkak se 7.700 deri 7.800 kolegë tanë nuk kanë marrëveshje kolektive me qeverinë, kurse gjithë të tjerët kanë. Fomula paraseh rritje vjetore prej rreth 8% që deri në vitin 2028 do të kishte rreth 40% paga më të larta”

Derisa kërkohet zgjidhje për paga më të larta, Sindikata e punonjësve të administratës, organeve të jurisprudencës dhe shoqatave të qytetarëve nesër kanë një takim në Qeveri . Nga ana tjetër LSM-ja rikujton se mbeten në qëndrimin që paga minimale të jetë 600 euro dhe plus 100 euro dhe për të martën nisin me protesta dhe bllokime duke mos përjashtuar grevën.

Mbylljen e një numri të madh të dyqaneve artizanale dhe pushime nga puna e të punësuarve do të shkaktojë rritja e pagës minimale prej 600 euro siç kërkohet, paralajmëroi sot Oda e Zejtarëve – Shkup.

Sipas Odës, paga minimale duhet të llogaritet në përputhje me ligjin. Nëse ajo do të rritej në 600 euro, kjo do të nënkuptonte një goditje të madhe për shkak të rritjes drastike të kostove të kontributeve.

“Ne nuk jemi kundër rritjes së pagës minimale, por ajo duhet të jetë e qëndrueshme, bazuar në një analizë të mirë. Sektori i artizanatit nuk mund ta përballojë këtë ritëm të rritjes së vazhdueshme të shpenzimeve. Duhet të merret në konsideratë situata e artizanëve që punojnë në qytete më të vogla dhe zona rurale ku ka migrim të lartë dhe konsum dukshëm më të ulët të produkteve dhe shërbimeve artizanale. Për të mbijetuar dhe për të ruajtur likuiditetin, artizanët do të detyrohen të rrisin çmimet, gjë që do të ulë më tej kërkesën dhe do të çojë në mbylljen e një numri të madh biznesesh artizanale”, tha kryetari i Odës së Zejtarëve – Shkup, Goran Ristovski, në konferencën e sotme për media.

Siç theksoi Ristovski, rritja e pagës minimale në 600 euro do të ndikojë drejtpërdrejt te zejtarët që paguajnë një taksë të plotë paushale sipas një vendimi nga DAP dhe te zejtarët që paguajnë taksë sipas të ardhurave reale të fituara.

Kryetari i Odës theksoi se në Shkup ka mbi 2.300 zejtarë, ndërsa në nivel të vendit ka rreth 8.000. Ka mungesë të fuqisë punëtore në të gjithë sektorët, por është mirë”, vlerësoi Ristovski.

Advertisement

Kryeministri Hristijan Mickoski deklaroi se ka kërkuar një reakcion vendimtar dhe të fortë nga policia ndaj të gjithë atyre që kanë shkelur ligjin, kanë bërë kërcënime publike dhe kanë rrezikuar qetësinë dhe sigurinë e qytetarëve gjatë protestave të djeshme, të lidhura me konfiskimin e automjeteve nga personat që kanë drejtuar pa patentë shoferi.

“Do të përgjigjemi ashpër, që të mos përsëritet çmenduria e djeshme që ndodhi,” tha kryeministri, duke iu referuar protestave të një grupi qytetarësh të komunitetit rom.

“Bisedova këtë mëngjes me ministrin e Punëve të Brendshme. Ajo që i kërkova është që **ata që kanë shkelur ligjin, kanë bërë kërcënime publike dhe kanë rrezikuar qetësinë dhe sigurinë e qytetarëve – të përgjigjen ashpër. Dhe do të përgjigjemi që të mos përsëritet kjo çmenduri e djeshme që ndodhi,” tha Mickoski.

Deklarata e kryeministrit vjen pas një serie protestash dhe bllokimesh rrugësh, ku disa demonstrues digjnin goma dhe mbeturina dhe hynin në përplasje verbale me policinë. Protestat janë reaksion ndaj zbatimit të ndryshimeve në Ligjin për Kundërvajtje, sipas të cilit është parashikuar konfiskimi i detyrueshëm i automjeteve për personat që kapen duke drejtuar pa patentë shoferi.