Kryeministri Hristijan Mickoski deklaroi se ka kërkuar një reakcion vendimtar dhe të fortë nga policia ndaj të gjithë atyre që kanë shkelur ligjin, kanë bërë kërcënime publike dhe kanë rrezikuar qetësinë dhe sigurinë e qytetarëve gjatë protestave të djeshme, të lidhura me konfiskimin e automjeteve nga personat që kanë drejtuar pa patentë shoferi.

“Do të përgjigjemi ashpër, që të mos përsëritet çmenduria e djeshme që ndodhi,” tha kryeministri, duke iu referuar protestave të një grupi qytetarësh të komunitetit rom.

“Bisedova këtë mëngjes me ministrin e Punëve të Brendshme. Ajo që i kërkova është që **ata që kanë shkelur ligjin, kanë bërë kërcënime publike dhe kanë rrezikuar qetësinë dhe sigurinë e qytetarëve – të përgjigjen ashpër. Dhe do të përgjigjemi që të mos përsëritet kjo çmenduri e djeshme që ndodhi,” tha Mickoski.

Deklarata e kryeministrit vjen pas një serie protestash dhe bllokimesh rrugësh, ku disa demonstrues digjnin goma dhe mbeturina dhe hynin në përplasje verbale me policinë. Protestat janë reaksion ndaj zbatimit të ndryshimeve në Ligjin për Kundërvajtje, sipas të cilit është parashikuar konfiskimi i detyrueshëm i automjeteve për personat që kapen duke drejtuar pa patentë shoferi.

Gjatë ditës së djeshme përmes sistemit “Qyteti i Sigurt” janë regjistruar 650 kundërvajtje, njoftojnë nga Ministria e Punëve të Brendshme. 590 prej tyre për tejkalim të shpejtë së lejuar.

“Gjatë ditës së djeshme (03.02.2026) u regjistruan gjithsej 650 kundërvajtje përmes sistemit “Qyteti i Sigurt”. Prej tyre, për kalim në semafor të kuqe janë konstatuar gjithsej 36 kundërvajtje, për vozitje me shpejtësi më të madhe nga e lejuara janë gjithsej 590 kundërvajtje, ndërsa për automjete të paregjistruara 24 kundërvajtje. Në këtë rast, janë shqiptuar gjithsej 61 ndalime për drejtim të automjetit. U bëjmë thirrje të gjithë pjesëmarrësve në trafik që të respektojnë rregullat dhe rregulloret e trafikut dhe të kontribuojmë të gjithë për siguri rrugore në mbarë vendin”, thonë nga MPB.

Policia turke kap edhe 3 ton “Ariel” të falsifikuar të destinuar për në Tetovë!
Policia turke dje sërish ka zbuluar një kanal kontrabande të detergjentëve të falsifikuar, ndërsa destinacioni përfundimtar duhej të ishte Tetova.

Në një depo të improvizuar në një lagje të Stambollit, policia turke ka kapur rreth 3000 kg detergjent të rremë “Ariel”, të paketuar në 300 thatë me nga 10 kg secili.
Dërgesa ishte e njëjta sikurse në dhjetor, kur Dogana e Maqedonisë kishte kapur detegjentin e rremë, të destinuar për në Tetovë.

Vitin e kaluar duke dashur të futet në Maqedoni, një kamion me detergjentë “Ariel” të falsifikuar u kap nga doganierët ndërsa kompania që bënte transportin kishte deklaruar se është për tregun në Tetovë!