Kryetari i komunës së Tetovës dhe njëri nga liderët e koalicionit VLEN, Bilall Kasami, ka realizuar takim me nismëtarët e iniciativës për dhënien e jurisprudencës në gjuhën shqipe. Kasami thotë se ka siguruar studentët që provimi në fjalë do të mbahet edhe në gjuhën shqipe.
“Bashkë me zv/kryetarin Albi Qamili, mirëpritëm sot nismëtarët e iniciativës për dhënien e provimit të jurisprudencës në gjuhën shqipe, në krye me studentin Mevlan Ademi.
Diskutuam gjerësisht për këtë problematikë dhe e sigurova sërish se provimi i jurisprudencës do të jepet edhe në gjuhën shqipe. Shumë shpejt kjo çështje do të marrë edhe zgjidhje adekuate ligjore.
Përkrahim studentët në këtë iniciativë dhe do të përkujdesemi që Kushtetuta të zbatohet në çdo fushë”, ka shkruar Kasami.

Kryeministri Hristijan Mickoski tha se pret që sot të përfundojë debati mes ministrit të Drejtësisë, Igor Fillkov dhe zëvendëskryeministrit të parë Bekim Sali, në lidhje me kërkesën për provim të jurisprudencës edhe në gjuhën shqipe. Mickoski tha se ka vullnet politik që kjo çështje të zgjidhet dhe tha se gjatë ditës së nesërme do t’i ftojë në takim palët e përfshira.

“Kushtetuta është e qartë dhe precize. Kushtetuta thotë se gjuhë zyrtare në të gjithë territorin e Maqedonisë dhe në përdorim ndërkombëtar është gjuha maqedonase, por gjithashtu, me përshkrimin më poshtë, ashtu thotë neni, gjuhë zyrtare në këtë rast është edhe shqipja, respektivisht bashkësia që është më tepër se 20%. Në këtë rast është gjuha shqipe. Dhe në një pjesë të amendamentit 5 që e zëvendëson nenin 7 të Kushtetutës shumë qartë qëndron, thotë komunikimi në institucionet shtetërore mund të zhvillohet edhe në gjuhën. në këtë rast të bashkësisë që është më tepër se 20%, pasi që kjo të rregullohet me ligj, dmth ne duhet që këtë proces të provimit fillimisht ta përcaktojmë me ligj. Ligji kështu siç është, nuk lejon provim të tillë, unë jam i gatshëm që këtë ta rregullojmë me ligj, dhe jo vetëm për gjuhën shqipe, por edhe për gjuhët e të gjithë popujve që janë përmendur në preambulën. Nëse duam që kjo të ndodhë, duhet të bëhet ligj. Unë jam i gatshëm që të bëhet ligj, të dorëzohet në Komisionin e Venecias, nëse ligji është në përputhje me Kushtetutën ose jo. Fakt është se kur është bërë Ligji për Gjuhët, Komisioni i Venecias, për pjesën e gjyqësorit dha mendim negativ”, deklaroi Mikcoski.

Indeksi I perceptimit të korrupsionit për vitrin 2025 tregon se korrupsioni vazhdon të paraqes kërcënim serioz në shumë vende të botës. Raporti tërheq vërejtjen se dobësimi I mekanizmav për kontroll demokratik dhe presionet ndaj mediave të pabvarura dhe shoqërisë civile ulin transparencën dhe llogaridhënien e qeverive.

Maqedoni e Veriut ka fituar 40 pikë në shkallën nga 0 deri 100 dhe gjendet në vendin e 84-të nga 182 vendet e ranguara. Në vitin 2024 vendi ynë kishte numër të njëjtë të pikëve – 40 dhe ishte në vendin e 88-të.

Nga Transparency International thonë se problemet kyçe sistematike edhe më tej mbeten reformat e pasuksesshme dhe jo të përfunduara në gjyqësor dhe prokurori që nuk arrijnë të sigurojnë sistem efikas dhe të pavarur gjyqësor.

Gjithashtu ngjarjet që lidhen me ish-Kryetaren e Komisionit Antikorrupsion seriozisht kanë cënuar besimin e opinionit në institucionet e ngarkuara për luftën kundër korrupsionit.

TRANSPARENCY INTERNATIONAL

Advertisement

“Këto rezultate dërgojnë mesazhin e qartë se pa vullnet të vërtetë politik, procese transparente dhe institucione llogaridhënëse, RMV-ja do të mbetet e bllokuar në stagnim. Lufta antikorrupsion duhet të trajtohet si prioritet kryesor shtetëror e jo si angazhim deklarativ”

Nga vendet e rajonit Serbia është në vendin 116-të, Shqipëria në 91, Kosova në vendin e 76, kurse Greqia në atë të 56.

Në vendin e parë është Danimarka, e dyta Finlanda, kurse në mesin e 10 më të mirëve janë edhe Singapori, Zelanda e Re, Norvegjia, Suedia, Zvicra, Luksemburgu, Holanda dhe Gjermania.

Në fund të listës janë Sudani Jugor, Somalia, Venecuela, Jemeni, Libia, Eritrea e të tjerë.

Advertisement