Lajme nga vendi
AUV nuk do të veprojë rreth parashtresave të dërguara në mënyrë anonime
Agjencia për Ushqim dhe Veterinari (AUV) i i nformon personat fizikë dhe juridikë se konform nenit 62, paragrafi 3 nga Ligji i ri për mbikëqyrje inspektuese, i cili është në fuqi nga 1 janari i vitit 2026, shërbimet inspektuese të AUV nuk do të veprojnë rreth nismave të parashtruara në mënyrë anonime për zbatimin e mbikëqyrjes inspektuese për çështje nga fushëveprimi i punës së institucionit.
“Veprimet e ndërmarra mbi iniciativat e paraqitura në mënyrë të rregullt do të kryhen në përputhje me Procedurën për veprim mbi iniciativat për mbikëqyrjen inspektuese të AUV-së. Iniciativa mund të dorëzohet drejtpërdrejt te AUV përmes formularit të kontaktit DORËZO ANKESË të publikuar në ueb faqen e Agjencisë (https://fva.gov.mk/mk/contact/podnesete_predstavka), në mënyrë elektronike në info@fva.gov.mk, pretstavki@fva.gov.mk, si dhe personalisht në secilën njësi rajonale të AUV-së, në një formular të përshtatshëm për dorëzimin e iniciativave”, thuhet në njoftimin për shtyp.
Nisma detyrimisht duhet të përmbajë emër të inspeksionit deru ku dorëzohet, emër, mbiemrë dhe adresë së parashtruesit, gjegjësisht emër dhe adresë të parashtruesit, përfaqësues ligjor ose autorizues nëse ka, përshkrim të shkurtër të shkeljes dhe emërimit të subjektit ndaj të cilit kërkohet kryerje e mbikëryqrjes inspektuese
Nëse iniciativa e paraqitur është e paplotë ose e paqartë, ajo do t’i kthehet paraqitësit, i cili duhet ta specifikojë/plotësojë atë brenda një periudhe jo më të gjatë se 7 ditë. Nëse paraqitësi nuk e plotëson iniciativën brenda periudhës së caktuar, ajo do të konsiderohet e tërhequr.
Lajme nga vendi
Raporti i ekspertëve sllovenë: Mungesë dokumentacioni dhe terapi jo e duhur në Klinikën e Onkologjisë
Me analizën e raportit të ekspertëve sllovenë, vazhdoi seanca dëgjimore në rastin e Onkologjisë, në të cilën ish-drejtori i Onkologjisë, Nino Vasev, së bashku me dy onkologë të tjerë, akuzohen për trajtim të pandërgjegjshëm të pacientëve.
Sipas ekspertëve, nuk është mbajtur asnjë dokumentacion për pacientët onkologjikë dhe nuk është dhënë asnjë terapi e përshtatshme ose është dhënë terapi e kombinuar që bie ndesh me protokollet e trajtimit të kancerit. Gjyqi analizoi rastet e pacientëve që prokuroria beson se janë trajtuar në mënyrë të pandërgjegjshme. Gjykimi për onkologjinë do të vazhdojë në ditët në vijim.
Lajme nga vendi
Elita Zylbeari Masha bëhet Doktore e Shkencave të Mjekësisë,shqiptarja e parë që doktoron në fushën e Dermatovenerologjisë dhe Imunologjisë
Bota akademike dhe shkencore shqiptare në Maqedoninë e Veriut është pasuruar me një arritje të jashtëzakonshme. Elita Zylbeari Masha ka mbrojtur me sukses gradën shkencore Doktor i Shkencave të Mjekësisë pranë Universitetit “Goce Dellçev” në Shtip, duke shënuar një moment historik si shqiptarja e parë që doktoron në fushën e specifikuar të Dermatovenerologjisë dhe Imunologjisë.
Përvoja e saj e gjatë në arsimin parauniversitar pritet të jetë një vlerë e shtuar për botën akademike, ku kontributi i saj shkencor do të shërbejë si udhërrëfyes për brezat e rinj.
Në mesazhin e saj pas këtij suksesi, Dr. Elita ia ka dedikuar këtë kërkim shkencor fëmijëve të saj, prindërve dhe të gjithë mendjendriturve që i kanë shërbyer si burim frymëzimi në këtë rrugëtim të gjatë dhe sfidues.
Anëtarët e Komisionit Shtetëror të Zgjedhjeve (KSHZ) sot e mbajtën mbledhjen e parë, në të cilën shqyrtuan dhe në mënyrë unanime miratuan gjashtë pika nga rendi i ditës.
Unanimisht u miratuan vendimet për përcaktimin e pagesës së kompensimit të personave të angazhuar, si trupa ndihmës në departamentet rajonale të KSHZ-së, pastaj vendimi për miratimin e Raportit për kryerjen e Regjistrimit të inventarit dhe materialit tjetër për vitin 2025, si dhe vendimi për angazhimin e personave në grupin e punë për infrastrukturën e serverit dhe të rrjetit, mbajtjen e bazës së të dhënave dhe përpunimin e listës zgjedhore dhe përcaktimin e kompensimit për personat e angazhuar.
Në kuadër të pikës së pestë të rendit të ditës u miratua edhe Konkluzioni për pranimin e raportimit në Entin Shtetëror të Revizionit (ESHR). Kryetari i KSHZ-së, Bojan Mariçiq, ka informuar se pas draft-raportit të dorëzuar nga ESHR, të marrë më 12 janar të vitit 2026, Komisioni paraqet njoftim me pikëpamjet e tij në raportin e parë për revizionin e kryer të raporteve financiare për vitin 2024.
Dhe ky njoftim i KSHZ-së në Entin Shtetëror të Revizionit u miratua unanimisht nga ana e anëtarëve të Komisionit Shtetëror të Zgjedhjeve.
MILANO-CORTINA 2026: DENNI XHEPA I 34-TI NË SUPER G
QËLLOHET PËR VDEKJE ME SHISHE QELQI FUTBOLLISTI NË ARGJENTINË
MILANO CORTINA: SKUALIFIKOHEN DY SKIATORE TË KORES SË JUGUT
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
