Lajme nga vendi
Aksidentohet eskorta e kryeministrit të Malit të Zi
Tre oficerë policie u plagosën në një aksident trafiku që ndodhi në qytetin Skrbushë në Mal të Zi, në rrugën Mateshevo-Kolashin, ndërsa po shoqëronin kryeministrin malazez Milojko Spajiç.
Policia konfirmoi se kryeministri, si person i mbrojtur, nuk ndodhej në automjetin e përfshirë në aksident, por në një makinë tjetër eskorte.
Sipas raportimeve të medias, oficerët e policisë pësuan lëndime të rënda, por jo kërcënuese për jetën. Pas aksidentit, ata u transportuan në Qendrën Klinike të Malit të Zi, ku morën ndihmë mjekësore.
Aksidenti ndodhi rreth orës 16:30. Mjeti tjetër, një BMW me targa të huaja, mbante në bord një shtetas ukrainas 21-vjeçar me inicialet VS.
Sipas informacioneve të para nga policia, dyshohet se drejtuesi i BMW-së, duke lëvizur përgjatë rrugës rajonale R-13 nga drejtimi i Podgoricës drejt Kolashinit, në pjesën ku ndalohet tejkalimi për shkak të vijës së plotë, për arsye të panjohura ka kaluar në korsinë e kundërt të trafikut dhe me pjesën e përparme të automjetit ka goditur Mercedesin zyrtar të shoqëruesit të Kryeministrit, i cili po vinte nga drejtimi i kundërt.
Mjeti i parë nga shoqëruesit e Kryeministrit, i drejtuar nga oficeri i policisë MK , u përfshi në aksident, dhe në makinë ndodheshin dy policë të tjerë. Të tre u plagosën dhe u trajtuan në spital.
Lajme nga vendi
SPB Tetovë arrestohet 51 vjecari nga Tetova. Ai kërkohej me urdhëresë gjyqësore për vuajtje të dënimit me burg
Dje, në orën 16:15 në rrugën “Ilinden” në Tetovë, zyrtarë policorë nga SPB Tetovë kanë arrestuar një 51 vjecar nga Tetova. Ai kërkohej me urdhëresë gjyqësore për vuajtje të dënimit me burg për vepër penale të kryer sipas nenit 284-a të Kodit Penal. I njëjti është dërguar në Institucionin Ndëshkues-Përmirësues Burgu i Tetovës për vuajtje të dënimit.
Lajme nga vendi
SPB Tetovë; Është konstatuar se 6 automjete kanë kryer transport publik pa pasur leje përkatëse
Dje, në periudhën nga ora 16:00 deri në orën 20:00, zyrtarë policorë nga SPB Tetovë në rrugën “Iliria” në Tetovë kanë kryer kontroll për sanksionimin e automjeteve që kryejnë transport publik pa pasur licencë. Me këtë rast janë ndaluar 6 automjete të udhëtarëve. Bëhet fjalë për “Audi”, “Skoda”, “Ford”, “Seat”, “Renault” dhe “Citroen”, të gjitrhë me targa të Tetovës. Është konstatuar se kanë kryer transport publik pa pasur leje përkatëse dhe pas dokumentimit të plotë të rasteve, ndaj tyre do të ngrihen padi përkatëse.
RMV – Një rritje vjetore e akcizës së duhanit prej 12% mund të shpëtojë deri në 1.500 jetë në vit deri në vitin 2030.
Ky është përfundimi i analizës së fundit nga organizata “Analitika”, e cila propozon masa drastike për të ulur numrin e lartë të duhanpirësve.
Pse duhet të shtrenjtohen cigaret?
Sipas studimit, rritja e akcizës do të sillte dy përfitime kryesore:
• Shëndeti: Ulje e duhanpirjes (nga 48.4% në 46.7%) dhe parandalim i vdekjeve të parakohshme.
• Buxheti: Të hyrat shtetërore nga akciza do të rriteshin nga 258 milionë euro në 403 milionë euro deri në vitin 2030.
Mbrojtja e të rinjve në fokus
Shifrat janë alarmante: 74% e të rinjve e nisin duhanin para moshës 13-vjeçare. Shtrenjtimi i cigareve llogaritet të pengojë rreth 900 të rinj në vit që të nisin këtë ves vdekjeprurës.
Ligji i ri: “Gjenerata pa nikotinë”
Ministria e Shëndetësisë ka paralajmëruar një Ligj të ri për Mbrojtjen nga Duhani, i cili parashikon:
• Ndalim të rreptë të duhanit në ambiente të mbyllura.
• Taksa të larta edhe për cigaret elektronike dhe pajisjet me nxehje.
• Mbikëqyrje të rreptë për institucionet dhe objektet hoteliere.
A mendon se rritja e çmimit është mënyra e duhur për t’i bërë njerëzit ta lënë duhanin, apo duhen gjoba më të rrepta nëpër kafene? (INA)
KONFERENCË LIGA: SHKUPI DHE PRISHTINA NË QENDËR TË VËMENDJES
CHAMPIONS: BAYER FITON NË GREQI, BODO/GLIMT BEFASON INTERIN!
SPB Tetovë arrestohet 51 vjecari nga Tetova. Ai kërkohej me urdhëresë gjyqësore për vuajtje të dënimit me burg
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
