Lajme nga vendi
LIGA E PARË: SHKËNDIJA DHE ARSIMI ME FITORE TË RËNDËSISHME
Dë ndeshjet e zhvilluara dje në kuadër të javës së 19-të në Ligën e pare të futbollit vendor sollën fitore për ekipet mysafire Shkëndija dhe Arsimi që mu006Aën Sileksin gjegjësisht Shkupin.
Skuadra e Shkëndijës ka marrë një fitore shimë domethënëse ndaj Sileksit në Kratovë me rezultat 2:1 në kuadër të xhiros së 19-të në Ligën e Parë të futbollit të Maqedonisë së Veriut. Me tre pikët e fituara tani Shkëndija vazhdon të mbetet në pozitën e dytë në tabelë me 45 pikë apo gjashtë më pak se Vardari në pozitën e pare.. Pas ndeshjes trajneri Jeton Beqiri deklaruar se është i kënaqur me tre pikët e fituara që u arritën në një teren të pa përshtatshëm
“I kënaqur për luftën e fituar, pasi nuk mund të flas për futbollin e luajtur. Kjo këtu në këtë fushë nuk ka të bëjë me futbollin. I kënaqur me karakterin dhe angazhimin e futbollistëve. Me pak fat nuk arritëm që ta mbyllim mirë pjesën e parë, pranuam gol në moment shumë negativ. Pastaj kishte momente ku edhe rrezikuam, por kishim momente edhe ku mund të fitojmë, ndërsa edhe momente ku mund ta humbnim ndeshjen. E rëndësishme është se ne rrezikuam, futëm edhe lojtar më shumë ofenziv. Unë gjithmonë them, se fati i ndjek ata të cilët janë luftëtar dhe që japin maksimumin.”deklaroi trajneri Jeton Beqiri
Në Gostivar,klubi I futbollit Arsimi në cilësinë e mysafirit shënoi fitore kundër Shkupit 3-0 , ndërsa autor të golave ishin Remzifaik Selmani 2 gola dhe Argjend Gafuri 1 gol. Autori i dy golave pas ndeshjes deklaroi se fitorja ishte imperativ për ekipin e tij
‘’Normalisht çdo fitore është motiv shtesë për ne . Sigurisht se këto tre pikë na duheshin pasi vijmë pas një serie jo të mirë dy humbje radhazi Kjo fitore do të na lehtësoj shumë të ardhmen të fitojmë si ekip motiv dhe të jemi më efikas dhe më të përqendruar në ndeshjet e radhës’’ tha futbollisti Remzifaik Selmani
Me tre pikët e fituara deje kundër Shkupit, skuadra e Çegranit tani me 25 pikë është në pozitën e gjashtë, ndërsa në ndeshjen e javës së 20 është nikoqire e Makedonija Gj.P
SHABAN SINANI – TV KOHA
Lajme nga vendi
Shpallet tenderi/ Në afat sa më të shpejtë pritet të nisë ndërtimi i burgut të ri në Idrizovë
Javën e kaluar u shpall tenderi për ndërtimin e burgut të ri në Idrizovë, i cili ishte paralajmëruar para dy vitesh.
“Në proces është thirrja ndërkombëtare për zgjedhjen e realizuesit. Presim që në afatin më të shpejtë të mundshëm, pas përfundimit formal-juridik të procedurës, të fillojë ndërtimi i burgut të ri”, thonë nga Qeveria.
Sipas paralajmërimeve të bëra dy vjet më parë nga ministri i transportit, Aleksandar Nikolloski, vendimi për ndërtimin e burgut të ri në Idrizovë erdhi pas rekomandimeve të shumta për modernizimin e repartit të burgjeve dhe përmirësimin e kushteve për të dënuarit.
“Projekti parashikon ndërtimin e një objekti të ri për repartin e burrave, një repart të ri paraburgimi dhe objekte të reja për kuzhinë dhe lavanderi. Ndërtimi i objekteve të reja është në vlerë prej 25 milionë euro, mjete të siguruara me mbështetjen e Bankës për Zhvillim pranë Këshillit të Evropës”, tha Aleksandar Nikolloski, zëvendëskryeministër dhe ministër i transportit.
Burgjet në Maqedoni përballen me stërngarkim, por vitet e fundit janë shënuar edhe raste për arratisje spektakolare. Para disa viteve në Idrizovë u zbulua një tunel nëntokësor 40 metra i gjatë me të cilin po përgatitej arratisje, ndërsa në çatinë e burgut u gjet edhe një paraglajder me të cilin disa të burgosur kishin planifikuar të iknin./ Alsat.mk
Më datë 22.01.2026, në orën 23:40, në bulevardin “Ilindenska” në Tetovë, punonjësit policisë nga Stacioni Policor për Siguri në Komunikacionin Rrugor kanë arrestuar një 16-vjeçar nga Tetova. Gjatë kontrollit në komunikacion, policia ka ndaluar një automjet pasagjerësh “Ford” me targa të Tetovës, të cilin e drejtonte i mituri.
Pas masave të ndërmarra, u konstatua se personi ishte i mitur dhe drejtonte mjetin pa pasur të kryer provimin për patentë shoferi. Me urdhër të prokurorit publik, personi është ndaluar, ndërsa automjeti është konfiskuar. Pas dokumentimit të plotë të rastit, ndaj tij do të ngrihet padi përkatëse.
Lajme nga vendi
Kontroll aksional në Gostivar: Kapet një i mitur në bastore dhe arrestohet një shtetas i Shqipërisë
Gjatë natës mes 22 dhe 23 shkurtit 2026, nga ora 19:00 deri në 00:15, në zonën e Gostivarit, policia në bashkëpunim me Inspektoratin Shtetëror të Tregtisë dhe atë të Punës kanë kryer kontrolle nëpër bastore sportive dhe kazino.
Gjatë kontrollit, në njërin objekt është gjetur një i mitur nga Tetova, i cili i është dorëzuar prindit. Në një objekt tjetër është arrestuar personi A.L. (29) nga Shqipëria, pasi po qëndronte i papunësuar dhe i paparaqitur në zonë. Pas dokumentimit të plotë të rastit, do të vijojnë paditë përkatëse.
Shpallet tenderi/ Në afat sa më të shpejtë pritet të nisë ndërtimi i burgut të ri në Idrizovë
Tetovë: Arrestohet një 16-vjeçar, voziste pa leje, i konfiskohet vetura
Kontroll aksional në Gostivar: Kapet një i mitur në bastore dhe arrestohet një shtetas i Shqipërisë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
