Një krizë energjetike, veçanërisht e karburantit, mund të godasë Evropën që muajin e ardhshëm. Kjo u paralajmërua nga drejtori ekzekutiv i Shell, Wael Sawan, i cili tha se sigurimi i furnizimeve të mjaftueshme është thelbësor për sigurinë kombëtare.

Përballë rritjes së madhe të çmimeve të vajgurit të aviacionit, drejtori ekzekutiv i kompanisë së naftës parashikoi një rritje të ngjashme të çmimeve të benzinës dhe naftës, ndërsa afrohet sezoni i verës.

“Vendet nuk mund të kenë siguri kombëtare pa siguri energjetike, tha Sawan, duke shtuar se Shell po përpiqej të bashkëpunonte me qeveritë për t’i ndihmuar ato të adresonin krizën energjetike, duke përfshirë edhe ruajtjen dhe blerjen. Konflikti në Lindjen e Mesme, tani në javën e katërt, ka ndikuar tashmë në furnizimin me karburant për avionë, me naftën që do të jetë e radhës, e ndjekur nga benzina ndërsa sezoni i verës fillon në Hemisferën Veriore”, deklaroi Sawan.

“Azia Jugore ishte e para që mori atë peshë. Kjo është zhvendosur në Azinë Juglindore, Azinë Verilindore dhe më pas edhe më shumë në Evropë ndërsa hyjmë në prill”, tha ai ndërsa fliste në konferencën CERAWeek në Hjuston të Teksasit.

Sipas tyre, propozimi amerikan përfshin një sërë çështjesh kyçe, mes të cilave lehtësimi i sanksioneve, bashkëpunimi në fushën bërthamore për qëllime civile, kufizimi i programit bërthamor të Iranit, si dhe monitorimi nga Agjencia Ndërkombëtare e Energjisë Atomike.

Zyrtarët pakistanezë, të cilët folën në kushte anonimiteti pasi nuk ishin të autorizuar të bënin publike detajet, nuk dhanë më shumë informacione mbi përmbajtjen e plotë të propozimit.

Ndërkohë, Irani ka këmbëngulur se nuk është i përfshirë në negociata me Shtetet e Bashkuara. Një zëdhënës ushtarak iranian gjithashtu ka ironizuar përpjekjet diplomatike të Uashingtonit, duke i hedhur poshtë pretendimet për bisedime në zhvillim.

Çmimet e arit të zi janë qetësuar pas deklaratës së presidentit amerikan Donald Trump se negociatat me Iranin po përparojnë .

Nafta e papërpunuar Brent ra me 5% nën 99 dollarë  për fuçi, ndërsa nafta e tregtuar në SHBA ra me më shumë se 5.5% në 88.41 dollarë.

Mediat ndërkombëtare theksojnë se SHBA-të i kanë dorëzuar Iranit një plan me 15 pika, duke cituar burime të paidentifikuara dhe një prej kërkesave kryesore përfshin hapjen e Ngushticës së Hormuzit dhe se ajo do të njihej si një zonë e lirë detare.

Deklarata erdhi pasi disa vende duket se kanë negociuar kalim të sigurt për anijet e tyre, pavarësisht kërcënimeve të Teheranit se do të shënjestrojë anijet që do të përpiqen të përdorin kanalin.

Rënia e çmimeve të naftës të mërkurën sugjeron se tregu tani mendon se shanset për një ndërprerje të zgjatur të furnizimit dhe skenarë të tjerë më të këqij janë më pak të mundshme se më parë,.

Advertisement

Qëndrimet e Trump kanë rritur shpresat se konflikti do të lehtësohet, por rënia e çmimeve të naftës do të zgjasë vetëm nëse ka një “ndjekje të besueshme”, siç është kalimi i sigurt për anijet nga Gjiri, tha ai.

Çmimet e energjisë janë rritur ndjeshëm që nga fillimi i luftës, pasi Irani ka bllokuar në mënyrë efektive Ngushticën e Hormuzit, një rrugë ujore e ngushtë nëpër të cilën zakonisht kalojnë rreth 20% e naftës dhe gazit natyror të lëngshëm në botë çdo ditë.

Çmimi i naftës së papërpunuar Brent u rrit përsëri mbi 100 dollarë për fuçi të martën dhe edhe pas rënies së fundit mbetet shumë më i lartë se përpara se SHBA-të dhe Izraeli të nisnin sulmet ndaj Iranit më 28 shkurt.

shefi i gjigantit të energjisë Shell tha se mungesa e naftës mund të godasë Evropën muajin e ardhshëm.

Kostoja e naftës së papërpunuar mund të qëndrojë mbi 100 dollarë – ose ndoshta më afër 150 dollarëve për fuçi – për vite me radhë nëse konflikti nuk zgjidhet dhe Irani bëhet një vend që mund të pranohet përsëri nga bashkësia ndërkombëtare./abcnews.al

Advertisement