Deputetja opozitare Ilire Dauti sot ka protestuar gjatë një mbledhjeje në kuvend për të drejtat e gruas dhe meshkujve për mungesën e dokumentacionit përkatës në gjuhën shqipe të ofruar nga sekretariati i legjislativit, raportojnë mediat maqedonase.

Press24.mk shkruan se sot në mengjes gjatë debatit u shkaktuar një “kaos”, pasi që deputetja Ilire Dauti nga Aleanca për Shqiptarët reagoi për shkak të mosrespektimit të Ligjit për përdorimin e gjuhëve.
Sipas këtij mediumi, zonja Dauti kërkoi një ndërprerje të mbledhjes sepse dokumentet për debatin nuk ishin në gjuhën shqipe, por vetëm maqedonase.

“Si mund të flasim për dhunë sot kur unë vetë isha viktimë e dhunës psikologjike”, citohet Dauti të ketë thënë nga ky medium.
Pas disa minutash tensionesh, u bë një pushim për të qetësuar tensionet.

Mbetet e paqartë nëse në vazhdim u sollën dokumentacioni i mbledhjes edhe në gjuhën shqipe.

Drejtoria e të Ardhurave Publike njofton tatimpaguesit dhe përdoruesit e sistemit e-Tatime se për shkak të një përmirësimi teknik të planifikuar të sistemeve të IT-së, të mërkurën, më 08.04.2026, duke filluar nga ora 14:00, do të ketë një ndërprerje të përkohshme në funksionimin e sistemit dhe shërbimeve elektronike.

Me qëllim që të sigurohet përmbushja e pandërprerë e detyrimeve tatimore, i nxisim të gjithë përdoruesit të përfundojnë aktivitetet e tyre para se të fillojë ndërprerja.

Pas përfundimit të aktiviteteve teknike, sistemi do të jetë përsëri i disponueshëm për përdorim.

Nga DAP njëkohësisht falënderohen për mirëkuptimin dhe bashkëpunimin e vazhdueshëm.

LSDM-ja opozitare kërkon përgjegjësi nga Kryetari i Kumanovës, Maksim Dimitrievski dhe partia e tij “ZNAM” lidhur me skandalin e keqpërdorimit të fëmijëve për qëllime politike. Ngjarja ka ndodhur në Shkollën Fillore “Koço Racin” në Kumanovë. Sipas LSDM-së, nxënësit e kësaj shkolle janë detyruar të këndojnë këngën e fushatës zgjedhore të Dimitrievskit gjatë një aktiviteti që ishte paralajmëruar si humanitar.

“Në vend të humanizmit të vërtetë ashtu siç ishte paralajmëruar, opinioni pa diçka krejtësisht të kundërt, fëmijë të keqpërdorur dhe të vënë në funksion të propagandës politike, të detyruar të këndojnë një këngë nga fushata zgjedhore e Dimitrievskit. Përpjekjet e ZNAM-it për ta arsyetuar skandalin janë të turpshme, videoja e ngjarjes flet vetë. Duke pasur parasysh cilësinë e këngës, në ZNAM mund të mendojnë se ajo duhet të vendoset si e detyrueshme në shkollat fillore, në kuadër të orëve të edukimit muzikor”, deklaroi Rozalija Angellovska, Komisioni për Arsim, LSDM.

Lëvizja ZNAM hodhi poshtë akuzat e LSDM-së duke i quajtur të rreme dhe dashakeqe. Sipas tyre, ngjarja ishte një aksion humanitar i organizuar tërësisht nga prindërit dhe artistët, pa asnjë lloj detyrimi apo organizimi partiak.

“Në mungesë të ideve, LSDM shpik skandale. Është kulmi i hipokrizisë që një parti që ka keqpërdorur çdo institucion për vite me radhë, sot të mbajë leksione mbi moralin” thuhet në reagimin e Lëvizjes “ZNAM”, tha Lëvizja “ZNAM”.

LSDM-ja shpikë skandale
LSDM s’mund të mbajë leksione
Një ditë më parë, në Shkollën Fillore “Koço Racin” në Kumanovë kryesia e prindërve organizoi një aksion humanitar me të ftuar të ndryshëm, mes tyre politikanë dhe këshilltarë komunalë. Në një video të publikuar në rrjetet sociale shihen momentet kur nxënësit këndojnë këngën në gjuhën rome e cila gjatë fushatës së zdhedhjeve lokale ishte kënga identifikuese e kryetarit aktual të Kumanovës, Maksim Dimitrievski./Alsat.mk.

Advertisement