Sport
LIGA E DYTË: JAVA E 24-të – VAZHDOJNË “BETEJAT” PËR PESË EKIPET!
Në kampionatin e ligës së dytë të futbollit vendor kanë mbetur vetëm edhe gjashtë xhiro deri në fund të sezonit 2025/2026, ndërsa lufta për kreun e tabelës bëhet edhe më e ashpër kur dihet se për promovim në elitën e futbollit, me gjasa pothuajse të barabarta, luftojnë Ohri, Shkëndija e Haraçinës, Bregallnica e Shtipit dhe Skopje .
Ohri dhe Shkëndija e Haraçinës janë mysafire të Kamenica Sasa gjegjësisht Osogovës në Koçani, ndërsa skuadrat e tretë që gjithashtu ka 52 pikë, Bregallnica është nikoqire ekipit të fundit në tabelë Golemo Konjare.
Kjo do të thotë se ndeshjet në Kamenicë dhe Koçani mund të jenë përcaktuese për rrjedhën e mëtutjeshme të kampionatit.
Të gjitha ndeshjet zhvillohen nesër me fillim në orën 15:30.
Takohen: Osogova – Shkëndija e Haraçinës, Teteksi – Prespa, Kamenica Sasa – Ohri, Novaci – Skopje, Bregallnica – Golemo Konjare, Vardari Detonit Plaçkovica, Kozhufi – Slloga dhe Pobeda – Bellasica.
Shaban Sinani – TV Koha
Përfaqësuesja e Maqedonisë së Veriut në futboll më 29 Maj 2026, në Sarajevë do të luajnë një ndeshje miqësore kundër me reprezentacionin e Bosnjës e Hercegovinës. Ndeshja Bosnaj Hercegovina – Maqedonia e Veriut stdiumin ‘’Asim Ferhatoviq – Haso në Sarajevë
Reprezentacioni i i Bosnjës dhe Hercegovinës është kualifikuar në Kampionatin Botërorë 2026 , prandaj kjo ndeshje miqësore që zhvillohet në kuadër të orarit të përcaktuar nga FIFA, do të jetë e mirëseardhur për të dyja përfaqësueset .
Boshnjakët, nga ana tjetër, informuan më parë se biletat për atë ndeshje me siguri do të shiten të gjitha dhe ndeshja do të luhet tribunave të mbushura me afro 30 mijë tifozë aq sa është kapaciteti i këtij impianti sportiv .
Maqedonia e Veriut, gjatë grumbullimit maj-qershor, do të luajë një tjetër ndeshje miqësore, sipas të gjitha gjasave kundër Turqisë në Stamboll, për të cilën pritet vetëm konfirmimi zyrtar.
Me dy ndeshjet e fundit që u zhvilluan pasditen e së enjtes u kompletua java e 26-të e kampionatit. Arsimi dhe Struga Trim Lum arkëtuan pikët në përballjet me Makedonija Gj.P dhe Shkupin
Java e 26-të e kampionatit në Ligën e Parë të futbollit vendor që u kompletua me dy ndeshjet e zhvilluar pasditen e djeshme prodhoi 2 barazime dhe 4 fitore të skuadrave mysafire.
Arsimi me fitoren minimale 0-1 në transfertë kundër Makedonija Gj. P. arkëtoi tre pikë që mund të jenë vendimtare për të siguruar mbijetesën në elitën e futbollit vendor.
Më ndeshjen tjetër, Struga Trim Lum në cilësinë e mysafirit në Strugë mundi Shkupin 3-0
Kompletimi i javës së 26-të përfundimisht dëshmoi se Vardari dhe Shkëndija mbeten dy skuadrat e vetme që do ta diskutojnë titullin kampion.
Pas kompletimit të javës së 26-të tabelën e kryeson Vardari me 62 pikë e ndjekur nga Shkëndija që ka 61 dhe Struga Trim Lum me 56 pikë, ndërsa për dy vendet që do ta diskutojnë balotazhin janë Arsimi apo AP Brera me njërën nga këtë tre skuadra Pelisteri, Rabotniçki dhe Makedonija Gj.P,
Java e 27-të vazhdon nesër me ndeshjet Vardari – Rabotniçki dhe Sileksi – Bashkimi.
Të dielën për shkak të Pashkëve nuk ka futboll.
Shaban Sinani – TV Koha
Barcelona assesi të pajtohet me disfatën nga Atletiko Madridi në çerekfinalen e Ligës së Kampionëve. Katalanasit përmes një komunikate zyrtare kanë konfirmuar ankesën formale në UEFA, ku drejtpërdrejtë akuzojnë referin Ishtvan Kovaç për ndikim në rezultatin 0 me 2.
Barcelona me ankesë zyrtare në UEFA. Fokusi kryesor i ankesës është situata në minutën e 54-të të ndeshjes kundër Atletico Madridit në çerekfinalen e Ligës së Kampionëve që “katalanasit” e humbën 0 me 2 në Camp Nou.
Sipas Barcelonës, pasi loja kishte rifilluar sipas rregullit, një futbollist i Atletiko Madridit mori topin me dorë në 16-shin e tyre, kurse referi nuk akordoi penalti.
Gjigandi katalanas kërkon pranimin zyrtar të gabimeve dhe ndërmarrjen e masave kundër personave zyrtar.
Por, jo vetëm kaq!
Në shkresën drejtuar UEFA-së, Barcelona ka shfaqur pakënaqësi të thellë nga trajtimi në Ligën e Kampionëve, në disa sezone të fundit, duke pohuar se janë viktima të padrejtësive sistematike.
Edhe pse vështirë se do të ndryshohet rezultati nga ndeshja e parë, ky veprim i Barcelonës paraqet një presion të qartë ndaj UEFA-së para revanshit të së martës në Madrid.
Tensioni midis dy rivalëve spanjoll tashmë ka arritur pikën e vlimit!
Presion ndaj studentëve shqiptarë – Reagon ashpër Forumi për të Drejtat e Njeriut
KASAMI IRONIZON ME LETRËN E AHMETIT: E DËRGOI EDHE NË HËNË
Irani: Ngushtica e Hormuzit e hapur me kushte, tarifë 2 milionë € për çdo anije! Paralajmërohet rritje e çmimeve edhe në Maqedoni
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota2 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”