Abuzimet në rrjetet sociale janë shfaqur si kërcënimi kryesor për privatësinë e qytetarëve në Maqedoninë e Veriut gjatë vitit 2024, thuhet në raportin vjetor të Agjencisë për Mbrojtjen e të Dhënave Personale, përcjell Zhurnal.mk.

Nga gjithsej 249 ankesa të paraqitura, plot 247 kanë të bëjnë me keqpërdorime në hapësirën online, duke dëshmuar se interneti dhe rrjetet sociale janë kthyer në arenën kryesore të shkeljes së të drejtave personale.

Sipas raportit, rastet më të shpeshta përfshijnë profile të rreme dhe të hakuara, publikim të paautorizuar të fotografive dhe videove, si dhe keqpërdorim të të dhënave personale. Këto nuk konsiderohen më vetëm si krim kibernetik abstrakt, por si goditje direkte ndaj jetës së përditshme të qytetarëve, duke shkaktuar dëmtim të reputacionit, vjedhje identiteti dhe ndjenjë pasigurie në hapësirën digjitale.

Veçanërisht shqetësues mbetet fakti se 12 nga rastet e raportuara lidhen me fëmijë. Edhe pse numri mund të duket i vogël, autoritetet paralajmërojnë se çdo rast i tillë mund të ketë pasoja afatgjata për privatësinë dhe sigurinë psikologjike të të miturve.

Raporti ngre gjithashtu shqetësime për kapacitetet institucionale. Gjatë vitit 2024, Agjencia ka realizuar 338 mbikëqyrje me vetëm katër mbikëqyrës, ndërsa numri i përgjithshëm i të punësuarve është 16, çka tregon për një disproporcion të madh mes përmasës së problemit dhe burimeve në dispozicion.

Advertisement

Megjithëse është miratuar një strategji e re për periudhën 2025–2030, ajo për momentin mbetet vetëm një kornizë fillestare. Të dhënat e vitit 2024 dërgojnë një mesazh të qartë: privatësia po rrezikohet më së shumti pikërisht aty ku qytetarët kalojnë më shumë kohë – në rrjetet sociale.

Transportuesit e mallrave dhe të udhëtarëve që nisen drejt shteteve të BE-së nga sot po përballen me procedura të reja të hyrje-daljeve në zonën Shengen. Sistemi evidentimit elektronik në pikat kufitare EES ka nis të funksionojë nga 10 prilli për të gjithë shtetasit e huaj, por nga 6 shtetet e Ballkanit Perëndimorë kanë shprehur shqetësimin se po ju vështirësohet puna me shoferët e kamionëve dhe të autobusëve. Se a do të mund të vozisin shoferët më shumë se 90 ditë brenda 180 ditëve në zonën shengen, nga Shoqata “Makam-trans” thotë se kanë pasur përgjigje pozitive për prolongim të restrikcioneve deri në shtator.

“Që në ditën e parë janë vërejtur komplikime dhe pritje të gjata në vendkalimet kufitare me BE-në. Si në Kroaci ashtu edhe në Hungari ka pasur radhë të gjata të kamionistëve tanë, të cilët për herë të parë nuk do të marrin vula në pasaporta, por do të fotografohen dhe të skanojnë gjurmët e gishtërinjve në sistem”, tha Shoqata e Transportuesve të kamionëve të RMV-së “MAKAM -Trans”.

“Makam-trans” thotë se synimi është të sigurohen kushte gjatë periudhës kalimtare për transport të pandërprerë të mallrave dhe pasagjerëve në BE, pa kufizime apo procedura diskriminuese, në përputhje me Marrëveshjen e Stabilizim-Asociimit (2001) dhe marrëveshjet dypalëshe në transportin rrugor.

Pas protestave të bëra 26-29 Janar duke bllokuar pikat transportuese doganore, shoferët e kamionëve dhe autobusëve u njohën si profesion më vete nga autoritet e BE-së. Për këtë kategori profesionistësh EES-ja është prolonguar deri në shtator, thonë nga Ministria e transportit dhe lidhjeve, duke identifikuar shtetet e BE ku më së tepërmi udhëtojnë kamionët dhe autobusët tanë për të marr viza afatgjate pune.

“Me Bullgarinë dhe me Greqinë duhet të kemi marrëveshje të posaçme duke pasur parasysh se këtu ka qarkullim ditor dhe të mos ketë fare nevojë për viza apo kufizime. Pak e tretë po shkon relativisht mirë! Zvicra veç se e ka vënë në zbatim, Kroacia e ka në proces deri në javën e fundit të prillit. Sot e firmosa vendimin që përfaqësuesit tanë të shkojnë në Rumani që edhe atje të zgjidhet problemi. Hungaria premtoi që pasi të mbarojnë zgjedhjet parlamentare, të cilat i kanë tani të dielën, do të punojnë në zgjidhjen e problemit. 21-22 prill delegacioni qeveritar i kryesuar nga kryeministri shkon në Austri në takim me kancelarin, ku do të jetë një nga çështjet kyçe që do të bisedohet në agjendë”, u shpreh Aleksandar Nikollovski, ministër i Transportit.

Advertisement

Autoritet bëjnë me dije që edhe me Gjermaninë janë në bisedime përmes Odës së investitorëve të huaj, dhe me Britaninë e Madhe kanë nisur bisedime të posaçme duke qenë se ishullorët më nuk janë pjesë e BE-së dhe zonës Shengen dhe kanë rregulla të tjera të vizave të punës për profesionistët e huaj. Disa nga shoferët thonë se për Britaninë e Madhe marrin viza pune të përkohshme, ndërsa për Zvicër që është në Shengen zonë por jo në Bashkimin Evropian marrin viza tjera me leje qëndrim të kufizuar për 80 ditë.

REAGIM ZYRTAR nga Forumi Ndërkombëtar për të Drejtat dhe Liritë e Njeriut
dhe në emrin e Kryetarit të Nderit, Idriz Sinani
Forumi Ndërkombëtar për të Drejtat dhe Liritë e Njeriut reagon ashpër ndaj veprimeve të fundit të pushtetit sllavo-maqedon, i cili përmes thirrjeve në “biseda informative” po ushtron presion të drejtpërdrejtë ndaj studentëve organizatorë të protestave legjitime.
Ftesa në polici e njërit nga organizatorët e protestave të studentëve të Jurisprudencës, Mevlan Ademi, si dhe marrja në pyetje e kolegut të tij Jon Selimi, përbën një akt shqetësues dhe të papranueshëm, që bie ndesh me standardet ndërkombëtare të të drejtave dhe lirive të njeriut, veçanërisht me të drejtën për organizim, shprehje të lirë dhe protestë paqësore.
Ne e konsiderojmë këtë veprim si përpjekje për frikësim dhe heshtje të zërit studentor, i cili është themeli i një shoqërie demokratike.
Forumi ynë i jep përkrahje të plotë dhe të fuqishme protestës së studentëve dhe deklaron se do të jetë gjithmonë në krah të tyre, në mbrojtje të çdo kërkese të drejtë dhe legjitime që ata parashtrojnë.
I bëjmë thirrje institucioneve shtetërore që të respektojnë Konventat Ndërkombëtare për të Drejtat e Njeriut, ku parimi themelor është barazia e të gjithë qytetarëve pa dallim. Çdo formë diskriminimi, presioni apo trajtimi i pabarabartë është në kundërshtim të plotë me këto norma universale.
Është e papranueshme që shqiptarët të trajtohen si qytetarë të dorës së dytë. Kushtetuta aktuale, e cila i kategorizon shqiptarët si “pakicë”, duhet të rishikohet urgjentisht në frymën e barazisë së plotë shtetformuese.
Pa barazi të vërtetë dhe pa respekt të dinjitetit të popullit shqiptar, nuk mund të ketë stabilitet, drejtësi dhe të ardhme të qëndrueshme për shtetin.
Ne kërkojmë ndalimin e menjëhershëm të presioneve ndaj studentëve dhe garantimin e të drejtave të tyre themelore.
Idriz Sinani
Kryetar Nderi
Forumi Ndërkombëtar për të Drejtat dhe Liritë e Njeriut, Prill 2026