Lajme nga vendi
Sistemi EES | Shqetësime për shoferët e kamionëve dhe autobusëve nga Ballkani Perëndimor
Transportuesit e mallrave dhe të udhëtarëve që nisen drejt shteteve të BE-së nga sot po përballen me procedura të reja të hyrje-daljeve në zonën Shengen. Sistemi evidentimit elektronik në pikat kufitare EES ka nis të funksionojë nga 10 prilli për të gjithë shtetasit e huaj, por nga 6 shtetet e Ballkanit Perëndimorë kanë shprehur shqetësimin se po ju vështirësohet puna me shoferët e kamionëve dhe të autobusëve. Se a do të mund të vozisin shoferët më shumë se 90 ditë brenda 180 ditëve në zonën shengen, nga Shoqata “Makam-trans” thotë se kanë pasur përgjigje pozitive për prolongim të restrikcioneve deri në shtator.
“Që në ditën e parë janë vërejtur komplikime dhe pritje të gjata në vendkalimet kufitare me BE-në. Si në Kroaci ashtu edhe në Hungari ka pasur radhë të gjata të kamionistëve tanë, të cilët për herë të parë nuk do të marrin vula në pasaporta, por do të fotografohen dhe të skanojnë gjurmët e gishtërinjve në sistem”, tha Shoqata e Transportuesve të kamionëve të RMV-së “MAKAM -Trans”.
“Makam-trans” thotë se synimi është të sigurohen kushte gjatë periudhës kalimtare për transport të pandërprerë të mallrave dhe pasagjerëve në BE, pa kufizime apo procedura diskriminuese, në përputhje me Marrëveshjen e Stabilizim-Asociimit (2001) dhe marrëveshjet dypalëshe në transportin rrugor.
Pas protestave të bëra 26-29 Janar duke bllokuar pikat transportuese doganore, shoferët e kamionëve dhe autobusëve u njohën si profesion më vete nga autoritet e BE-së. Për këtë kategori profesionistësh EES-ja është prolonguar deri në shtator, thonë nga Ministria e transportit dhe lidhjeve, duke identifikuar shtetet e BE ku më së tepërmi udhëtojnë kamionët dhe autobusët tanë për të marr viza afatgjate pune.
“Me Bullgarinë dhe me Greqinë duhet të kemi marrëveshje të posaçme duke pasur parasysh se këtu ka qarkullim ditor dhe të mos ketë fare nevojë për viza apo kufizime. Pak e tretë po shkon relativisht mirë! Zvicra veç se e ka vënë në zbatim, Kroacia e ka në proces deri në javën e fundit të prillit. Sot e firmosa vendimin që përfaqësuesit tanë të shkojnë në Rumani që edhe atje të zgjidhet problemi. Hungaria premtoi që pasi të mbarojnë zgjedhjet parlamentare, të cilat i kanë tani të dielën, do të punojnë në zgjidhjen e problemit. 21-22 prill delegacioni qeveritar i kryesuar nga kryeministri shkon në Austri në takim me kancelarin, ku do të jetë një nga çështjet kyçe që do të bisedohet në agjendë”, u shpreh Aleksandar Nikollovski, ministër i Transportit.
Autoritet bëjnë me dije që edhe me Gjermaninë janë në bisedime përmes Odës së investitorëve të huaj, dhe me Britaninë e Madhe kanë nisur bisedime të posaçme duke qenë se ishullorët më nuk janë pjesë e BE-së dhe zonës Shengen dhe kanë rregulla të tjera të vizave të punës për profesionistët e huaj. Disa nga shoferët thonë se për Britaninë e Madhe marrin viza pune të përkohshme, ndërsa për Zvicër që është në Shengen zonë por jo në Bashkimin Evropian marrin viza tjera me leje qëndrim të kufizuar për 80 ditë.
Lajme nga vendi
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Shkuma e bardhë u shfaq më 24 korrik, ndërsa Inspektorati Shtetëror për Mjedisin Jetësor, në koordinim me institucionet kompetente, ndërmori inspektime të jashtëzakonshme në terren dhe analiza laboratorike për të përcaktuar shkakun e rastit.
Sipas Inspektoratit, gjatë kontrolleve të kryera te subjektet industriale në zonën që janë nën kompetencë shtetërore nuk janë konstatuar parregullsi ligjore. Autoritetet bëjnë të ditur se subjektet kanë vepruar në përputhje me kushtet e përcaktuara në lejet ekologjike për menaxhimin e ujërave të ndotura.
Institucioni thekson se cilësia e ujit në këtë pjesë të Vardarit ndikohet nga faktorë të shumtë, përfshirë ujërat komunale dhe atmosferike, si dhe aktiviteti i një numri të madh subjektesh afariste në zonën përreth, prandaj të gjitha institucionet kompetente po veprojnë në mënyrë të koordinuar.
Raporti paraprak i Ndërmarrjes Publike “Ujësjellësi dhe Kanalizimi” – Shkup, i dorëzuar më 29 korrik në Ministrinë e Mjedisit Jetësor dhe Planifikimit Hapësinor, konstaton se parametrat fiziko-kimikë të analizuar nuk i tejkalojnë vlerat kufitare të lejuara.
Njëkohësisht, me kërkesë të Inspektoratit Shtetëror për Mjedisin Jetësor, mostra janë analizuar edhe nga një laborator i akredituar. Raporti përfundimtar pritet t’i dorëzohet Inspektoratit dhe Ministrisë më 4 gusht, pas së cilës institucionet kanë paralajmëruar se do ta informojnë opinionin për rezultatet përfundimtare.
Inspektorati Shtetëror për Mjedisin Jetësor bëri të ditur se do të vazhdojë me inspektime të rregullta dhe të jashtëzakonshme për të siguruar mbrojtjen e mjedisit jetësor dhe shëndetit të qytetarëve.
Ndryshe, në lumin Lepenc, i cili e furnizon Lumin Vardar, u shfaq një vëllim i madh i shkumës së bardhë në rrjedhjen e tij në Shkup. Shkuma u raportua si ndotje e madhe e lumit, lum i cili në Karposh bashkohet me Vardarin. Rasti ishte raportuar në orën 14:10./portalb.mk/
Një fëmijë dyvjeçar nga Kumanova është helmuar pasi ka konsumuar një mjet për tretjen e ngjyrës, njofton Ministria e Punëve të Brendshme.
Sipas policisë, rasti është raportuar dje rreth orës 14:00, kur Spitali i Përgjithshëm i Kumanovës ka njoftuar SPB Kumanovë se tek ta ishte sjellë për trajtim një fëmijë dyvjeçar nga Kumanova me shenja helmimi.
Pas marrjes së ndihmës së parë mjekësore, fëmija është transferuar në Kompleksin e Klinikave “Nëna Terezë” në Shkup për trajtim të mëtejshëm.
Nga SPB Kumanovë bëjnë të ditur se po ndërmerren masa për zbardhjen e plotë të rrethanave të rastit.
Ky nuk është rasti i parë i helmimit të fëmijëve në rajonin e Kumanovës. Gjatë vitit të kaluar u regjistruan disa raste të ngjashme, ku fëmijë të moshave të ndryshme u helmuan pasi konsumuan mjete për pastrim, dezinfektues ose tableta të lëna në vende të arritshme për ta.
Autoritetet shëndetësore dhe institucionet kompetente apelojnë që produktet kimike, barnat dhe substancat e rrezikshme të ruhen gjithmonë jashtë mundësisë së fëmijëve, për të parandaluar raste të tilla.
Gjatë muajit korrik, mesatarisht janë regjistruar rreth 15 zjarre në hapësira të hapura në ditë. Falë ndërhyrjeve të shpejta të zjarrfikësve dhe mbështetjes nga mjetet ajrore të Drejtorisë për Mbrojtje dhe Shpëtim (DMSH), të gjitha zjarret janë vënë me sukses nën kontroll dhe janë shuar. Reshjet e shiut gjatë periudhës së kaluar ndikuan në uljen e numrit të zjarreve dhe ngadalësuan përhapjen e tyre, njoftojnë nga DMSH-ja. Megjithatë, periudha me reshje ka përfunduar. Mjafton vetëm një shkëndijë! – thonë autoritetet.
Zjarri në Leshnicë të Tetovës është lokalizuar –thuhet në njoftimin në Facebook të Komandantit të Zjarrfikësve të Tetovës, Avni Ameti, I cili thotë se në koordinim të plotë me të gjitha institucionet përgjegjëse, në terren intervenuan dy avionë të Drejtorisë për Mbrojtje dhe Shpëtim, si dhe ekipet e zjarrfikësve të Tetovës, të cilat punuan pa ndërprerje dhe me përkushtim maksimal.
“U bëj apel të gjithë qytetarëve që gjatë ditëve në vijim të tregojnë kujdes maksimal, të mos ndezin zjarr në ambiente të hapura dhe të raportojnë menjëherë çdo tym apo vatër zjarri në numrin emergjent 112” – thotë Avni Ameti.
Por, jo vetëm kaq!
Sipas tij, pas çdo zjarri që shuhet, fshihet një histori sakrifice, guximi dhe përkushtimi.
Zjarrfikësit përballen çdo ditë me rrezikun për të mbrojtur jetën, familjet dhe pronën e qytetarëve. Nuk është thjesht një profesion – është një mision që kërkon zemër, disiplinë dhe vendosmëri.
Shumica e zjarreve shkaktohen pa qëllim. Qytetarët zakonisht nuk synojnë të shkaktojnë zjarr, por një pakujdesi e vetme mund të ketë pasoja të rënda.
Prandaj bëhet thirrje që të mos hidhen bishta cigaresh në hapësira të hapura, veçanërisht nga automjetet në lëvizje.
-Mos ndizni zjarr apo skara në pyje dhe në vende me bimësi të thatë.
-Pastroni barin e tharë dhe shkurret rreth shtëpive dhe uikend-shtëpizave -dhe krijoni një brez mbrojtës.
-Mos digjni kashtën dhe kullotat. –
-Tregoni kujdes gjatë përdorimit të veglave që krijojnë shkëndija, si gurët prerës dhe aparatet e saldimit.
-Fermerët të jenë të kujdesshëm gjatë përdorimit të pajisjeve për largimin e shpendëve, të cilat mund të shkaktojnë zjarr.
U bëhet thirrje qytetarëve që çdo sjellje të dyshimtë ta raportojnë menjëherë në stacionin më të afërt policor ose në numrin 112.
Raportoni persona që mbajnë lëndë të dyshimta të lëngshme, pishtarë, fishekzjarre të mëdha ose mjete e aktivitete të tjera që mund të shkaktojnë zjarr.
Në kushtet e temperaturave jashtëzakonisht të larta kërkohet kujdes maksimal.
Një shkëndijë mund të shkaktojë një tragjedi të madhe!” – apelojnë nga Drejtoria për Mbrojtje dhe Shpëtim./Tv Koha/
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Dyvjeçar nga Kumanova helmohet me tretës ngjyre, dërgohet në Klinikën “Nëna Terezë”
KUJDES MAKSIMAL NGA ZJARRET: NJË SHKËNDIJË MUND TË SHKAKTOJË TRAGJEDI!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
