Maqedonia e Veriut ka humbur mjetet e grantit nga Instrumenti i Bashkimit Evropian për Ndihmë Para-Anëtarësuese (IPA), të destinuara për ndërtimin e linjës hekurudhore drejt Bullgarisë, për shkak të vonesave në realizimin e projektit dhe mosrespektimit të afateve të parashikuara.

Sipas propozim-ligjit të dorëzuar në Kuvend, kontrata për ndërtimin nuk është lidhur brenda afatit të përcaktuar, duke bërë që fondet IPA të mos jenë më në dispozicion për këtë projekt.

“Duke pasur parasysh se brenda afatit të paraparë nuk është lidhur kontratë për ndërtimin, mjetet e ndara nga IPA për këtë projekt nuk janë më në dispozicion. Si rrjedhojë, Sektori për Financim Qendror dhe Lidhje të Kontratave në Ministrinë e Financave nuk ka më kompetencë për zbatimin e projektit”, thuhet në arsyetimin e propozim-ligjit dorëzuar në kuvend.

Për shkak të kësaj situate, Qeveria ka nisur procedurën për ndryshimin e marrëveshjes, me qëllim që projekti të vazhdojë të financohet përmes kredive të dakorduara më parë.

Në dokument theksohet se është e nevojshme të ndryshohet struktura financiare dhe zbatuese e projektit, përkatësisht të caktohet një institucion tjetër kompetent që do të jetë përgjegjës për zhvillimin e procedurës së tenderimit për ndërtimin e hekurudhës.

Advertisement

Në Kuvend janë dorëzuar dy propozim-ligje, me të cilat parashihet të hiqet formulimi se projekti “financohet pjesërisht edhe përmes Instrumentit të Bashkimit Evropian për Ndihmë Para-Anëtarësuese – IPA”, duke reflektuar kështu humbjen e grantit evropian.

Linja hekurudhore drejt Bullgarisë konsiderohet një nga projektet më të rëndësishme infrastrukturore dhe pjesë e Korridorit VIII, i cili synon përmirësimin e lidhjes hekurudhore mes Maqedonisë së Veriut dhe Bullgarisë. përcjell Zhurnal.mk .

Moti sot në Maqedoninë e Veriut do të jetë me diell dhe i nxehtë me pak vranësira lokale. Do të fryjë erë e dobët deri mesatare nga juglindja. Temperatura minimale do të jetë në intervalin prej 10 deri në 22 gradë, ndërsa maksimale do të arrijë 32 deri në 39 gradë.

Në Shkup, moti do të jetë me diell dhe i ngrohtë me erë të dobët nga drejtim i ndryshueshëm. Temperatura minimale do të bjerë në 16, ndërsa maksimale do të arrijë 36 gradë.
Nën ndikimin e një vale të nxehtë, do të pasojë periudhë moti me diell dhe shumë të nxehtë. Do të jetë veçanërisht i nxehtë gjatë fundjavës dhe gjatë javës së ardhshme të punës kur temperatura ditore ndonjëherë do të kalojë 40 gradë.

Anëtari i Komisionit Shtetëror për Parandalimin e Korrupsionit (KSHPK), Besnik Xhemaili, është zgjedhur zëvendëskryetar i KSHPK-së, funksion që do ta kryejë gjashtë muaj.

Zgjedhja e zëvendëskryetarit të KSHPK-së është kryer sipas parimit të rotacionit, dhe renditja u përcaktua sipas rendit alfabetik të mbiemrave të anëtarëve të KSHPK-së, shpjegoi kryetari Adem Çuçuli.

“Mandati i zëvendëskryetares aktuale të KSHPK-së, Sofija Spasova Medarska, përfundon më 18 gusht, ndërsa mandati i zëvendëskryetarit të ri, Besnik Xhemaili, do të fillojë më 19 gusht të këtij viti”, theksoi Çuçul, propozimi i të cilit u pranua unanimisht.

Në seancën e sotme të KSHPK-së, kryetari Çuçul informoi se Komisioni ka evidentuar 30 persona të zgjedhur, të emëruar ose mandati i të cilëve ka përfunduar në prill, të cilët nuk e kanë përmbushur detyrimin ligjor për të paraqitur deklaratën e gjendjes pronësore dhe konfliktit të interesit brenda afatit ligjor. Për të gjithë personat, theksoi Çuçul, do të iniciohen procedura kundërvajtëse dhe shqiptohen gjoba.

Anëtarët e Komisionit Shtetëror për Parandalimin e Korrupsionit sot morën 51 vendime për të njëjtin numër rastesh nga ankues të njohur ose të panjohur në KSHPK.

Advertisement