Me qëllim që të parandalohet rritja e çmimeve dhe të ndihmohen bujqit si dhe prodhimi bujqësor vendor, sot në mbledhjen e 166-të të Qeverisë u miratua një Vendim me të cilin kufizohet marzha e çmimeve të plehrave artificiale.

Qëllimi është të sigurohet qasje më e lehtë në plehra dhe të mbrohen bujqit nga rritja e çmimeve.

Bëhet fjalë për dy vendime që do të hyjnë në fuqi dhe do të zbatohen deri më 31.05.2026.

Vendimi i parë u referohet të gjitha personave juridikë dhe fizikë të regjistruar për prodhim dhe tregti me shumicë dhe pakicë, të cilët furnizojnë dhe shesin:

* plehra inorganike;

Advertisement

* plehra organike;

* plehra organo-minerale;

* biostimulatorë dhe përmirësues të vetive të tokës.

Marzha maksimale bruto e fitimit për plehrat inorganike, sipas këtij vendimi, përcaktohet në gjithsej deri në 5% në tregtinë me shumicë dhe deri në 5% në tregtinë me pakicë.

Ndërsa për plehrat organike, organo-minerale dhe biostimulatorët, marzha maksimale bruto e fitimit në tregtinë me shumicë do të jetë deri në 10%, ndërsa në tregtinë me pakicë gjithashtu deri në 10%.

Advertisement

Gjithashtu, vendoset detyrim për furnizim të vazhdueshëm të tregut me plehra artificiale. Tregtarët me pakicë obligohen që çdo muaj të sigurojnë dhe shesin të paktën 70% të sasisë mesatare të furnizuar gjatë vitit 2026, ndërsa tregtarët me shumicë obligohen të furnizojnë tregtarët me pakicë me të paktën 70% të sasisë mesatare të shitur.

Qëllimi i këtij vendimi është të parandalohet mungesa eventuale në treg, të sigurohet disponueshmëri e rregullt e plehrave dhe të mbrohen bujqit nga rritjet e pajustifikuara të çmimeve.

Me vendimin e dytë të miratuar sot, kufizohet rritja e çmimeve të plehrave në tregun vendor, përkatësisht bëhet korrigjimi i çmimeve të shitjes me ulje prej 10% për stoqet që shitësit i kanë siguruar me çmime të mëparshme (më të larta).

Me këto dy vendime arrihet stabilizimi i çmimeve të plehrave, përkatësisht korrigjimi dhe ulja e tyre.

Këto vendime janë marrë pas konsultimeve dhe diskutimeve paraprake me importuesit e regjistruar të plehrave artificiale, si dhe në bazë të analizës së kryer nga Inspektorati Shtetëror i Tregut, ku është konstatuar rritje e çmimeve.

Advertisement

Rritja e çmimeve të plehrave nënkupton kosto më të lartë prodhimi dhe presion mbi bujqit në vend. Prandaj, qëllimi i këtyre vendimeve është stabilizimi i tregut, ulja e kostove dhe mbrojtja e prodhimit bujqësor vendor.

Qeveria do të vazhdojë edhe në periudhën e ardhshme të monitorojë gjendjen në treg dhe nëse është e nevojshme, do të ndërmarrë masa shtesë në interes të qytetarëve, bujqësisë vendore dhe ekonomisë.