Lajme nga vendi
Goditje për tregtarët e automjeteve? BE-ja vendos kufizim nga viti 2027, pagesat “cash” deri në 10,000 €
Bashkimi Evropian nga 10 korriku 2027 do të vendosë një rregull të ri me të cilin kufizohen pagesat me para në dorë deri në maksimum 10.000 euro në të gjitha vendet anëtare, përcjell TV21. Rregullorja e re do të ketë ndikim të drejtpërdrejtë në blerjen e automjeteve, pasi një pjesë e madhe e transaksioneve, veçanërisht për automjetet e përdorura, deri tani shpesh janë kryer me para në dorë.
Sipas rregullave të reja, të gjitha pagesat mbi 10.000 euro do të duhet të realizohen përmes transferit bankar, kreditit ose mënyrave të tjera pa para në dorë. Nuk lejohet as shmangia e kufizimit duke e ndarë shumën në disa pagesa më të vogla.
Përjashtime të kufizuara
Kufizimi nuk do të vlejë për transaksionet mes personave privatë, me kusht që të mos bëhet fjalë për aktivitet të fshehur biznesi. Megjithatë, kur në transaksion përfshihet një kompani ose tregtar, rregulli zbatohet pa përjashtim.
Kontrollet shtesë
Përveç kufirit, parashikohen edhe masa të reja identifikimi. Për pagesa mbi 3.000 euro, blerësit do të duhet të paraqesin dokumente identiteti, ndërsa shitësit do të jenë të detyruar të regjistrojnë dhe ruajnë të dhënat.
Pritet që rregullat e reja të ndryshojnë ndjeshëm mënyrën e blerjeve, ku paraja në dorë do të humbasë gradualisht rolin e saj, ndërsa transfertat bankare, kreditë dhe lizingu do të bëhen dominuese.
Qëllimi kryesor i masës është rritja e kontrollit mbi rrjedhat financiare dhe parandalimi i pastrimit të parave dhe transaksioneve ilegale, të cilat shpesh lidhen me pagesat e mëdha në cash.
Kjo është hera e parë që një kufizim i tillë vendoset në nivel të Bashkimit Evropian, megjithëse disa vende tashmë kanë rregulla të ngjashme, shpesh edhe më të rrepta.
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
