Dje, në orën 08:40, në vendin e quajtur “Qelqore” në Gostivar, zyrtarë policorë nga Departamenti I Policisë për Sigurinë e Trafikut Rrugor në Gostivar kanë privuar nga liria një 33-vjeçar nga fshati Negotinë e Gostivarit. Ai është kapur duke drejtuar një automjet pasagjerësh “Opel” me targa të Gostivarit pa pasur patentë shoferi. Automjeti është sekuestruar dhe pas dokumentimit të plotë të rastit, ndaj tij do të paraqitet parashtresë përkatëse.

…..Dje, në orën 19:30, në rrugën lokale Miletinë – Bllacë, zyrtarë policorë nga Stacioni Policor për Sigurinë e Trafikut Rrugor në Tetovë kanë privuar nga liria një 17- vjeçar nga fshati Çellopek i Tetovës. Ai po drejtonte një automjet pasagjerësh “Audi” me targa të Tetovës pa leje drejtimi dhe është përfshirë në një aksident komunikacioni me një motoçikletë “Kavasaki”, të drejtuar nga një 40-vjeçar nga fshati Jançishtë. Automjeti është sekuestruar dhe pas dokumentimit të plotë të rastit, ndaj tij do të paraqitet parashtresë përkatëse.

…….Dje, në orën 12:20, në SPB Tetovë, një 68-vjeçar nga Tetova ka denoncuar se për shkak të një keqkuptimi të mëparshëm dhe një kontesti gjyqësor që kanë për një arë në fshatin Strimnicë, një 63-vjeçar nga fshati Strimnicë është sjellë në mënyrë agresive ndaj tij dhe ka dërguar kërcënime për jetën e djalit të tij. Po ndërmerren masa për zbardhjen e rastit.

……Dje,  në orën 18:40, në SPB Tetovë është denoncuar se ka shpërthyer një zjarr në një separacion të një firme private në fshatin Zhelinë të Tetovës, pronë e një 73-vjeçari.  Me ndërhyrjen e Njësisë Territoriale Kundër Zjarrit në Tetovë, zjarri është shuar dhe nuk ka persona të lënduar. Është kryer inspektimi në vendngjarje.

……Dje, në orën 17:40, në SPB Tetovë, një grua 31-vjeçare nga rrethina e Tetovës, me banim në Tetovë, ka denoncuar se bashkëshorti i saj 35-vjeçar e ka kërcënuar, pas së cilës ajo është larguar nga shtëpia me tre fëmijët e saj të mitur. Po ndërmerren masa për zbardhjen dhe dokumentimin e rastit, pas së cilës do të dorëzohet parashtresë përkatëse.

Advertisement

……Pas mesnate në orën 00:30, në SPB Tetovë, një 26 dhe një 19-vjeçar nga Tetova kanë denoncuar se më datë 26 Prill rreth orës 23:20 në rrugën “Kosovska” dhe rrugën “Solunska”, fqinji i tyre 41-vjeçar i ka kërcënuar me pushkë. Zyrtarët policorë menjëherë e kanë privuar nga liria 41-vjeçarin, ku gjatë kontrollit i është gjetur dhe sekuestruar një pushkë plastike. Po punohet për dokumentimin e rastit.

Gjermania, nëpërmjet Ministrit të saj të Jashtëm Johann Waddeful, ka bërë thirrje për heqjen e parimit të unanimitetit në BE në fushën e politikës së jashtme dhe parimit të “Sigurisë” dhe zëvendësimin e tij me votimin me shumicë. Prandaj, ekziston shqetësim midis disa publikëve bullgarë për heqjen e unitetit në vendime.

“Ky lloj votimi do ta ndryshojë kategorikisht dhe në mënyrë dramatike situatën. Do të shkelë kategorikisht të drejtat e një vendi si Bullgaria në vendet që kanë një popullsi dhe territor më të madh”, tha ish-eurodeputeti kontrovers dhe anëtari i OBRM-BND, Angel Xhambaski.

Xhambaski, në një deklaratë për mediat bullgare, dha shembullin se Gjermania ka 90 përfaqësues në Parlamentin Evropian, ndërsa Bullgaria – 17. Me një shumicë të thjeshtë votash, gjithçka që dëshiron Gjermania do të ndodhë, tha politikani bullgar, duke shtuar “ata nuk do të na marrin parasysh, dhe shembulli është Maqedonia e Veriut”.

“Nëse Gjermania nuk dëshiron të na marrë parasysh, që RMV të bëhet pjesë e BE-së, pa na marrë parasysh ne dhe interesat e këtyre njerëzve atje, do ta marrë këtë. Atëherë të drejtat e bashkatdhetarëve tanë do të shkelen në mënyrë drastike dhe dramatike”, tha Xhambaski.

Ai shtoi se ndryshimi i parimit të unanimitetit nuk është kategorikisht në interesin tyre, dhe thotë se nuk duhet të lejohet.

Advertisement

Propozimi për ndalimin e shitjes me pakicë dhe ekspozimit të produkteve të duhanit, në formën e paraparë me Projektligjin për mbrojtjen nga duhani, pritet të sjellë pasoja të padëshiruara në kushtet aktuale të tregut. Sipas vlerësimeve të ekspertëve, nuk priten as rezultate konkrete në uljen e përhapjes së duhanpirjes apo në mbrojtjen e të miturve përmes masës së njohur si “retail display ban” (RDB).

Analiza krahasuese e praktikave në Bashkimin Evropian tregon se shumica e vendeve anëtare nuk aplikojnë ndalim të tillë. Në mesin e tyre janë shtete si Austria, Bullgaria, Qipro, Çekia, Danimarka, Gjermania, Greqia, Italia, Luksemburgu, Polonia, Portugalia, Rumania, Sllovakia dhe Spanja, të cilat nuk parashohin kufizime për ekspozimin e produkteve të duhanit në shitjen me pakicë. Sipas ekspertëve të sektorit, zbatimi i një ndalimi të tillë është njëkohësisht kompleks dhe i kushtueshëm për tregtarët, sidomos për bizneset e vogla. Përveç kostove shtesë për përshtatjen e hapësirave dhe proceseve të punës, mungojnë dëshmi të qarta se kjo masë do të ndikojë drejtpërdrejt në kufizimin e qasjes së të rinjve ndaj produkteve të duhanit.

Në vend të kësaj, propozohet që të mundësohet një komunikim i hapur dhe transparent me konsumatorët për produktet, duke u dhënë atyre mundësinë për të marrë vendime të informuara. Një qasje e tillë, sipas tyre, nuk kufizon lirinë e zgjedhjes për konsumatorët e rritur, garanton qëndrueshmërinë e bizneseve të vogla, si kioskat, dhe nuk ndikon negativisht në të ardhurat publike apo në rritjen e tregtisë ilegale.

Ekspertët rikujtojnë se projektligji tashmë parashikon masa të forta, përfshirë ndalimin e plotë të reklamimit dhe promovimit të produkteve të duhanit, si dhe ndalimin strikt të shitjes për të miturit. Në këtë kontekst, vendosja e ndalimit të ekspozimit të produkteve në vendin e shitjes konsiderohet si një masë që tejkalon atë që është e nevojshme për arritjen e objektivave të shëndetit publik. Sipas tyre, çdo ndërhyrje e re në këtë sektor duhet të jetë e balancuar dhe e bazuar në analiza konkrete, në mënyrë që të shmangen efektet negative në ekonomi dhe të sigurohet një qasje efektive në mbrojtjen e shëndetit publik.

Njëkohësisht, ekspertët theksojnë se çdo ndërhyrje në këtë sektor duhet të jetë e mirëbalancuar dhe e bazuar në analiza të detajuara. Ata kërkojnë që përpara miratimit të ligjit të realizohet një vlerësim i plotë i ndikimit ekonomik, social dhe fiskal, si dhe të hartohet një strategji e qartë për luftën kundër tregut ilegal. Në të kundërtën, ekziston rreziku që masat e reja të jenë vetëm formalisht të rrepta, por në praktikë të dështojnë në arritjen e objektivave të shëndetit publik, duke nxitur njëkohësisht ekonominë gri dhe duke dëmtuar stabilitetin financiar të shtetit. Një zgjidhje e qëndrueshme, sipas ekspertëve, mund të arrihet vetëm përmes një qasjeje të balancuar, dialogut me palët e interesuara dhe politikave të bazuara në të dhëna reale.

Advertisement