Lajme nga vendi
BERZH i jep Pro-Credit bankës kredi 5 milion euro për programet e grave dhe të rinjëve për biznes
Banka Evropiane për Rindërtim dhe Zhvillim (BERZH) dhe Bashkimi Evropian (BE) kanë nënshkruar sot një marrëveshje financimi prej 5 milionë eurosh me ProCredit Bank AD në Shkup në kuadër të programeve Gratë në Biznes (WiB) dhe Të Rinjtë në Biznes (YiB).
Sipas një komunikate nga BERZH, paketa përbëhet nga një kredi e pasiguruar prej 2.5 milionë eurosh në kuadër të programit Faza II të WiB për Ballkanin Perëndimor dhe 2.5 milionë të tjerë eurosh në kuadër të programit YiB për rajonin.
“Të ardhurat nga të dy kreditë do të jenë 100 për qind të huazuara për ndërmarrjet mikro, të vogla dhe të mesme (MSME) të udhëhequra nga gratë dhe të rinjtë, duke përmirësuar aksesin në financim afatgjatë për grupet që vazhdojnë të përballen me pengesa strukturore në sektorin financiar,” tha BERZH.
“Mbështetja e grave dhe të rinjve në biznes është thelbësore për ndërtimin e ekonomive më gjithëpërfshirëse, elastike dhe konkurruese. Përmes kësaj pakete prej 5 milionë eurosh me Bankën ProCredit, ne po përforcojmë partneritetin tonë afatgjatë dhe po ndihmojmë të sigurohemi që ndërmarrjet e udhëhequra nga gratë dhe të rinjtë në të gjithë Maqedoninë e Veriut të kenë qasje në financimin që u nevojitet për të investuar, rritur dhe krijuar vende pune,” citohet të ketë thënë Fatih Türkmenoğlu, Drejtor i BERZH-it për Maqedoninë e Veriut.
“Zgjerimi i qasjes në financë për gratë dhe sipërmarrësit e rinj është çelësi për zhbllokimin e potencialit ekonomik të Maqedonisë së Veriut. Duke mbështetur bizneset e tyre, ne ndihmojmë në krijimin e vendeve të punës, forcimin e komuniteteve lokale dhe hapim mundësi reale për ata që kanë më shumë nevojë për to. Kështu nxisim rritje më gjithëpërfshirëse, zvogëlojmë varfërinë dhe sigurohemi që progresi ekonomik të ndihet në të gjithë shoqërinë,” tha ambasadori BE-së Michalis Rokas nga ana e tij./Zhurnal.mk
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
