Lajme nga vendi
Studentët e UT-së eksplorojnë pasuritë e Shqipërisë së Jugut
Studentët dhe një pjesë e stafit akademik të Katedrës së Historisë në Universitetin e Tetovës, prej 24–26 prill 2026, realizuan një vizitë studimore me karakter hulumtues në disa nga qendrat më përfaqësuese të trashëgimisë kulturore dhe historike në Jug të Shqipërisë.
Ky udhëtim nisi në Tepelenë, vendlindjen e Ali Pashë Tepelenës, ku studentët patën rastin ta vizitonin kalanë e qytetit dhe të njihen me rolin historik të kësaj figure në zhvillimet politike të rajonit. Më tej, itinerari vijoi në Gjirokastër, qyteti muze i njohur si “Qyteti i gurtë”, i dalluar për arkitekturën e tij unike. Aty u vizituan kalaja monumentale dhe shtëpia e shkrimtarit të madh Ismail Kadaresë, duke ofruar një ndërthurje të veçantë mes historisë dhe letërsisë.
Në vazhdim, vizita u përqendrua në Sarandë, ku pjesëmarrësit vizituan Kalanë e Lëkurësit dhe më pas parkun arkeologjik të Butrinti, një ndër thesaret më të çmuara të trashëgimisë kulturore shqiptare të mbrojtur nga UNESCO.
Në këtë hapësirë unike, studentët eksploruan nga afër monumente të periudhave të ndryshme historike, si teatri antik, bazilikat paleokristiane, tempujt dhe muret rrethuese, duke kuptuar më thellë shtresëzimin e qytetërimeve në këtë zonë.
Udhëtimi vijoi drejt Vlorës, një qytet me peshë të veçantë në historinë kombëtare. Vizita në Muzeun e Pavarësisë u shndërrua në një moment reflektimi për studentët, të cilët patën mundësi të njihen me dokumente dhe artefakte që lidhen me aktin e shpalljes së pavarësisë. Programi përfshiu gjithashtu ndalesa në Sheshin e Flamurit dhe te varri i Ismail Qemalit, për të përmbyllur vizitën në Kalanë e Kaninës, një dëshmi e gjallë e historisë së hershme dhe mesjetare.
Përmes kësaj eksperience, studentet dhe pedagogët tanë thelluan njohuritë e tyre shkencore, por edhe forcuan ndjeshmërinë ndaj trashëgimisë kulturore dhe historike shqiptare.
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
