Lajme nga vendi
Tragjedi në autostradën A3 në Kroaci: Kamioni nga Maqedonia e Veriut shkrumbohet, shoferi humb jetën
Një aksident i rëndë trafiku ndodhi pasditen e djeshme, pak para orës 15:00, në autostradën pranë Slavonski Brodit, në afërsi të vendpushimit Sredanci, ku një automjet transporti u përfshi nga flakët.
Sipas informacioneve jozyrtare, shoferi mbeti i bllokuar në automjet dhe vdiq. Thuhet se bëhet fjalë për një shtetas të moshuar nga Maqedonia e Veriut. Në kamion nuk kishte persona të tjerë, megjithatë kjo ende nuk është konfirmuar zyrtarisht. Për shkak të aksidentit, trafiku është zhvilluar me vështirësi në korsinë jugore nga ora 14:52, ndërsa vështirësi pati edhe në korsinë veriore pas orës 15:24.
Njoftimi i parë nga Policia e Brod-Posavinës (5 maj):
“Të martën, më 5 maj, në orën 14:18, Qendra Operative-Komunikuese e Policisë së Brod-Posavinës pranoi njoftimin se në autostradën A3 (drejtimi për në Breganë) pranë Sredanacit, ka ndodhur një zjarr në një kamion ku ndodhej një person. Mjeti, nga korsia jugore e autostradës, theu parmakun qendror mbrojtës dhe përfundoi në korsinë veriore, duke goditur një linjë elektrike. Të gjitha shërbimet e emergjencës janë dërguar në vendngjarje dhe po vijojnë hetimet për të përcaktuar faktet dhe rrethanat lidhur me këtë ngjarje.”
PËRDITËSIM (6 maj, ora 07:40) – Raporti i Policisë së Brod-Posavinës:
“Të martën, më 5 maj, në orën 14:15, në autostradën A3 (zona e Komunës Donji Andrijevci), ndodhi dalja nga rruga e një grupi mjetesh dhe djegia e tij. Në këtë ngjarje një person humbi jetën. Në vendin e ngjarjes janë gjetur targat e Republikës së Maqedonisë së Veriut.
Është konstatuar se shoferi, ende i panjohur, po drejtonte mjetin duke lëvizur në korsinë jugore, kur doli nga rruga në anën veriore, theu parmakun metalik mbrojtës, goditi shtyllën e ndriçimit publik, kaloi në korsinë e kundërt veriore dhe pas lëkundjeve goditi sërish parmakun mbrojtës dhe një tjetër shtyllë ndriçimi. Si pasojë e shpërthimit të zjarrit, mjeti u dogj plotësisht së bashku me shoferin.
Në vendin e ngjarjes janë angazhuar shërbimet emergjente. Gjatë hetimeve, trafiku është zhvilluar me ngadalësi në korsinë jugore nga ora 14:52 dhe në korsinë veriore nga ora 15:24. Gjithashtu, janë angazhuar punonjësit e HEP-it (Elektro-ekonomia e Kroacisë) për sanimin e rrjetit të dëmtuar elektrik, për shkak të së cilës trafiku në autostradë ka qenë i ndërprerë në intervalin kohor nga ora 18:48 deri në 19:15. Puna për verifikimin e fakteve të tjera dhe identifikimin e personit të vdekur po vazhdon.”
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
