Ministrja e Arsimit dhe Shkencës, Vesna Janevska, ka siguruar se procesi i paralajmëruar i optimizmit të rrjetit të shkollave nuk do të reflektohet me shkurtimin e kuadrit mësimdhënës. Në një prononcim për mediat të mërkurën ajo ka deklaruar se në sistemin arsimor nuk do të ketë largime nga puna të mësimdhënësve, pavarësisht se në shtatë vitet e fundit numri i nxënësve në vend është ulur për rreth 17 mijë dhe raporti mësues-nxënës po zvogëlohet. Sipas saj, Ministria po punon në optimizimin e rrjetit të shkollave, që nënkupton riorganizim të klasave dhe paraleleve, shpërndarje më efikase të orëve mësimore, përdorim më racional të kuadrit arsimor.

Janevska tha se qëllimi është që sistemi të bëhet më efikas, por pa dëmtuar punonjësit e arsimit. Arsimi dhe shkenca janë shtylla të zhvillimit, tha ministrja në një konferencë për shtyp në Qeveri, ku raportoi për punën e bërë në dy vitet e fundit. “Kemi punuar shumë, edhe për mësuesit. Kemi siguruar stabilitet ekonomik afatgjatë”, tha ministrja duke iu referuar marrëveshjes për rritjen e pagave gjatë një periudhe katërvjeçare me 40 deri në 60 përqind.

Avancimi në karrierë i mësuesve dhe bashkëpunëtorëve profesionalë në arsimin fillor vazhdon, siç tha ajo, dhe për herë të parë këtë vit është futur në arsimin e mesëm. Me ditarin e ri elektronik, mësuesit lirohen nga detyrime të shumta administrative dhe mbrohen nga presionet për të ndryshuar notat. Gjithashtu ka filluar futja graduale e certifikatave elektronike, këtë vit nga klasa e parë deri në të tretën. Në arsimin e lartë dhe shkencën, buxheti për universitetet është rritur nga 3 miliardë denarë në vitin 2022 në 8 miliardë denarë në vitin 2026, ndërsa buxheti për shkencën është rritur nga 380 në 773 milionë denarë.

Në vitin 2025, mbi 370 milionë denarë u ndanë për projekte kërkimore shkencore, si dhe është siguruar qasje falas në bazat e të dhënave Web of Science dhe Scopus. Në fushën e arsimit profesional, ajo informoi se është përmirësuar modeli i arsimit të dyfishtë me rreth 1000 kompani të përfshira, si dhe se janë krijuar shtatë qendra rajonale, me njoftime për hapjen e tetë prej tyre.

Janevska theksoi se për herë të parë në një periudhë të gjatë, tekstet shkollore po sigurohen në kohë, para fillimit të vitit shkollor, përfshirë tekstet shkollore në gjuhë të huaja. Lidhur me infrastrukturën, ajo theksoi se rreth 70 milionë euro janë investuar në më shumë se 90 projekte, me shkolla, palestra sportive dhe konvikte studentore që po ndërtohen dhe rindërtohen, dhe disa nga objektet së shpejti do të vihen përsëri në funksion. Janevska informoi gjithashtu për dixhitalizimin e arsimit, duke deklaruar se në shkolla janë futur pajisje të reja IT, internet i sigurt dhe trajnim për mësuesit mbi përdorimin e teknologjive të reja, përfshirë inteligjencën artificiale.

Advertisement

Trotinetët elektrik do të mund t’i drejtojnë vetëm personat mbi moshën 18-vjeçare, shpejtësia maksimale do të kufizohet në 20 kilometra në orë, ndërsa do të ashpërsohen edhe dënimet. Përveç gjobës, do të parashihet edhe konfiskimi i përkohshëm i trotinetit për një periudhë prej 30 ditësh.

Këto janë ndryshimet e reja në Ligjin për Sigurinë në Komunikacion, të propozuara nga shumica parlamentare, të cilat Kuvendi i ka vendosur në rend dite në seancën plenare.

Propozuesi i ndryshimeve VMRO-DPMNE-ja, potencoi se këto ndryshime po propozohen pasi analizat kanë treguar se gjatë dy viteve e gjysmë, në aksidente trafiku kanë qenë të përfshirë rreth 2.000 persona. Prej tyre, 46 kanë humbur jetën, ndërsa 556 kanë pësuar lëndime të rënda.

Sipas tij, për shkak të këtyre statistikave është e nevojshme një rregullim sistematik i mjeteve të lehta elektrike, përkatësisht i trotinetëve elektrikë.

Trotinetet elektrikë po kthehen në një rrezik serioz për shëndetin e fëmijëve në Tetovë. Brenda një jave, mesatarisht katër deri në pesë fëmijë përfundojnë me lëndime të rënda në Repartin e Ortopedisë, ku mjekët alarmojnë se këto thyerje mund të lënë pasoja të përhershme në rritjen e tyre.

Advertisement

Paralelisht, Sektori i Punëve të Brendshme ka ndërmarrë një aksion të gjerë duke ndëshkuar drejtuesit e papërgjegjshëm dhe duke konfiskuar mjete.

Bilanci total i aksioneve të fundit nga njësiti mobil kap shifrën e 71 masave të shqiptuara për kundërvajtje dhe vepra penale në trafik. Autoritetet paralajmërojnë se kontrollet e rrepta do të jenë të vazhdueshme. Qëllimi është parandalimi i aksidenteve me pasoja fatale, përpara se trotinetet dhe motorët të marrin jetë njerëzish.

Qytetarët ankohen se për shkak të pagave të ulëta dhe çmimeve të larta nuk mund të shkojnë në pushim. Ata thonë se me këtë standard, një pushim në vendet turistike është thuajse i pamundur. Megjithatë ka edhe të tillë që thonë se me kursime të majme mund edhe të arrihet edhe pse shkurt kohë dhe jo në vende luks.

Se qytetarët janë më të rezervuar e thonë edhe nga agjencionet turistike. Megjithatë, nga EuroTurist thonë se pas një stagnimi në muajin mars, rezervimet për pushime kanë vijuar si çdo vit tjetër. Ata thonë se ka edhe qytetarë që pyesin për çmime dhe ju duket shumë e lartë dhe tërhiqen, megjithatë thonë se ka edhe të vendosur që vijojnë me pagesat dhe e shijojnë pushimin.

EURO TURIST

Sipas tyre, Antalia e Turqisë mbetet një nga vendet më të pëlyqera të tetovarëve për shkak të çmimeve të ulëta dhe paketës së plotë të shërbimeve që i ofrojnë hotelet atje.

Aktualisht në Ballkan, destinacionet më të kërkuara mbeten bregdeti i Turqisë, Greqisë, Shqipërisë dhe Malit të Zi. Antalya vazhdon të jetë ndër zgjedhjet më të preferuara për familjet nga Maqedonia e Veriut, Kosova dhe Shqipëria, kryesisht për shkak të paketave “all inclusive”, të cilat u lejojnë pushuesve të planifikojnë më lehtë shpenzimet. Sa i përket kostos, një familje me katër anëtarë për një pushim 7-ditor në Antalya mund të shpenzojë nga rreth 1.700 deri në 3.000 euro, varësisht nga hoteli, periudha dhe niveli i shërbimeve. Për destinacione më afër si Shqipëria ose Mali i Zi, kostoja mund të jetë më e ulët, por gjatë pikut të sezonit edhe atje çmimet janë rritur ndjeshëm.

Advertisement

Standardi jetësor mbetet faktori kryesor që përcakton nëse qytetarët do të mund të kalojnë disa ditë pushimi pranë detit apo do të detyrohen ta shtyjnë atë për një kohë tjetër./Tv Koha/