Një tjetër rast që ka cenuar protokollin zyrtar ka ndodhur gjatë vizitës së Kryeministrit të Maqedonisë së Veriut, Hristijan Mickoski, në Pustec.

Në fillim të Festivalit Folklorik Maqedonas organizatorët kanë ekzekutuar vetëm himnin maqedonas, duke anashkaluar plotësisht luajtjen e himnit kombëtar shqiptar.

E njëjta sitiatë ka ndodhur edhe një vit më parë në po të njëjtin aktivitet.

Kryebashkiaku i Pustecit, Pali Kolevski, sqaroi publikisht se ky aktivitet nuk u organizua nga institucioni që ai drejton, por nga shoqata “VMRO Shqipëri” e cila ka në krye ish-kryetarin e kësaj bashkie, Edmond Themelko.

Kolevski deklaroi se u kishte kërkuar paraprakisht organizatorëve zbatimin e rregullave protokollare për përfshirjen e të dy himneve, dhe se ndihej i keqardhur për situatën e krijuar.

Advertisement

Nga ana tjetër, gjatë fjalës së tij, Mickoski nënvizoi se ruajtja e identitetit dhe gjuhës duhet të shihet si urë miqësie e respektit mes Maqedonisë së Veriut dhe Shqipërisë në rrugëtimin e tyre të përbashkët drejt Bashkimit Evropian.

“Por duhet t`u them edhe diçka shumë qartë, maqedonasit jashtë kufijve të Maqedonisë nuk duhet të jenë temë vetëm gjatë festave dhe festivaleve. Kujdesi për gjuhën, kulturën e tyre dhe lidhjet e me atdheun duhet të jenë një politikë e qëndrueshme shtetërore”

Anashkalimi i himnit shqiptar për të dytën herë me radhë në këtë aktivitet shënon një precedencë të papranueshëm në marëdhëniet protokollare, pavarësisht mesazheve diplomatike për fqinjësi të mirë.

Në një situatë aspak të zakonshme në lagjen Karposh të Shkupit, një automjet ka mbetur i parkuar në rrugë edhe gjatë punimeve për asfaltimin.

Edhe pse punëtorët kanë nisur asfaltimin e rrugës, pronari i automjetit nuk e ka larguar makinën. Për pasojë, ekipet e asfaltimit janë detyruar të punojnë rreth automjetit, duke lënë pjesën poshtë tij pa asfalt.

Pamjet janë bërë virale në rrjetet sociale, ndërsa qytetarët pyesin se si është e mundur që një automjet të mbetet në mes të rrugës gjatë punimeve të asfaltimit.

Ministria e Punëve të Brendshme e Maqedonisë së Veriut u bën thirrje qytetarëve dhe veçanërisht pronarëve dhe operatorëve të dronëve që të respektojnë me përpikëri rregullat për përdorimin e sigurt të hapësirës ajrore.
MPB-ja thekson se, për shkak të rritjes së aktiviteteve fluturuese të Departamentit të Njësive Ajrore dhe angazhimit intensiv të helikopterëve policorë në shuarjen e zjarreve, vëzhgime, transport dhe detyra të tjera operative në të gjithë vendin, ekziston nevoja për kujdes të shtuar.
Për shkak të natyrës urgjente të këtyre detyrave, vendi, koha dhe itinerari i helikopterëve policorë nuk mund të parashikohen gjithmonë paraprakisht, veçanërisht gjatë ndërhyrjeve për zjarre dhe rasteve të tjera emergjente.
MPB paralajmëron se personat që nuk i plotësojnë kushtet ligjore për përdorimin e dronëve dhe nuk kanë lejet, regjistrimet apo certifikatat përkatëse, kur ato janë të detyrueshme, nuk duhet të kryejnë fluturime në kundërshtim me rregulloret në fuqi.
Operatorët që i plotësojnë kushtet ligjore duhet t’i kryejnë fluturimet vetëm në përputhje me rregullat e aviacionit, kufizimet e hapësirës ajrore dhe kushtet e përcaktuara nga autoritetet kompetente.
Nëse një operator droni vëren ose dëgjon një helikopter policie në afërsi, ai duhet ta ulë menjëherë dhe në mënyrë të sigurt dronin.
MPB-ja thekson se në asnjë rast nuk lejohet që droni të drejtohet në drejtim të helikopterit, t’i afrohet atij, ta ndjekë gjatë fluturimit apo ta filmojë nga afër.
Prania e një droni në zonën ku operon një helikopter përbën rrezik serioz për sigurinë e fluturimit. Një përplasje mes dronit dhe helikopterit mund të shkaktojë dëmtime të rënda, humbje të kontrollit të mjetit fluturues dhe të rrezikojë drejtpërdrejt jetën e ekuipazhit, si dhe njerëzit dhe pronën në tokë.
Rreziku është edhe më i madh gjatë shuarjes së zjarreve, kur helikopterët fluturojnë në lartësi të ulëta dhe përballen me tym, dukshmëri të reduktuar, turbulenca dhe ngarkesë të lartë pune për ekuipazhin.

MPB-ja paralajmëron gjithashtu se prania e një droni në zonën operative mund të shkaktojë ndërprerjen ose shtyrjen e operacioneve ajrore, duke ulur efikasitetin e ndërhyrjes dhe duke rrezikuar më tej banorët, zjarrfikësit, pronën dhe burimet natyrore.
Ministria njofton se do të ndërmarrë masa për identifikimin dhe përcaktimin e përgjegjësisë së personave që, përmes përdorimit të paligjshëm ose të pasigurt të dronëve, rrezikojnë sigurinë e trafikut ajror dhe të mjeteve fluturuese policore.
Për shkeljen e detyrimeve ligjore dhe veprimet që krijojnë rrezik për një mjet fluturues, ekuipazh apo persona të tjerë, do të ndërmerren masa kundërvajtëse dhe, kur plotësohen kushtet ligjore, edhe masa penale.
MPB-ja u bën apel të gjithë qytetarëve dhe operatorëve të dronëve që të tregojnë përgjegjësi dhe disiplinë maksimale.
Siguria e ekuipazheve që çdo ditë angazhohen për mbrojtjen e qytetarëve dhe përballimin e zjarreve është përgjegjësi e përbashkët.