Lajme nga vendi
Ligji i ri për falje/ Presidenti do të mund të falë vetëm për dënim
Në Ministrinë e Drejtësisë në fazë përfundimtare është teksti për ligjin e ri për falje, për të cilin, siç paralajmërohet, në kohë sa më të shpejtë do të përgatitet draft – version. Ndryshimi më i rëndësishëm që parashihet është se Presidenti do të mund të falë vetëm për dënim, ndërkaq jo edhe për ndjekje penale të disa personave të caktuar.
Nga Ministria e Drejtësisë për MIA-n thonë se shkaqet për sjellje të ligjit të ri për falje dalin, para së gjithash, nga mungesa dhe zbrazëtirat juridike në Ligjin ekzistues për falje (Gazeta zyrtare e RMV-së” nr. 20/93, 12/09 dhe 99/16), ng aspekti i zbatimit të tij praktik, si dhe nga nevoja për normatizim më të saktë të disa çështjeve të caktuara të rregulluara me ligjin dhe nga rregullimi më adekuat legjislativ i materies. Përveç kësaj, thonë nga Ministria, për shkak të domosdoshmërisë së urgjencës së procedurës me ligjin parashihen afate për veprim të pjesëmarrësve në procedurën për falje, ndërsa është bërë edhe harmonizimi terminologjik i disa emërimeve dhe termeve të caktuara.
“Me propozimin ligjin rregullohen termet dhe llojet e faljeve, veprimi i faljes, personat e autorizuar për parashtrim të lutjes për falje, si dhe procedura dhe aktet e organeve kompetente lidhur me faljen. Një nga ndryshimet më të rëndësishme është se Presidenti mund të japë falje vetëm për dënim, ndërkaq jo edhe për ndjekje të disa personave të caktuar. Risia e dytë e rëndësishme e paraparë në Propozimin e ligjit është formimi i Komisionit në suaza të Ministrisë së Drejtësisë i cili përgatitë mendim të arsyetuar me shkrim për lutjen të cilën Ministria e Drejtësisë së bashku me raportin për lutje ia parashtron Presidentit. me këtë zgjidhje pritet të tejkalohen rreziqet e deritanishme të mundshme lidhur me të drejtat e diskrecionit të ministrit të Drejtësisë”, theksojnë nga Ministria e Drejtësisë.
Mjaft të rëndësishme janë, siç cekin, edhe zgjidhjet me të cilat hollësisht është përpunuar procedura për falje.
“Në atë drejtim, janë paraparë afate të shkurta për secilin nga institucionet të cilët janë të kyçur në procedurën për falje. Me atë rast, kyçe janë edhe dispozitat për përgjegjësi kundërvajtëse të personave të cilët veprojnë sipas lëndëve”, informojnë nga Ministria e Drejtësisë.
Falja si institut është një nga kompetencat themelore kushtetuese të Presidentit të Republikës së Maqedonisë së Veriut të konfirmuara me nenin 84 të Kushtetutës së RMV-së. Falja është përmbajtur edhe në nenin 114 të Kodit penale me të cilin rregullohen çështjet materialo-juridike të faljes. Korniza juridike e cila hollësisht e rregullon këtë materie për herë të parë është vendosur në vitin 1993 dhe deri më tsni është ndryshuar dhe plotësuar dy herë dhe atë në vitin 2009 dhe në vitin 2016.
Kryetari i Komunës së Tetovës, Bilall Kasami I shoqëruar nga Ministri I Transportit dhe Lidhjeve, Aleksandar Nikolovski dhe Zv/Ministrja Kaltrina Zekolli në Tetovë promovuan përfundimin e punimeve në Rrugën e Shtipit, një investim i Ministrisë së Transportit me ko-financim të Komunës së Tetovës.
Ministri I Transportit, Aleksandar Nikolovski, u shpreh se në Tetovë po vërrehet një bum investimesh, për të cilët përgëzoi Kryetarin Kasami duke u zotuar se Ministria që drejton ai do të jetë në shërbim të projekteve që lehtësojnë lëvizjen e qytetarëve.
Sipas zyrtarëve të Ministrisë së Transportit në Tetovë po realizohen 29 projekte të përbashkëta.
KALTRINA ZEKOLLI – Bëhet fjalë për një rrugë me 680 metra, me gjerësi mesatarisht 5.5 metra kurse sipërfaqja totale e asfaltuar është rreth 4.000 metra katrorë.
Kuvendi ka miratuar ndryshime në Ligjin për Lizingun Financiar, të cilat prekin kushtet për themelimin dhe funksionimin e kompanive të lizingut, menaxhimin korporativ, mbikëqyrjen, transparencën dhe mbrojtjen e përdoruesve. Me ndryshimet përcaktohen elementet e detyrueshme që duhet të përmbajë çdo kontratë e lizingut financiar, përfshirë të gjitha tarifat dhe kompensimet që lidhen me kontratën. Gjithashtu, parashihet mundësia që kontratat të lidhen edhe në formë elektronike, në përputhje me legjislacionin për dokumentet elektronike, identifikimin elektronik, mbrojtjen e të dhënave personale dhe parandalimin e pastrimit të parave.
Rregullat e reja sjellin kontrata më të qarta, mundësi për shlyerjen e parakohshme pa kosto shtesë, kontroll më të madh mbi punën e kompanive të lizingut dhe standarde më të larta për mbrojtjen e shfrytëzuesve.
“Me qëllim të rritjes së transparencës dhe mbrojtjes së shfrytëzuesve, me ndryshimet specifikohen elementët e detyrueshëm që duhet të përmbajë çdo kontratë lizingu financiar, duke përfshirë të gjitha kompensimet që lidhen me lizingun. Përveç kësaj, mundësohet që kontratat e lizingut financiar të lidhen edhe në formë elektronike, nëse kushtet plotësohen në përputhje me dispozitat për dokumentet elektronike, identifikimin elektronik dhe shërbimet konfidenciale, si dhe dispozitat për parandalimin e pastrimit të parave, mbrojtjen e të dhënave personale dhe dispozitat e tjera përkatëse”, thonë nga Ministria e Financave.
Me këto ndryshime vendoset mundësia që shfrytëzuesi i lizingut financiar të shlyejë detyrimet e mbetura plotësisht ose pjesërisht në çdo kohë në përputhje me planin e amortizimit, pa kosto shtesë. Kjo gjithashtu siguron të drejtën për të ulur kostot e përgjithshme për periudhën e mbetur të kontratës.
“Përveç kësaj, përforcohet mbrojtja e shfrytëzuesve duke specifikuar se ofruesi i lizingut financiar nuk mund ta shfrytëzojë lëndën e lizingut financiar si kolateral pa pëlqimin paraprak me shkrim të shfrytëzuesit. Pëlqimi duhet të jepet te noteri, në dokument të veçantë – deklaratë, veçmas nga kontrata e lizingut financiar, me kushtet e përgjithshme, me përcaktimin e qartë të pasojave juridike të pëlqimit të tillë. Ofruesit e lizingut financiar do të jenë të detyruar të publikojnë raportet financiare vjetore, së bashku me raportin dhe mendimin e revizorit të autorizuar, në faqet e tyre të internetit. Në këtë mënyrë, individët dhe personat juridikë si shfrytëzues të lizingut do të kenë mundësinë të kenë pasqyrë më të qartë mbi punën e kompanive të lizingut para se të krijojnë marrëdhënie afariste”, thonë nga Ministria.
Me ndryshimet, thonë më tej nga kjo Ministri, përforcohet edhe mbikëqyrja përmes avancimit të dispozitave kundërvajtëse, si dhe stabiliteti financiar i ofruesve të lizingut financiar duke rritur vlerën minimale të principalit bazë nga 6.000.000 në 30.000.000 denarë.
“Me qëllim të përforcimit të integritetit të subjekteve që kryejnë lizing financiar, me ndryshimet zbatohen gjithashtu rekomandimet e Komitetit MONEYVAL pranë Këshillit të Evropës në fushën e parandalimit të pastrimit të parave dhe financimit të terrorizmit. Me to vendosen kritere për përshtatshmërinë dhe reputacionin që duhet t’i përmbushin themeluesit dhe anëtarët e organeve drejtuese të ofruesve të lizingut financiar”, thuhet në njoftimin e Ministrisë.
Ndryshimet e miratuara nga Kuvendi janë një nga tetë hapat që Ministria e Financave po zbaton në kuadër të Agjendës reformuese.
Lajme nga vendi
14-vjeçarja nga Kavadari ndërron jetë pasi ra nga një luhatëse në parkun e Gostivarit
SPB Tetovë njofton se ka humbur jetën një 14-vjeçare nga Kavadari, e cila ka rënë nga luahtësja në parkun e Gostivarit.
Nga atje thonë se trupi është dorëzuar për autopsi.
SPB Tetovë njofton se ka humbur jetën një 14-vjeçare nga Kavadari, e cila ka rënë nga luahtësja në parkun e Gostivarit.
Nga atje thonë se trupi është dorëzuar për autopsi.
Sipas raportimit, e mitura ka rënë nga luhatësja në parkun e Gostivarit, pas së cilës është transportuar në Qendrën Mjekësore Gostivar, ku në ora 20:55 mjekukujdestar ka konstatuar vdekjen.
Është njoftuar prokurori publik, me urdhër të të cilit trupi është dorëzuar për autopsi“, thonë nga SPB Tetovë.
TETOVË: PËRUROHET RRUGA E “SHTIPIT”
Rregulla të reja në lizingun financiar në Maqedoninë e Veriut
14-vjeçarja nga Kavadari ndërron jetë pasi ra nga një luhatëse në parkun e Gostivarit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
You must be logged in to post a comment Login