Sport
SHKËNDIJA LIDH ME KONTRATA PROFESIONALE DY TALENTET E SHKOLLËS SË KLUBIT
Mesfushori Lirian Xheladini dhe mbrojtësi i majtë Anes Abdurahmani nënshkruajnë kontratat e tyre profesionale me kuqezinjtë, duke hedhur një hap të rëndësishëm në karrierën e tyre.
KF Shkëndija vazhdon të investojë në talentet e shkollës së saj të futbollit. Mesfushori Lirian Xheladini dhe mbrojtësi i majtë Anes Abdurahmani janë lidhur me ekipin e parë përmes kontratave profesionale, pas vlerësimit pozitiv të zhvillimit dhe potencialit të tyre nga kryesia dhe departamenti sportiv i klubit.
Lirian Xheladini, i cili pasnesër mbush 19 vjeç, ka firmosur kontratë dyvjeçare me Shkëndijën. Mesfushori debutoi në ndeshje zyrtare me ekipin e parë gjatë sezonit të kaluar dhe është aktivizuar edhe në kampanjën aktuale.
“Jam shumë i lumtur për këtë hap dhe mirënjohës për besimin e klubit. Kontrata është motiv shtesë për të vazhduar punën me përkushtim, për t’u përmirësuar çdo ditë dhe për të dhënë maksimumin për fanellën kuqezi”, shprehet Xheladini.
Ndërkohë, mbrojtësi i majtë Anes Abdurahmani, 18 vjeç, është një nga emrat e rinj që kanë spikatur këtë sezon. Ai debutoi në fitoren 4:1 ndaj Bregallnicës dhe deri tani ka regjistruar pesë paraqitje me ekipin e parë. Abdurahmani ka nënshkruar kontratë 3,5 vjeçare, duke u konsideruar një nga shpresat e klubit për të ardhmen.
“Këto kontrata janë motiv shtesë për ne që jemi rritur në shkollën e Shkëndijës. Do të vazhdojmë të punojmë fort, të përparojmë si futbollistë dhe ta shpërblejmë besimin e klubit me paraqitje sa më të mira”, shprehet Abdurahmani.
Drejtori sportiv i Shkëndijës, Erhan Selimi, e vlerëson këtë hap si dëshmi të përkushtimit të klubit për zhvillimin e talenteve të veta.
“Jemi të lumtur që formalizojmë kontratat profesionale me dy futbollistë të rinj, të cilët e kanë dëshmuar potencialin e tyre. Shpresojmë që ky hap të jetë motiv shtesë për të vazhduar punën me përkushtim dhe për të avancuar drejt ekipit të parë edhe më shumë talente nga shkolla jonë e futbollit”, shprehet Selimi.
Me këto dy kontrata, Shkëndija konfirmon rëndësinë që i kushton zhvillimit të futbollistëve të rinj dhe krijimit të rrugëve konkrete për promovimin e tyre drejt ekipit të parë.
Shtatë fitore të skuadrave vendase dhe katër të atyre mysafire është epilogu i ndeshjeve hapëse në kampionatin amerikan të basketbollit NBA.
Sezoni i ri i Ligës Profesionale Amerikane të Basketbollit (NBA, e 81-ta me radhë, nisi të martën.
Legjenda e basketbollit, LeBron Xhejms, është transferuar te Filadelfia, qendra greke Janis Adetokumbo ka kaluar te Majami, ndërsa Kavai Leonard është rikthyer në Toronto. Gjatë verës, skuadrat kanë ndryshuar edhe rreth dhjetë basketbollistë të tjerë që janë përzgjedhur për ndeshjen All-Star, shumica prej të cilëve kanë qenë pjesë edhe e pesësheve më të mira të NBA-së.
Synimi i të gjithëve është i njëjtë – ta zbresin Njujork Niksin nga froni i kampionit.
Në ndeshjet e zhvilluara mbrëmë, fitore në cilësinë e vendasit kanë realizuar Uashingtoni në përballjen me Millvokin , Toronto ndaj Çikagos , Memfisi ndaj UTAH, Hjustoni ndaj Dallasit, Lakers ndaj Golden State , Portland kundër Feniksit dhe Klipers ndaj Sakramentos.
Ndërkasq si mysafirë fitore kanë realizuar Atlanta ndaj Orlandos , Sharlote ndaj Bruklyn , Minnesota ndaj Miamit dhe Indiana në përballjen me Nju Orleans.
Raundi i dytë i kampionatit amerikan NBA vazhdon nesër dhe pasnesër me ndeshjet e raundit të dytë ku pritetn ndeshje spektakolare.
REZULTATET E NBA-së
Orlando – Atlanta 125-132
Uashington – Milwaukee 128-116
Brooklyn – Sharlotte 103-110
Miami – Minnesota 106-131
Toronto – Chicago 135-92
Memphis – Utah 123-103
Nju Orleans – Indiana 120-123
Houston – Dallas 128-110
Lakers – Golden State 127-105
Portland – Phoenix 124-83
Clippers – Sacramento 121-96
Mbrëmja e së mërkurës në UEFA Liga e Kampionëve ka dhuruar një spektakël të jashtëzakonshëm futbolli, ku u regjistruan 34 gola , përmbysje e por edhe zhgënjime . Pas kompletimit të tre xhirove të fazës së ligës pesë ekipe kryesojnë me nga 9 pikë
Vëmendja kryesore e të gjithë adhuruesve të futbollit ishte e përqendruar në “Allianz Arena” të Munihut, në sfidën super-derbi mes Bayern Munih dhe Arsenalit,. Dy gjigantët e futbollit evropian dhuruan një përballje fantastike që përfundoi në barazim 2-2. Anglezët kaluan të parët në avantazh me anë të Eberechi Eze në minutën e 25-të, por bavarezët u përgjigjën shpejt duke barazuar me Alphonso Davies në minutën e 35-të. Në pjesën e dytë, Harry Kane përmbysi shifrat nga pika e bardhë e penalltisë për Bayernin në minutën e 61-të, por Arsenal nuk u dorëzua dhe gjeti golin e barazimit 2-2 falë një goditjeje të saktë nga Declan Rice tetë minuta para fundit të kohës së rregullt.
Në ndeshjet e tjera të mbrëmjes, Real Madridi tregoi edhe një herë forcën e tij absolute në “Santiago Bernabéu”, duke mposhtur bindshëm RB Leipzigun me rezultatin e thellë 4-1. Për madrilenët shënuan Bernardo Silva, Arda Güler, Kylian Mbappé dhe Yan Diomandé, ndërsa golin e vetëm për gjermanët e realizoi Gomis.
Fitore mjaft të rëndësishme arriti edhe Interi që mposhti me rezultat minimal 1-0 Shakhtar Donetskun në një përballje mjaft me taktika. Me të njëjtin rezultat 1-0, Real Betisi triumfoi në shtëpi përballë holandezëve të Feyenoord.
Aston Villa vazhdoi ecurinë e saj pozitive duke mposhtur 3-1 norvegjezët e Viking në shtëpi, ndërsa belgët e Club Brizh dominuan plotësisht ndaj francezëve të Lens duke fituar me shifrat e pastra 3-0. Befasia më e madhe e kësaj mbrëmjeje u regjistrua në Lisbonë, ku austriakët e LASK arritën të përmbysnin Sportingun e Lisbonës dhe të merrnin një fitore të madhe me rezultatin 3-2 në transferta, duke mbyllur kështu një mbrëmje të magjishme të Ligës së Kampionëve. Como befasoi Mançester Junajtedin duke deklasuar me rezultatin 4-1, ndërsa Lille në cilësinë e vendasit pësoi 2-4 nga Gallatasaray.
Pas kompletimit të raundit të tretë pesë ekipe kryesojnë me nga 9 pikë maksimale si PSZH, Aston Villa, Liverpulli, Real Madridi dhe Betisi
Raundi i katërt i fazës së ligës në UEFA Liga e Kampionëve vazhdon më 3 dhe 4 nëntor.
Ekipe mund të formojnë të gjithë qytetarët e interesuar. Pjesëmarrja është plotësisht falas dhe e lirë për të gjithë!
Paraqitja e ekipeve (6+2):Me SMS në numrin: 070 251 279& 071595556
Eventi do të përmbyllet me një ngjarje festive dhe argëtuese të shoqëruar me katering. Shihemi atje!
Deri më 30 tetor zgjat konkursi vjetor për financimin e projekteve të kulturës për vitin 2027
NBA: NISI SEZONI I 81-të, NUK MUNGOI SPEKTAKLI!
PUBLIKOHEN PAMJE NGA AUTOSTRADA KËRÇOVË – OHËR!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKrimi i rëndë në Kosovë/ Kjo është 25-vjeçarja që u vra me armë zjarri, dyshohet se u qëllua nga bashkëshorti i saj, ishte në javën e 34 të shtatzënisë
-
Lajme nga rajoni1 month agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga vendi2 months agoNdahen 109 vendime pune në Spitalin Klinik të Tetovës