Lajme nga vendi
MASh: Mos bëni kopje të librave, çdo nxënës do t’i marrë falas
Ministria e Arsimit dhe Shkencës (MASH) informoi se këtë javë do të bëhet dorëzimi i 18 teksteve nga marrëveshja e dytë dhe e tretë për shtyp, pasi siç thonë ata, ka përfunduar dorëzimi i teksteve sipas kontratës së parë. Deri më tani janë dorëzuar vetëm tekstet për klasën e katërt në gjuhën maqedonase dhe matematikën në gjuhën mësimore maqedonase dhe tekstet e gjuhës turke për klasën e katërt dhe të pestë në gjuhën mësimore turke, transmeton Portalb.mk.
Këtë javë, siç thonë nga Ministria e Arsimit, pritet të dorëzohen 18 tekste, edhe atë:
në gjuhën mësimore maqedonase: gjuha maqedonase për klasën e parë dhe të dytë, matematika për klasën e parë, shkencat natyrore për klasën e parë, të dytë dhe të katërt, historia dhe shoqëria për klasën e katërt dhe të pestë;
në gjuhën mësimore turke: Teksti mësimor i gjuhës turke për klasën e parë dhe të dytë,
në gjuhën mësimore shqipe: teksti i matematikës për klasën e katërt dhe tekstet e gjuhës shqipe për klasën e dytë, të katërt dhe të pestë;
në gjuhën mësimore serbe: Tekste të gjuhës serbe për klasën e dytë, të katërt dhe të pestë, tekstin e matematikës për klasën e katërt.
Pas dorëzimit të këtyre, sipas Ministrisë së Arsimit dhe Shkencës, do të fillojë dorëzimi i teksteve të gjuhës shqipe dhe matematikës për klasën e parë, shkencave natyrore për klasat e para, të dyta dhe të katërta dhe historia dhe shoqëria për klasat e katërta dhe të pesta, të gjitha në gjuhën mësimore shqipe.
“I njoftojmë nxënësit dhe prindërit se tekstet e reja do të jenë të disponueshme edhe në ueb faqen e Ministrisë së Arsimit dhe Shkencës www.e-ucebnici.mon.gov.mk. U bëjmë thirrje prindërve që të mos bëjnë shpenzime të panevojshme dhe të kopjojnë tekstet shkollore, pasi tekstet e printuara do të jenë në dispozicion të çdo nxënësi pa pagesë”, thuhet në njoftimin e ministrisë.
Pas shtypjes dhe dorëzimit të teksteve për arsimin fillor, siç thotë Ministria e Arsimit dhe Shkencës, do të vazhdojë edhe shtypja e teksteve për arsimin e mesëm profesional.
Dorëzimi i teksteve të reja për arsimin fillor filloi më 17 nëntor, një muaj e gjysmë pas përfundimit të gjysmëvjetorit të parë. Ndërkohë nxënësit e klasave të para, të dyta, të katërta dhe të pesta po përdorin materiale mësimore që mbulojnë përmbajtjen e tremujorit të parë.
Shkollat duhet t’i respektojnë protokollet për punë gjatë temperaturave tepër të larta, porositi ministrja e Arsimit dhe Shkencës, Vesna Janevska. Rregullat përcaktojnë edhe se kur duhet të hapen apo të mbyllen dritaret dhe cilat aktivitete duhet t’i zhvillojnë nxënësit. Protokollet janë publikuar në ueb-faqen e Ministrisë së Arsimit dhe Shkencës (MASH), ndërsa u janë dorëzuar edhe të gjitha shkollave. Janevska tha se drejtuesit e shkollave dhe mësimdhënësit duhet ta përshtatin mësimin me kushtet atmosferike.
A do të shkurtohen orët mësimore në ditët kur moti do të jetë shumë i nxehtë, ishte një pyetje e gazetarëve drejtuar Ministres së Arsimit, Vesna Janevska, lidhur me vapën afrikane që ka kapluar vendin edhe në fillim të vitit shkollor dhe sipas paralajmërimeve do të vazhdojë edhe më tej.
Ministrja potencoi se shkollat duhet të veprojnë konform protokolleve për situata të këtilla, duke shtuar se nuk mund t`u ikim ndryshimeve klimatike pasi ato janë të njëjta për të gjithë fëmijët në Evropë dhe në botë.
“Udhëheqësit e shkollave dhe vet mësimdhënësit. Është pjesë e punës së tyre. Të adaptohen konform kushteve. Nëse është nxehtë, nuk do të zhvillojnë edukatë fizike, do të kenë pushim, art figurativ, muzikë, diçka tjetër… Unë nuk dua të ndërhyj në punën e tyre, por ja, kjo mund të jetë një ide. Nëse është më freskët, mund të bëjnë edhe ndonjë ushtrim fizik. Në protokolle përcaktohet kur duhet të hapen dhe kur të mbyllen dritaret, si dhe cilat aktivitete duhet t’i kenë fëmijët. Duhet të përshtatemi me çdo gjë që do të jetë sfidë”
E pyetur nëse në shkolla do të sigurohen kondicionerë për freskim gjatë ditëve të nxehta në fillim dhe në fund të vitit shkollor, ministrja u përgjigj se do të ketë kondicionerë kur si shtet do të jemi në gjendje të sigurojmë kondicionerë në të gjitha shkollat.
Nga ana tjetër, Kryetari i Komunës së Aerodromit, Dejan Miteski, deklaroi se në shkollat e kësaj Komune, orët mësimore do të shkurtohen vetëm nëse aktivizohet “faza e verdhë” për shkak të temperaturave të larta.
Dje në orën 11:00 në SPB Tetovë, një 52-vjeçar nga Republika e Kosovës, me banim në Norvegji, ka raportuar se në fshatin Dobrosht të Tetovës i është marrë motoçikleta e tij „BMV“, e cila ishte e parkuar në fshat. Po merren masa për gjetjen e motoçikletës dhe për zbardhjen e rastit.
…….Dje në orën 19:15 në Tetovë, zyrtarët policorë kanë privuar nga liria personin një 44 vjeçar nga Tetova, duke vepruar sipas raportimit paraprak nga vëllai i tij 46-vjeçar se, pas një debati të shkurtër në shtëpinë familjare, e ka sulmuar fizikisht dhe i ka dëmtuar telefonin celular. Pas dokumentimit të plotë të rastit, do të vijojë parashtresa përkatëse.
……Dje rreth orës 19:50 në SPB Tetovë është raportuar se në Spitalin Klinik në Tetovë, një 24 vjeçar nga fshati Pallatcë i Tetovës, pasi i është kërkuar të kryejë një pagesë për shërbim mjekësor, është sjellë në mënyrë agresive dhe ka thyer xhamin e sportelit të pranimit, me ç’rast ai dhe dy punonjës të tjerë kanë pësuar lëndime. Pas ndërhyrjes së zyrtarëve policorë, ai ka sulmuar fizikisht edhe një zyrtar policor, e më pas, për shkak të seriozitetit të lëndimeve, është transportuar në Kompleksin e Klinikave „Nënë Tereza“ në Shkup për t’iu ofruar ndihmë mjekësore. Është kryer këqyrje e vendit të ngjarjes dhe pas dokumentimit të plotë të rastit do të dorëzohet kallëzimi përkatës.
……Dje në orën 22:00 në rrugën „107“ në Tetovë, zyrtarët policorë nga SPB Tetovë kanë privuar nga liria një 24 vjeçar nga Tetova sepse gjatë kontrollit të ushtruar ndaj tij është gjetur dhe konfiskuar marihuanë. Personi është ndaluar në stacionin policor dhe pas dokumentimit të rastit do të vijojë parashtresa përkatëse.
……..Dje në orën 22:20 në rrugën „Iliria“ në Tetovë, zyrtarët policorë nga SPB Tetovë kanë privuar nga liria një 42-vjeçare nga Velesi, me banim në Tetovë, sepse gjatë kontrollit të ushtruar ndaj saj është gjetur dhe konfiskuar një substancë e bardhë pluhur. Personi është shoqëruar në polici dhe pas dokumentimit të rastit do të dorëzohet kallëzimi përkatës.
Pas mesnate në orën 01:50 në rrugën „107“ në Tetovë, zyrtarët policorë nga SPB Tetovë kanë arrestuar një 30-vjeçar nga Tetova, i cili kërkohej me urdhëresë gjyqësore për vuajtjen e dënimit me burg për vepër penale të kryer sipas nenit 130 paragrafi 1 të Kodit Penal. Personi është dërguar në Institucionin Ndëshkues-Përmirësues Burgu i Tetovës për vuajtjen e dënimit.
Radiologu Argjend Imeri: Diagnoza e historisë – Gjenocidi nuk shërohet me harresë
TETOVARET BUNA SHERIFI DHE ERJONA EMINI NË BOTËRORIN E KARATESË
VAPA AFRIKANE: A DO TË SHKURTOHEN ORËT MËSIMORE?!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga vendi1 month agoDyvjeçar nga Kumanova helmohet me tretës ngjyre, dërgohet në Klinikën “Nëna Terezë”
-
Lajme nga bota2 months agoFestivali kthehet në tragjedi, dy të vrarë dhe disa të plagosur nga të shtënat në Uashington. Arrestohet autori
-
Lajme nga bota2 months agoFranca në alarm, zjarret i afrohen Bordeaux, Macron mbledh qeverinë në takim krize