Lajme nga vendi
Universiteti i Tetovës vlerësohet me mirënjohje për kontributin e dhënë në studimin ndërkombëtar HBSC
Me rastin e 20-vjetorit të studimit ndërkombëtar “Sjelljet e lidhura me shëndetin te fëmijët e moshës shkollore në Maqedoninë e Veriut”, Qendra psikosociale dhe e aksionit të krizës – Shkup dhe Ministria e Arsimit dhe Shkencës e RMV-së, Universitetit të Tetovës i ndau mirënjohje për kontribut të vazhdueshëm në qëndrueshmërinë e realizimit të këtij studimi longitudinal, i cili mundëson të fitohet pasqyrë holistike mbi shëndetin dhe sjelljen e të rinjve në RMV, por edhe në raport me të rinjtë e 51 vendeve të tjera.
Ky aktivitet u organizua nën mbështetjen e Zonjës së parë të vendit tonë, Elizabeta Gjorgievska, ku Prorektori për Bashkëpunim Ndërkombëtar, Prof. Dr. Shefik Shehu e pranoi mirënjohjen për Universitetin e Tetovës.
Mirënjohje iu nda edhe stafit të UT-së, nga Programi studimor i Psikologjisë, Doc. Dr. Sheruze Osmani Ballazhi, Doc. Dr. Luljeta Bexheti dhe Prof. Dr. Ibrahim Neziri, si pjesë e ekipit nacional të Maqedonisë së Veriut, të cilët kanë kontribuar që vendi ynë të vazhdojë të jetë anëtar i barabartë me 51 shtete të tjera nga Evropa, Amerika Veriore, Kanadaja dhe Australia, në gjurmimin e sjelljeve dhe shëndetit të rinjve të moshës shkollore 11, 13 dhe 15 vjeçare.
Gjatë vitit 2022, Universiteti i Tetovës siguroi që studimi për herë të parë të realizohet në formë elektronike, duke ofruar një sistem të një niveli të lartë dhe të përshtatshëm për mbledhjen e të dhënave.
Të dhënat e studimit mundësojnë krijimin e politikave, me qëllim të përmirësimit dhe avancimit të mirëqenies së të rinjve.
Më datë 22.01.2026, në orën 23:40, në bulevardin “Ilindenska” në Tetovë, punonjësit policisë nga Stacioni Policor për Siguri në Komunikacionin Rrugor kanë arrestuar një 16-vjeçar nga Tetova. Gjatë kontrollit në komunikacion, policia ka ndaluar një automjet pasagjerësh “Ford” me targa të Tetovës, të cilin e drejtonte i mituri.
Pas masave të ndërmarra, u konstatua se personi ishte i mitur dhe drejtonte mjetin pa pasur të kryer provimin për patentë shoferi. Me urdhër të prokurorit publik, personi është ndaluar, ndërsa automjeti është konfiskuar. Pas dokumentimit të plotë të rastit, ndaj tij do të ngrihet padi përkatëse.
Lajme nga vendi
Kontroll aksional në Gostivar: Kapet një i mitur në bastore dhe arrestohet një shtetas i Shqipërisë
Gjatë natës mes 22 dhe 23 shkurtit 2026, nga ora 19:00 deri në 00:15, në zonën e Gostivarit, policia në bashkëpunim me Inspektoratin Shtetëror të Tregtisë dhe atë të Punës kanë kryer kontrolle nëpër bastore sportive dhe kazino.
Gjatë kontrollit, në njërin objekt është gjetur një i mitur nga Tetova, i cili i është dorëzuar prindit. Në një objekt tjetër është arrestuar personi A.L. (29) nga Shqipëria, pasi po qëndronte i papunësuar dhe i paparaqitur në zonë. Pas dokumentimit të plotë të rastit, do të vijojnë paditë përkatëse.
Pavarësisht paralajmërimeve të kryeministrit Hristjan Mickoski se Maqedonia e Veriut do të bëhet pjesë e BE-së në vitin 2027, qytetarët mbeten skeptikë – madje më shumë se ç’duhet.
Sipas tyre, Maqedonia e Veriut nuk do të anëtarësohet asnjëherë në BE, pasi vetë udhëheqësit e shtetit nuk e dëshirojnë një gjë të tillë. Ata vlerësojnë se me anëtarësimin në BE do të rriteshin kontrollet dhe mekanizmat e mbikëqyrjes, çka do ta vështirësonte keqpërdorimin e fondeve dhe të buxhetit të shtetit.
Qytetarët theksojnë se migrimi nga Maqedonia e Veriut nuk do të ndalet dhe se ata që janë larguar nuk do të kthehen, edhe nëse vendi anëtarësohet një ditë në Bashkimin Evropian.
Sipas tyre, premtimet për anëtarësim në BE janë dëgjuar shpesh ndër vite, por kanë rezultuar të pavërteta. Edhe pas 30 vitesh, Maqedonia e Veriut vazhdon të mbetet jashtë familjes evropiane, pavarësisht mijëra premtimeve të bëra nga qindra politikanë.
Maqedonia e Veriut ka stagnuar në rrugën e integrimit për shkak të kontestit me Bullgarinë, e cila kërkon njohjen e komunitetin bullgar si të barabartë me komunitetet tjera në Kushtetutë. Kjo kërkon të miratohen në Kuvend me shumicë prej dy të tretash të votave të deputetëve.
Tetovë: Arrestohet një 16-vjeçar, voziste pa leje, i konfiskohet vetura
Kontroll aksional në Gostivar: Kapet një i mitur në bastore dhe arrestohet një shtetas i Shqipërisë
QYTETARËT SKEPTIK PËR ANËTARËSIM NË BASHKIMIN EVROPIAN
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
