Lajme nga vendi
Gripi i “këputi” fëmijët e lindur në pandemi, mbushen spitalet nga virozat stinore
Gripi sezonal tek fëmijët në dy javët e fundit ka shtuar frekuentimin nëpër spitale e vendit. Në Institutin për sëmundje të mushkërive te fëmijët në Kozle, vetëm të dielën 170 pacientë kanë kërkuar ndihmë mjekësore. E hëna ka rritur fluksin në “KOZLE” deri në 200 fëmijë për trajtim ambulantor. Drejtori mjekësor Besnik Zeqiri tha se në këtë periudhë dominojnë viruset e influencës A dhe B, virusi respirator sincicial, rinoviruset si dhe adenoviruset. Ai tha se në këtë Institut janë të shtruar 73 fëmijë.
“Gjitha këto pasoja, nëse kthehemi prapa, vërejmë se imuniteti i tyre nuk është zhvilluar si duhet, duke e ditur se tre vitet e fundit kemi qenë në krizën e kovidit. Kështu që ata fëmijë nuk e kanë imunitetin si fëmijë tjerë më të rritur, prandaj edhe themi shumica janë ndër tre vjeç, ndërsa tek fëmijët shkollorë kemi shumë më pak të prekur ose ata që vijnë në ambulanta trajtohen pa infuzione, sugjerojmë vetëm mjekim shtëpiak apo ekzaminime në institutin tonë”, tha Besnik Zeqiri, Drejtor i Institutit “KOZLE”.
Nga Institutit i shëndetit publik thonë se vaksinimi kundër gripit është mbrojtja më e mirë, por gjithsesi nuk anashkalohet edhe parandalimi përmes suplementeve vitaminoze dhe ushqimeve të shëndetshme. Sipas tyre, pasojat post-kovid kanë dobësuar imunitetin shëndetësor edhe te kategoritë e rrezikuara.
“Institutit i shëndetit publik rekomandon vaksinimin e gjithë popullsisë e posaçërisht të personave që janë në grupet e rrezikut, të moshuarit mbi 65 vjet, fëmijët të moshës 5-59 muaj, personat me sëmundje kronike gratë shtatzëna dhe të mundësuarit medicinal”, njoftojnë nga Institutit i Shëndetit Publik.
Situata më stabile është në Klinikën për sëmundje të fëmijëve. Nga Pediatria raportojnë se lloji virozës nuk është me aq pasoja të rënda për hospitalizime dhe rastet trajtohen më shumë te mjekët amë. Sipas drejtoreshës Stojka Naceva Fushtiq të shtruar në spital janë 20 fëmijë me bronhilitis ndërsa gjatë ditës së hënë në trajtim ambulantor janë ekzaminuar rreth 60 fëmijë. Rekomandimet e mantel bardhëve janë që ti mbajnë fëmijët në ambiente të ajrosura dhe ti veshin më trash gjatë shëtitjeve, ndërsa për fëmijët në çerdhe dhe shkolla mësueset dhe të kenë kujdese me grupimet e nxënësve.
Lajme nga vendi
Kasami: Pas dekadash padrejtësie dhe diskriminimi, drejtësia u vu në vend

Kryetari i Komunës së Tetovës dhe njëri nga liderët e VLEN-it, Bilall Kasami, ka uruar medresantët për zgjidhjen e problemit shumëvjeçar me njohjen e diplomave të Medresesë, duke e cilësuar këtë si një hap historik drejt barazisë dhe drejtësisë në arsim.
“Sot, Qeveria e VLEN-it miratoi Propozim Ligjin për Shkollat e Mesme të Komuniteteve Fetare, i cili garanton që diplomat e Medresesë të trajtohen njësoj si diplomat e çdo shkolle tjetër të mesme në Maqedoninë e Veriut.Kjo është një fitore për të gjithë medresantët, për komunitetin besimtar dhe për të gjithë ata që besuan në ndryshim”, shkruan Kasami në Facebook.
Ai shton se Qeveria VLEN vazhdon të dëshmojë përkushtimin ndaj qytetarëve në çdo sferë e çdo nivel të pushtetit. Premtimet nuk mbesin fjalë, por shndërrohen në vepra konkrete.
Lajme nga vendi
Azizi: Urime, diplomat e Medresesë të barabarta me të gjitha shkollat e mesme

Deputeti i VLEN Adnan Azizi në postimin e tij në Facebook ka përgëzuar miratimin e ligjit për shkollat e mesme fetare.
Azizi ka theksuar se VLEN premtoi dhe realizoi – tashmë diplomat e Medresesë “Isa Beu” në Shkup do të pranohen si të barabarta me diplomat e shkollave të tjera të mesme në Maqedoninë e Veriut.
Në reagimin e tij, ai e ka quajtur këtë një fitore të madhe për shqiptarët, për besimtarët dhe për të gjithë ata që janë të përkushtuar ndaj dijes fetare dhe lirisë së besimit. Azizi nënvizoi se miratimi i Propozim Ligjit për Shkollat e Mesme të Komuniteteve Fetare nga ana e Qeverisë është një hap historik dhe drejtësi e vonuar për breza të tërë që u diskriminuan padrejtësisht për më shumë se dy dekada.
“Ky vendim është edhe një goditje ndaj atyre që 22 vite mashtruan dhe manipuluan me ndjenjat fetare, atyre që nga njëra anë kërkonin votën e besimtarëve, dhe nga ana tjetër i etiketonin si terroristë”, – ka shkruar ai.
Lajme nga vendi
Klubi Malor “Skardus” organizoi Marshin e Parë Promovues (video)

Mbi 400 pjesëmarrës nga treva të ndryshme të vendit, Kosovës dhe alpinistë dhe mërgimtarë morën pjesë në Marshin e Parë Promovues, të organizuar nga Klubi Malor “Skardus” në fshatin Dobrosht. Ky aktivitet shënoi një moment të veçantë për këtë fshat sepse nëpërmjet natyrës, traditës dhe mikëpritjes bëri bashkë alpinistët dhe jo vetëm. Kryetari i Unionit të Shoqatave Bjeshkatare, Fari Rexhepi, theksoi se ky union luan një rol të veçantë në promovimin e bukurive natyrore të vendit dhe është përkrahës i shoqatave bjeshkatare të cilat poashtu lidhin adhuruesit e natyrës me natyrën tha Fari Rexhepi.
Të pranishëm ishin anëtarë të shumtë të shoqatave të ndryshme bjeshkatare nga vendi, të cilat promovojnë bukuritë natyrore të vendit tonë. Këto shoqata, të cilat funksionojnë nw bazw të plan programeve, ndikojnë në rritjen e numrit të bjeshkatarëve dhe adhuruesve të natyrës.
Fatmir Sulejmani – “Sytë e Sharrit”
Qerim Abazi – Kryetar i Shoqatës Malore “Sharri” Gostivar
Evzal Elmazi, drejtor i Parkut Nacional Mali Sharr, theksoi se kjo iniciativë është për tu përshëndetur dhe shpreson që do të ngelë traditë që do të organizohet edhe vitet e ardhshme. Elmazi deklaroi se do i përkrahin maksimalisht iniciativat e tilla.
Evzal Elmazi Rojtari i Zonave të Mbrojtura,
Fariz Farizi, apeloi që qytetarët të kenë kujdes në këtë periudhë të nxehtë, të shmangin zjarret dhe të respektojnë masat e qeverisë.
Fariz Farizi – Rojtar i Zonave të Mbrojtura
Ndryshe, Pjesëmarrësit përshkruan një distancë prej 8.5 km vajtje-ardhje, me një disnivel prej 530 metrash, duke ofruar një rrugëtim të këndshëm dhe energjik në natyrën e mrekullueshme të Dobroshtit.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve