Connect with us

Lajme nga vendi

Ndërkombëtarët kritikojnë institucionet për luftën e dobët kundër korrupsionit

Published

2 years ago

on

Ambasadorja gjermane në Shkup, Anke Holstein kritikon institucionet për luftën e dobët kundër korrupsionit në vend. Sipas saj, arsyeja pse disa vende kandidate për në BE-së negociojnë ndër vite është pikërisht lufta jo efikase kundër korrupsionit.

“E dini se në procesin integrues për në BE, kapitulli i sundimit të ligjit është kornizë e madhe e cila hapet e para dhe mbyllet e fundit. Arsye për këtë është se shumë vende të cilat janë kandidatë kanë shumë punë për të bërë në këtë kapitull dhe një shembull i tillë është edhe vendi juaj. Këtu bën pjesë gjëja më kryesore dhe ajo është shkatërrimi i korrupsionit. Neve mbetemi të përkushtuar për të ndihmuar Maqedoninë e Veriut në shkatërrimin e korrupsionit. Të gjithë e dimë se bëhet fjalë për një detyrë të vështirë e cila qëndron para jush. Kjo nuk i referohet vetëm politikanëve, por të gjithë qytetarëve të cilët duhet të dinë se kur shkojnë në mjek nuk guxojnë të lënë ndonjë bankënotë në mantelin e mjekut” , tha Anke Holstein, Ambasadore e Gjermanisë.

Por kryeministri Dimitar Kovaçevski thotë se lufta kundër korrupsionit mbetet çështje me prioritet në Qeverinë e tij. I pyetur se çfarë ka bërë, Kovaçevski një pjesë të fajit ia faturoi opozitës për shkak të bllokimit të ligjeve reformuese në Kuvend.

“Lufta kundër korrupsioni mbetet lartë në agjendën time. Kam dëshmuar që në 10 muajt e fundit nuk kam bërë asnjë seleksionim të vetëm, nuk ka pasur asnjë moment kur unë jam vendosur në pozicion të ndërhyrë në kompetencat e institucioneve të cilat nuk janë në kompetencë të Qeverisë. Këtë mund ta vërtetojnë edhe instancat gjyqësore dhe të prokurorisë të cilat kanë liri të plotë”, deklaroi Dimitar Kovaçevski, Kryeministër.

Para ambasadores gjermane kritika kishte adresuar edhe ambasadori i BE-së, Dejvid Gir i cili tha se ndjehet i zhgënjyer për shkak se shumë para janë dhënë nga BE-ja për luftë kundër korrupsionit ndërsa rezultatet janë të padukshme. Një qëndrim të njëjtë kishte edhe ambasadorja amerikane në Shkup, Anxhela Aggeler e cila deklaroi se pavarësish mbështetjes së SHBA-ve vendi nuk ka arritur progres të dukshëm në luftën kundër korrupsionit. /Alsat.mk Gazetar: Adrian Kerimi

Advertisement
Related Topics:
Advertisement

Lajme nga vendi

68 persona dyshohen për tragjedinë në Koçan, po merren në pyetje dëshmitarët

Published

2 weeks ago

on

May 8, 2025

By

Prokurori Publik i Shtetit nuk sheh pengesa që hetimi për zjarrin në Koçan, i cili mori jetën e 62 personave, të përfundojë deri më 17 qershor, siç parasheh afati ligjor prej tre muajsh. Pa zbuluar detaje, prokurori tha se hetimi është në një fazë shumë të rëndësishme dhe dëshmitarët aktualisht po merren në pyetje si në Koçan ashtu edhe në Shkup. Sipas Kocevskit, nuk ka selektivizëm në hetim. Ai përsëriti sot, siç deklaroi edhe më parë Alsat, se hetimi mund të zgjerohet për të përfshirë të dyshuar të ri.

“Dëshmitarët po merren aktualisht në pyetje, si edhe të dëmtuarit dhe persona të tjerë që dinë diçka rreth ngjarjes. Ndërkohë, ata po koordinohen edhe me ekspertët në lidhje me atë që duhet të kryhet ekspertizë. Pra, nuk ka selektivizëm deri më tani, nuk do të ketë as në të ardhmen. Unë tashmë thashë për një media, kështu që derisa të përfundojë hetimi, zgjerim i mundshëm është i mundur, megjithatë, kjo varet nga provat dhe ajo që do të sigurojnë prokurorët publikë”, tha Ljupço Kocevski, Prokuror Publik i Shtetit.

Përpara tragjedisë në Koçan, qeveria filloi procedurë për shkarkimin e Kocevskit, e cila tani është e pezulluar. Nëse kjo procedurë do të vazhdojë apo jo, për Kocevskin, është vendim politik.

“E kam thënë disa herë këtë, kështu që është vendim politik. Për momentin, që nga fillimi i procedurës, nuk kam pasur asnjë presion apo kërcënim në këtë drejtim”, theksoi Ljupço Kocevski, Prokuror Publik i Shtetit.

Hetimi në Koçan filloi menjëherë pas tragjedisë, më 17 mars, dhe prokuroria ka tre muaj kohë për të përgatitur aktakuzë. 13 prokurorë po punojnë në hetimin, i cili është zgjeruar disa herë deri më tani, dhe i cili deri më tani ka përfshirë 68 persona fizikë dhe tre juridikë. /Alsat.mk

Advertisement
Continue Reading

Lajme nga vendi

Gjykata e Apelit ua rriti dënimet disa prej të akuzuarëve në rastin “Llaskarca”

Published

2 weeks ago

on

May 8, 2025

By

Gjykata e Apelit në Shkup i hodhi poshtë si të pabazuara ankesat e disa prej të pandehurve në rastin “Laskarci”, i cili ka të bëjë me aksidentin me autobus që ndodhi në vitin 2019, në të cilin humbën jetën 16 udhëtarë dhe u lënduan mbi 30, ndërsa pjesërisht e mbështeti ankesën e Prokurorisë Themelore Publike në Shkup, në një mënyrë që i rriti dënimet me burg pronarit të kompanisë “Durmo Tours”, të pandehurit Durmish Beluli, nga 4 në 10 vjet, personit përgjegjës për transportin në kompani, Remzi Miftari, nga 6 në 10 vjet dhe nga 5 në 7 vjet burg për dy punonjësit e stacionit të kontrollit teknik, Igor Gjorgievski dhe Goran Dukovski.
“Dënimet e punonjësit të tretë në stacionin e kontrollit teknik, Jane Bovarovski, dhe shoferit të autobusit, Manoil Trifunovski, mbeten të njëjta, 5 dhe 14 vjet burg. Seanca publike në Gjykatën e Apelit u mbajt më 2 prill të këtij viti, dhe pas kryerjes së këshillimeve dhe votimit në një pjesë të mbyllur të seancës më 17 prill 2025, gjykata nxori një vendim, i cili, siç informon, hodhi poshtë si të pabazuara ankesat e pronarit të kompanisë “Durmo Tours”, të pandehurit Durmishi Beluli, si dhe tre punonjësve në stacionin e kontrollit teknik Igor Gjorgjiovski, Goran Dukovski dhe Jane Bovarovski, dhe pranoi pjesërisht ankesat e personit përgjegjës për transportin në kompani, të pandehurit Remzi Miftari dhe shoferit të autobusit Manoil Trifunovski”, thuhet në njoftim.
Gjykata e Apelit e miratoi pjesërisht ankesën e Prokurorisë Themelore Publike në Shkup.
Njëkohësisht, sipas paragrafit II të vendimit, vendimi miratoi ankesat e palëve të dëmtuara në lidhje me vendimin për shpenzimet që kjo gjykatë e rrëzoi dhe e ktheu çështjen në atë pjesë në gjykatën e shkallës së parë për rigjykim.
“Ankesat e palëve të dëmtuara në lidhje me vendimin për kërkesën pasurore juridike u refuzuan si të papranueshme, në përputhje me nenin 411, paragrafi 4 i Ligjit për Procedurën Penale”, tha Zyra e Ankesave në një deklaratë.
Vendimi me arsyet e tij, në përputhje me Ligjin për Menaxhimin e Lëvizjes së Çështjeve në Gjykata, do të publikohet i plotë dhe do të jetë i disponueshëm në faqen e internetit të gjykatës.
Në vendimin, i cili u shpall janarin e kaluar, të pandehurit u shpallën fajtorë dhe morën një total prej 39 vitesh burg.
I pandehuri Durmish Beluli, pronar i kompanisë “Durmo Tours”, atëherë u dënua me katër vjet burg, personi përgjegjës për transportin në kompani, Remzi Miftari, u dënua me gjashtë vjet burg, ndërsa tre punonjësit e stacionit të kontrollit teknik, Igor Gjorgievski, Goran Dukovski dhe Jane Bovarovski, të cilët akuzohen për bashkëfajësi në të njëjtin krim, u dënuan me nga pesë vjet burg secili. Shoferi i autobusit, Manoil Trifunovski, mori dënimin më të lartë me burg prej 14 vitesh. Në të njëjtën kohë, të pandehurve iu ndalua gjithashtu ushtrimi i profesionit dhe detyrave të tyre për një periudhë prej pesë vitesh.
Sipas vendimit, të pandehurit Durmish Beluli dhe Remzi Miftari nuk i janë përmbajtur rregulloreve të sigurisë, duke lejuar që një autobus teknikisht i dëmtuar të marrë pjesë në trafik, gjë që përbënte rrezik për jetën e pasagjerëve. Tre punonjësit në stacionin e kontrollit teknik, Igor Gjorgjievski, Goran Dukovski dhe Jane Bovarovski, lejuan që autobusi të kalonte kontrollin teknik pavarësisht defekteve. Shoferi Manoil Trifunovski, i vetëdijshëm për mosfunksionimin e automjetit, po drejtonte autobusin me 55 pasagjerë dhe për shkak të pakujdesisë u përplas me gardhin metalik.
Gjykimin në Gjykatën Themelore Penale në Shkup e drejtoi gjykatësja Diana Gruevska Ilievska, ndërsa prokurorinë e përfaqësoi prokurori Darko Jakimovski.
Continue Reading

Lajme nga vendi

Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”

Published

2 weeks ago

on

May 8, 2025

By

Prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”, është më shumë se një prezantim publik pasi të gjithë të interesuarit dhe nxënësit që këtë vit për herë të parë do të regjistrohen në arsimin e mesëm nga afër u njoftuan me stafin mësimor, me drejtimet, kushtet dhe profilet që kanë shkollat e komunës së Tetovës. Ata kanë mundësi të zgjedhin se në cilën shkollë do të vazhdojnë mësimin dhe çfarë ofrojnë ato. Një gjë tashëm është e sigurte se shkollat e Komunës së Tetovës, janë të pajisura me të gjitha mjetet e nevojshme dhe procesi edukativo arsimor zhvillohet në një ambient komod dhe bashkëkohor.
Komuna e Tetovës është e përkushtuar që të ketë shkolla konkurruese jo vetëm në rajon, por edhe më gjërë!

Continue Reading

Më të lexuarat