Dje, në ora 12:30, në DPB Gostivar, një 46-vjeçar nga një fshat i Gostivarit ka denoncuar se janë keqpërdorur të dhënat e tij personale. Më konkretisht, denoncuesi, i cili punon në Zvicër, gjatë një bisede me një përmbarues në Gostivar është informuar se ndaj tij po zhvillohet një procedurë si pronar i një firme për një borxh prej 5.085.079 denarësh ndaj një banke në falimentim. Njëkohësisht, kërkoheshin si peng një automjet transportues “MAN” dhe një makinë pune (eskavator). Gjithashtu, ai ka sqaruar se kurrë nuk ka poseduar firmë apo makineri dhe dyshon se të dhënat e tij janë keqpërdorur me dokumentacion të falsifikuar gjatë marrjes së një kredie. Po ndërmerren masa për zbardhjen dhe dokumentimin e rastit.

Agjërimi konsiderohet një praktikë me përfitime të shumta për shëndetin fizik dhe shpirtëror, sidomos gjatë muajit të Ramazani. Megjithatë, mënyra se si ushqehemi gjatë iftarit dhe syfyrit luan rol vendimtar në ruajtjen e këtyre përfitimeve. Sipas mjekut Bekim Ismaili, zgjedhja e ushqimeve të duhura dhe konsumimi i tyre në mënyrë të kontrolluar janë thelbësore, veçanërisht për personat që vuajnë nga sëmundje kronike. Ai thekson se gabimet në ushqyerje gjatë agjërimit mund të zbehin efektet pozitive, madje edhe të shkaktojnë probleme shëndetësore.

Ismaili thotë se në iftari duhet të haet ngadal, në sasi të paktë dhe ushqime të lehta.

Ismaili gjithashtu bën apel që gjatë sifyrit të mos konsumohen ushqim në sasi të mëdha për ta përmbushur mungesën e ushqimit gjatë ditës, pasi që sipas tij, trupi ka rezerva ushqimore që duhet të harxhohen gjatë ditës.

Mjaku Bekim Ismaili tha se rastet e paraqitjes në qendrën emergjente pas iftarit janë të shpeshta dhe e gjitha kjo vjen nga kequshqyerja. Ai bën apel që gjatë kohës së lejuar që haet sa më pak dhe sa më shpesh, të konsumohet ujë dhe ushqime me vlera të larta ushqyese, të shmangen ushqimet e yndyrshme, me shumë sheqer ose ushqimet e përpunuara. Këto vlejn sidomos për agjëruesit që kanë edhe sëmundje kronike.

Reshjet e fundit kanë ndikuar në rritjen e nivelit të lumejve. Autoritetet alarmojnë për mundësi të daljes nga shtrati të pjesës së sipërme të Vardarit. Bora në viset malore gjithashtu ka shkaktuar telashe në trafik. Nga java e ardhshme, sipas meterologëve, pason ndryshimi drastik I motit me rritje graduale të temperaturave dhe atmosferë pranvere.

Drejtoria për Punë Hidrometereologjike ka njoftuar se gjatë natës së kaluar në gjithë vendin ka patur reshje të përkohshme të shiut.

Edhe gjatë ditës priten reshje shiu, që sipas autoriteteve, për shkak të ngopjes së tokës me lagështi mund të shkaktojnë rritje lokale të nivelit të lumejve dhe mundësi për përmbytje.

Kujdes të vecantë, sipas autoriteteve, duhet t`i kushtohet pjesës së sipërme të lumit Vardar, ku niveli është ende I lartë dhe ekziston mundësia për përmbytje lokale.

Një situatë të këtillë, para disa ditëve, përjetuan banorët e disa fshatrave të Gostivarit, në vecanti fshati Forinë, ku rritja e nivelit të Vardarit shkaktoi përmbytje dhe dëme materiale nëpër shumë shtëpi dhe objekte në këtë vendbanim.

Advertisement

Përvec shiut, probleme paraqiten edhe me reshjet e borës në viset malore.

Hiqet ndalesa për automjete të rënda transportuese në drejtimin rrugor Gostivar – Kërçovë përmes Strazhës, që ishte vendosur kohë më parë, njoftuan nga Ndërmarrja “Rrugët e Maqedonisë”.

Nga kjo Ndërmarrje thonë se në fuqi mbetet në fuqi ndalesa për qarkullimin e kamionëve dhe autobusëve në rrugën Tetovë – Kodra e Diellit.

Metereologët paralajmërojnë se gjatë javës së ardhshme, pritet ndryshimi drastik I motit, me rritje graduale të temperaturave dhe mot pranveror.

Advertisement