Aleanca për Shqiptarët shpreh indinjatën dhe shqetësimin e thellë për aktin e fundit të dhunës brutale në Tetovë, ku mbi 20 huliganë të grupit “Vojvoda” kanë sulmuar barbarisht dy nxënës shqiptarë të shkollës së mesme ekonomike.

Ky sulm, i cili ka lënë pas dy të mitur me lëndime të rënda – njëri me hundë të thyer dhe tjetri me brinjë e krah të thyer – është dëshmi e një klime të papranueshme urrejtjeje etnike dhe tolerance institucionale ndaj huliganizmit.

Kërkojmë urgjentisht nga Ministria e Brendshme dhe Prokuroria Publike që të identifikohen dhe të arrestohen menjëherë të gjithë autorët e këtij akti kriminal, të cilët jo vetëm që kanë rrezikuar jetën e dy të rinjve, por kanë goditur edhe ndjenjën e sigurisë së qytetarëve.

Aleanca për Shqiptarët paralajmëron se heshtja dhe mosveprimi i shtetit përballë rasteve të tilla vetëm sa i inkurajojnë grupet huligane që të përsërisin sulme të ngjashme.

Dhuna ndaj fëmijëve është vijë e kuqe dhe përgjegjësia bie mbi institucionet që duhet të garantojnë rend dhe siguri”, theksohet më tej.

ASh qëndron pranë viktimave dhe familjeve të tyre, duke i inkurajuar të kërkojnë drejtësi deri në fund. Ky rast, nuk duhet të mbyllet si një incident i zakonshëm, por të trajtohet si akt i dhunës së organizuar me bazë etnike.

Advertisement

Shërbimi Bregdetar i Greqisë ndërmori një aksion shpëtimi në zonën detare të Nea Kalikatria, Halkidiki, pas denoncimit për zhdukjen e një notuese 63-vjeçare, shtetase e Maqedonisë së Veriut.

Autoritetet bregdetare të Selanikut dhe Nea Mudanisë, në koordinim me Qendrën e Vetme për Hetim dhe Shpëtim, aktivizuan planin lokal emergjent. Në operacion morën pjesë një anije patrulluese e Shërbimit Bregdetar, tri anije private dhe dy automjete patrulluese në tokë.

Notuesja u gjet e shëndoshë dhe pa lëndime, në tokë në zonën e Nea Kalikatria, dhe sipas saj nuk kishte nevojë për ndihmë mjekësore.

Ky aksion tregon gatishmërinë dhe koordinimin e autoriteteve bregdetare për të garantuar sigurinë e pushuesve dhe notuesve në rajonin e Halkidikit.

Përfaqësuesja e Kosovës nesër në  stadiumin’’Sent Jakob Park’’ të Baselit me fillim në ora  20 e 45 do të  përballet me Zvicrën në kuadër e vlefshme  për  kualifikimet  në Botërorin 2026. 

 Përfaqësuesja e Kosovës  e cila është në Grupin ‘B’ së bashku me Suedinë, Zvicrën dhe  Slloveninë, nga dita e nesërme nisin rrugëtimin e saj për kualifikim në Kampionatin Botërorë 2026.  Përfaqësuesja e Kosovës tanimë është e akomoduar në  Zvicër, ndërsa ditën e djeshme e ka shfrytëzuar për një seancë të rregullt  stërvitore . Në bazë të informatave nga Federata e futbollit të Kosovës  atmosfera në kampin e Dardanëve është shumë pozitive, ndërsa të gjithë futbollistët po punojnë me përkushtim maksimal, njofton shtëpia e futbollit kosovar. Në seancën e e djeshme stërvitore, përzgjedhësi Franco Foda ka punuar në detaje taktike, duke u fokusuar në organizimin ofenziv dhe mbrojtës, në ndërprerje dhe në reagimin e ekipit gjatë tranzicioneve të lojës.  Në mungesë të Zhegrovës, Rashicës e Hadërgjonajt, trajneri gjerman është duke i provuar skemat dhe mbulimet e tyre.

Sipas mediumit të madh zviceran “Blick” thuhet  se  interesimi për të ndjekur  ndeshjen Zvicër –Kosovë është i jashtëzakonshëm  dhe tashmë janë shitur krejt biletat për ndeshjen e nesërme mes Helvetikëve dhe Dardanëve, e cila do të luhet në Basel, ku  pritet të ketë edhe numër të madh të tifozëve shqiptar.

Ndeshja  Yvicër – Kosovë, luhet nesër me fillim në ora 20 e 45 në stadiumin “Sent Jakob-Park” në Bazel, ndërsa drejtësi do të ndaj arbitri polak Szymon Marciniak . Ndërkaq  po  në të njëjtën kohë zhvillohet edhe ndeshja  tjetër e këtij grupi  Slloveni – Suedi .

Advertisement