Lajme nga vendi
Qeveria do të paguajë borxhet e institucioneve publike ndaj EVN-së, asnjë nuk do të mbetet pa rrymë
Mëngjesin e sotëm EVN ndërpreu rrymën në “Hekurudha-transport” për shkak të borxhit prej 6.5 milionë eurosh, por pas disa orësh llambat në këtë kompani shtetërore u ndezën sërish. Ndonëse në listën e borxhlinjve më të mëdhenj është edhe Qendra Klinike në Shkup, kryeministri Dimitar Kovaçevski bëri të ditur se as institucioni më i madh shëndetësor nuk do të mbetet në errësirë transmeton Portalb.mk.
“Nuk do të ndalet rryma në Qendrën Klinike”, tha Kovaçevski në konferencën e sotme për media në Qeveri, i cili tha se në ndërkohë është ndezur sërish rryma në Hekurudha – Transport. Ai paralajmëroi zgjidhjen e problemit me institucionet shtetërore që kanë vite që grumbullojnë borxhe për energjinë e konsumuar.
Afati ka kaluar
EVN-ja u ka dhënë afat deri më 15 dhjetor mospaguesve të mëdhenj për t’i shlyer borxhet, në të kundërtën ka njoftuar se do t’u ndërpritet rryma. Kështu, mëngjesin e sotëm herët janë fikur pikat matëse të MZ Transport. Të gjitha pjesët që furnizohen nga Elektrodistribuća kanë mbetur pa furnizim.
Kovaçevski thotë se disa nga institucionet, veçanërisht në shëndetësi, realisht kanë pasur problem me pagesën e rrymës, e cila është rritur disa herë.
“Qeveria ka dhënë fonde dhe sapo Kuvendi të rishpërndajë fondet në Buxhet do të paguhen faturat e debitorëve”, thotë kryeministri. Ai shpreson në përshtatshmërinë e deputetëve në miratimin e burimeve financiare.
Borxhi do të paguhet – nuk nevojiten garanci të tjera
Kurse zëvendëskryeministri për Çështje Ekonomike, Fatmir Bytyqi, beson se borxhi ndaj EVN-së për faturat e papaguara të energjisë elektrike të institucioneve shtetërore do të shlyhet sapo të kalojë transferimi i mjeteve në Kuvend.
“Tashmë në këtë moment ka rrymë në ‘Hekurudha – Transport’. Kryeministri, zëvendëskryeministri dhe ministri i Financave thanë se borxhet ndaj EVN-së do të paguhen dhe kjo mjafton që çdo operator ekonomik të kuptojë se është Qeveria dhe shteti dhe se nuk duhen garanci të tjera”, ka thënë Bytyqi, duke iu përgjigjur pyetjes së gazetarëve se pse deri më tani Qeveria nuk i ka dërguar garanci EVN-së se do ta shlyejë borxhin.
Sipas tij, nuk është e vërtetë që institucionet shtetërore me vite nuk kanë paguar energjinë elektrike, por, siç ka theksuar ai, kanë pasur vetëm vështirësi në pagesë për shkak të ndryshimit dhe krizës energjetike.
Kujtojmë se EVN mëngjesin e sotëm ndërpreu rrymën në “Hekurudha – Transport” për shkak të borxhit të papaguar prej 6.5 milionë eurosh. Siç njoftoi më herët EVN, do të shkyçen të gjitha institucionet shtetërore që nuk kanë paguar energjinë elektrike me vite dhe në rend për ndërprerjen e rrymës ishte Qendra Klinike.
“Sot herët në mëngjes pikat matëse të ‘Hekurudha – transport’ janë ndërprerë. Të gjitha pjesët që furnizohen nga Elektrodistribucia kanë mbetur pa furnizim”, ka konfirmuar EVN.
Nga “Hekurudha – Transport” për konfirmuan se nuk ka rrymë në depon në Lisiçe të Shkupit dhe në objektet në Veles.
Nga atje bënëtë ditur se ndërprerja e rrymës do të sjellë edhe ndërprerje të qarkullimit, gjë që do të ndodhë pasi të harxhohet nafta në trena. Pa objektet ku është ndërprerë rryma, sqarojnë ata, ndërmarrja nuk mund të funksionojë, sepse këtu trenat furnizohen me naftë, kurse pompa punon me energji elektrike.
Borxhi i kësaj klinike për periudhë 3 vjeçare është më i lartë se 7 milionë euro.
Qeveria njoftoi se do të paguajë të gjithë borxhin e sektorit publik ndaj EVN-së, i cili arrin në 40 milionë euro.
Në tetor të këtij viti, Hekurudhat e Maqedonisë-Transport është renditur ndër institucionet shtetërore që kanë konsumuar më shumë energji elektrike në krahasim me muajin e njëjtë të vitit të kaluar. Hekurudha ka konsumuar 760 për qind më shumë energji elektrike në krahasim me tetorin 2021.
Lajme nga vendi
E gënjeu se do të bëhej baba, ai i dërgoi 18 mijë euro Gruaja nga Gostivari e bindte partnerin nga Kosova se ishte shtatzënë
Një 33-vjeçare nga fshati Debresh i Gostivarit përballet me kallëzim penal, nën dyshimin se përmes një gënjeshtre për shtatzëni i ka marrë 18 mijë euro partnerit të saj nga Kosova.
SPB Tetovë ka paraqitur kallëzim penal kundër E.R., nën dyshimin se ka kryer veprën penale “mashtrim”.
Sipas informacioneve të policisë, gruaja e kishte bindur partnerin e saj se ishte shtatzënë dhe se fëmija ishte i tij. Duke i besuar, burri i kishte dërguar asaj para në disa raste përmes transferimit të shpejtë të parave. Në total, ai i kishte transferuar 18 mijë euro.
Pasi kishte marrë paratë, sipas policisë, gruaja kishte pranuar se e kishte gënjyer partnerin duke i thënë se ishte shtatzënë dhe se fëmija ishte i tij, me qëllim që ai të vazhdonte t’i dërgonte para.
Pas zbardhjes së rastit, policia ka paraqitur kallëzim penal, ndërsa për vazhdimin e procedurës do të vendosin institucionet kompetente.
Çmimi me pakicë i benzinës EUROSUPER BS-95 dhe EUROSUPER BS-98 rritet për 1,50 denarë për litër. Çmimi me pakicë i EURODIZELIT (D-E V) rritet për 3,50 denarë për litër. Çmimet e naftës tekalojnë tashmë shifrën prej 100 denarëve.
Komisioni Rregullator për Energjetikë (KRRE) ka marrë vendim për rritjen e çmimeve me pakicë të derivateve të naftës, mesatarisht me 2,62%, krahasuar me vendimin e datës 17.08.2026.
Çmimet referente të derivateve të naftës në tregun botëror, krahasuar me përllogaritjen e mëparshme, kanë shënuar rritje mesatare:
Nga 25 gusht 2026, në ora 00:01, çmimet maksimale të derivateve të naftës do të jenë:
EUROSUPER BS-95: 93,00 denarë/litër
EUROSUPER BS-98: 95,00 denarë/litër
EURODIZEL BS (D-E V): 101,50 denarë/litër
Vaj ekstra i lehtë 1 (EL-1): 100,50 denarë/litër
Mazut M-1 NS: 45,576 denarë/kilogram
Çmimi me pakicë i vajit ekstra të lehtë për amvisëri (EL-1) rritet për 2,00 denarë për litër.
Ndërsa çmimi i mazutit M-1 NS rritet për 1,850 denarë për kilogram, dhe tani do të kushtojë 45,576 denarë për kilogram.
Dje, në ora 09:50, në SPB Tetovë nga Qendra Urgjente e Tetovës është raportuar se te ta është pranuar një i mitur me lëndime dhe në gjendje të rëndë shëndetësore, i cili për shkak të seriozitetit të lëndimeve është transferuar në Kompleksin e Klinikave “Nënë Tereza” në Shkup. Pas ndërmarrjes së masave dhe kontrolleve të kryera, është konstatuar se rreth orës 08:30, në rrugën “Kiro Ristevski Drnc” në Tetovë, një 42-vjeçar nga Tetova, duke lëvizur mbrapa me automjetin e udhëtarëve “Volksvagen Touareg”, pa targa regjistrimi, me rrotën e pasme ka përplasur dhe ka kaluar mbi djalin e tij gjashtëvjeçar. Në vendngjarje ka kryer ekspertizë një ekip i SPB Tetovë, ndërsa po ndërmerren masa për zbardhjen e rastit.
Dje, në ora 14:35, zyrtarë policorë nga SPB Tetovë kanë privuar nga liria një 45-vjeçar, duke vepruar pas një denoncimi të mëparshëm nga një 37-vjeçar nga Tetova, se ai fizikisht kishte sulmuar djalin e tij të mitur. Pas dokumentimit të plotë të rastit, do të pasojë kallëzim përkatës.
Dje, në ora 14:00, zyrtarë policorë nga SPB Tetovë kanë privuar nga liria një 39-vjeçar nga fshati Tearcë, Tetovë. Ai dyshohet se më 21.08.2026 ka marrë një automjet “Renault Clio”, me targa të Tetovës, në pronësi të një 37-vjeçari nga fshati Xhepçisht, nga para shtëpisë së tij në Xhepçisht. Automjeti është gjetur dhe i është kthyer pronarit. Pas dokumentimit të plotë të rastit, do të pasojë kallëzim përkatës.
Dje, në ora 23:15, në Policinë në Gostivar, një 35-vjeçar nga Gostivari ka raportuar se djali i saj i mitur, për shkak të një mosmarrëveshjeje të mëparshme, është sulmuar fizikisht nga një person mashkull. Po ndërmerren masa për zbardhjen e rastit.
Dje, në ora 13:40, në Policinë në Gostivar, një 57-vjeçarnga fshati Trebishte, Gostivar, ka raportuar se në fshat është sulmuar fizikisht nga një 53-vjeçar nga fshati Trebishte, për shkak të një mosmarrëveshjeje të mëparshme. Po ndërmerren masa për zbardhjen e rastit.
Dje, në ora 18:45, zyrtarë policorë nga SPB Tetovë kanë privuar nga liria një 25-vjeçar nga fshati Bogovinë. Gjatë një kontrolli të komunikacionit rrugor në rrugën lokale Pirok–Tetovë, policia ka ndaluar një motoçikletë “Yamaha” pa targa regjistrimi, të cilën e drejtonte personi pa dokumentacionin përkatës dhe pa pasur të dhënë më parë provimin për patentë shoferi. Motoçikleta është sekuestruar dhe, pas dokumentimit të plotë të rastit, ndaj tij do të pasojë kallëzim përkatës.
Dje, në ora 18:30, zyrtarë policorë nga SPB Tetovë kanë privuar nga liria një të mitur 16-vjeçar nga Tetova. Gjatë kontrollit të komunikacionit, në bulevardin “Ilindenska” në Tetovë, policia ka ndaluar një moped me targa të Tetovës, të cilin i mituri e drejtonte pa pasur të dhënë më parë provimin për patentë shoferi, përkatësisht pa leje drejtimi. Mjeti është sekuestruar dhe, pas dokumentimit të plotë të rastit, ndaj të miturit do të pasojë kallëzim përkatës.
Dje, në ora 18:35, zyrtarë policorë nga Departamenti për Punë të Brendshme Gostivar kanë privuar nga liria një të mitur 15-vjeçar nga Gostivari. Gjatë kontrollit të komunikacionit, policia ka ndaluar një moped “Pezho” me targa të Shtipit, të cilin i mituri e drejtonte pa pasur të dhënë më parë provimin për patentë shoferi, përkatësisht pa leje drejtimi. Mjeti është sekuestruar dhe, pas dokumentimit të plotë të rastit, ndaj tij do të pasojë kallëzim përkatës.
E gënjeu se do të bëhej baba, ai i dërgoi 18 mijë euro Gruaja nga Gostivari e bindte partnerin nga Kosova se ishte shtatzënë
RRITEN ÇMIMET E DERIVATEVE TË NAFTËS – “DIZELI” TEJKALON 100 DENARËSHIN!
Kronika e zezë – Tetovë dhe Gostivar, 23 Gusht
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
