Lajme nga vendi
Shasivari: Për ndryshimin e preambulës kushtetuese nuk mjaftojnë vetëm dy të tretat e votave
Ndryshimet Kushtetuese nuk kalojnë pa miratimin edhe të partive politike shqiptare. Profesori i së drejtës kushtetuese Jeton Shasivari në një prononcim për Indeks.mk thotë se për ndryshimin e preambulës kushtetuese nuk mjafton vetëm shumica e dy të tretave të votave të deputetëve, sepse sipas nenit 131 paragrafi 4 të Kushtetutës, krahas kësaj shumice nevojitet edhe shumica nga numri i përgjithshëm i deputetëve që u takojnë komuniteteve që nuk janë shumicë në Republikën e Maqedonisë së Veriut.
“Ky ndryshim automatikisht do të tërheqë pas vetes edhe ndryshimin tjetër, atë të përbërjes së Komitetit për Marrëdhënie Midis Komuniteteve edhe me një anëtar bullgar, për çka gjithashtu, nevojitet shumica e dy të tretave të deputetëve.
Në këtë drejtim, gjasat janë reale që në të ardhmen e afërt, të zgjerohet kërkesa e Bullgarisë edhe me ndryshimin e simboleve shtetërore që të reflektojnë karakterin multietnik të RMV-së, gjë që varet kryesisht nga gjetjet shkencore të Komisionit të përbashkët për çështje historike dhe arsimore të të dy shteteve.
Në një të ardhme tjetër, kjo kërkesë mund të zgjerohet edhe me gjuhën bullgare dhe shkrimin e saj si gjuhë zyrtare në RMV nëpërmjet nenit 7 të Kushtetutës sipas formulimit gjuhë tjetër që e flasin së paku 20% e qytetarëve është gjithashtu gjuhë zyrtare dhe shkrimi i saj, andaj, mbetet të shihet nëse klasa politike maqedonase gjatë hapjes së procesit të ndryshimeve kushtetuese, do të pajtohet që ky formulim kushtetues i 20%-it të ndryshohet me formulimin e ri: gjuha shqipe dhe shkrimi i saj”, deklaroi Shasivari për Indeks.mk
Lajme nga vendi
Zëvendëskryeministri i Parë, Bekim Sali takoi Ambasadorin e Republikës së Kosovës, Florian Qehaja
Sot, në Qeverinë e Republikës së Maqedonisë së Veriut, Zëvendëskryeministri i Parë dhe Ministër për Çështje Evropiane, z. Bekim Sali, priti në takim Shkëlqesinë e Tij, Ambasadorin e Republikës së Kosovës, z. Florian Qehaja.
Gjatë takimit u diskutua për bashkëpunimin dypalësh ndërmjet dy vendeve, projektet e përbashkëta që i lidhin institucionet tona, si dhe për proceset e integrimit evropian dhe avancimin e agjendës evropiane në rajon.
Të dyja palët theksuan rëndësinë e thellimit të mëtejmë të bashkëpunimit rajonal dhe shkëmbimit të përvojave në funksion të stabilitetit, zhvillimit dhe integrimit evropian.
Prokuroria e Kavadarit hap hetime për dy raste të përdhunimit të fëmijëve: Kërkohet paraburgim për të dyshuarit
Prokuroria Themelore Publike në Kavadar ka nxjerrë urdhër për zhvillimin e procedurës hetimore për dy raste të ndara, në të cilat ekzistojnë dyshime për veprën penale – Përdhunim i fëmijës që nuk ka mbushur 15 vjeç, sipas nenit 188 të Kodit Penal.
Rasti i parë: Negotinë
Në rastin e parë, të dyshuar janë dy persona madhorë nga Negotina, të cilët fillimisht kanë kryer veprën penale – Kënaqja e pasioneve seksuale para tjetrit (neni 190 i Kodit Penal). Ata kanë kryer marrëdhënie seksuale para një fëmije të mitur, i cili i ka filmuar me telefon celular.
Gjatë korrikut të vitit të kaluar, kur fëmija ishte 14 vjeç, njëri nga dy të dyshuarit e ka shtyrë disa herë të miturin të kryejë marrëdhënie seksuale me të, për çka i ka dhënë shuma të caktuara parash. Prokurori publik ka propozuar masën e paraburgimit për të dyshuarin për dhunim të fëmijës, vepër për të cilën parashihet dënim me burg prej së paku 8 vjetësh.
Rasti i dytë: Kavadar
Prokuroria e Kavadarit po zhvillon procedurë dhe ka propozuar masën e paraburgimit edhe ndaj një babai nga Kavadari, i dyshuar për veprime të tjera seksuale ndaj vajzës së tij 13-vjeçare.
Ai, në gjendje të dehur, e ka prekur vajzën në disa raste, me çka ekziston dyshimi se ka kryer vepër penale nga paragrafi 5 i nenit 188, për të cilën parashihet dënim me burg prej së paku tri vjetësh.
Një 70-vjeçar nga një fshat i Tetovës ka raportuar më 12.01.2026 në SPB Tetovë se ai dhe vëllai i tij janë mashtruar për një shumë prej 15.000 eurosh nga një person me inicialet L. nga Tetova.
Siç raporton Tetovasot, gjatë vitit 2024 i dyshuari u kishte ofruar ndihmë për realizimin e pensionit nga një shtet i huaj, duke u kërkuar para si “depozitë” dhe duke i detyruar të nënshkruanin dokumente blanko. Pasi procedura nuk u realizua, ata kuptuan se ishin mashtruar. Policia po ndërmerr masa për zbardhjen e rastit.
Zëvendëskryeministri i Parë, Bekim Sali takoi Ambasadorin e Republikës së Kosovës, Florian Qehaja
Babai dyshohet për dhunë seksuale ndaj vajzës së tij 13-vjeçe
Mashtrim prej 15 mijë eurosh: 70-vjeçari nga Tetova denoncon rast në polici
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
