Lajme nga vendi
Mosndëshkimi i krimit dhe korrupsionit, Selmani: Po vazhdoi, do të mbesim pa qytetarë
Vendet e Ballkanit Perëndimor, akoma janë të zhytura thellë në korrupsion, këtë e tregojnë edhe raportet evropiane. Ky ishte vlerësimi i profesorëve panelistë në “ARGUMENT” në TVM2. Fakti që sa herë ndryshohen qeveritë, ndryshohen edhe ligjet, që sipas tyre nënkupton se ligjet sillen për qeveritarët dhe jo për qytetarët. E fakt për këtë sjellin faljen e të korruptuarve nga radhët e politikës teksa burgjet janë plot me njerëz të pafajshëm.
“Në asnjë vend të botës nuk ka ndodhur që korrupsioni ta gëlltisë Prokurorinë Speciale, fatkeqësisht një strategji e përbashkët serioze se si të luftohet krimi dhe kriminaliteti, sepse nëse do të vazhdojë ky trend që të minimizohet çështja e korrupsionit, krimit dhe kriminalitetit ne do të mbesim pa qytetarë. Maqedonia është e paaftë për ta luftuar korrupsionin dhe kjo i ka kapilarët e zëna dhe ka nevojë për një ndërhyrje kirurgjikale, prandaj propozoj që të formohet një institucion i veçantë ndërkombëtar ku nga jashtë do të luftohet krimi dhe korrupsioni. Kështu ka bërë BE me Bullgarinë, Rumaninë, Hungarinë.”, – u shpreh profesori universitar, Bashkim Selmani.
Beqiri: I burgosin para kamerave, i falin në heshtje
“I nisim aksionet policore në mënyrë pompoze ku burgoset edhe ministri i MPB me kamera, bëhet film, kur pritet rezultati s’ka epilog. Kapet ish-drejtori i Sigurimit shtetëror tani i falet gjykimi. 22 vite merren me krimet, me burgjet, me organet ekzekutive, dhe a e dini sa njerëz të pafajshëm janë në burgje dhe sa njerëz fajtorë që kanë kryer krime janë në liri, pse nuk burgosen këto, pse nuk gjykohen këto, por edhe kur të nisen të gjykohen në fund s’ka epilog.”, – deklaroi profesori universitar, Mitasin Beqiri.
Rameti: S’duhet të bëjmë gabime në rrugën drejt BE-së
“Duhet sa më shumë të mendojmë dhe qeveritë duhet të mendojnë dhe të japin mundësi që të jemi në përputhje me kërkesat që i jep Evropa dhe ato të jenë të realizueshme dhe mos të bëjmë gabime në këtë drejtim.”, – theksoi profesori universitar, Besnik Rameti.
Sipas tyre, nuk mund të flasin për gjyqësor të pavarur, përderisa buxheti i këtij gjyqësori është i varur nga buxheti i shtetit. Pranuan, megjithatë se korrupsioni është i pranishëm edhe në Bashkimin Evropian por ky nuk është arsyetim që ai duhet të lulëzojë në RMV.
Një fëmijë i mitur për katër ditë me rradhë është strehuar dhe ka fjetur në hapësirë të jashtme në ish shtëpinë e re të Mallrave në Tetovë.
Ai për katër ditë rradhazi derisa sot është hetuar nga Policia e Tetovës ka qëndruar duke përballuar temperaturat e ulta në këto ditë të ftohta dimri.
Ndërkaq, sot në orët e paraditës inspektorë të policisë së Tetovës kanë informuar edhe institucionet tjera siç është Qendra ndërkomunale për Punë Sociale të cilët erdhën në vendin e ngjarjes për të procesuar më tutje rastin deri në zgjidhjen përfundimtare ligjore.
Fëmija sipas informacioneve ishte nga Kumanova por gjatë tërë kohës vështirë ka komunikuar me policët dhe puntorët social.
Sipas procedurës ligjore, Qendra për Punë Sociale e Tetovës duhet të lajmërojë qendrën adekuate për punë sociale në këtë rast qendrën e Kumanovës, që të merren me përkujdesjen e të miturit të bisedohet me prindërit e tij që të kthehet eventualisht në familje dhe në rastin më të keq, të strehohet në ndonjë shtëpi strehimi për të mitur.
Raste e këtilla kohëve të fundit janë në rritje e sipër jo vetëm në Tetovë por edhe në qytete tjera të Maqedonisë perendimore ku të miturit vijnë si lypës. Në të shumtën e rasteve këto të mitur kanë edhe persona të rritur që ua marrin paratë veçanërisht gjatë muajve të verës kur në qytetet tona vijnë për pushime bashkëatdherët tanë që punojnë në shtetet e ndryshme evropiane.
Ndërkohë, lidhur me këtë fenomen, Qendrat për Punë sociale duhet të risin kapacitetet e tyre profesionale në vazhdimësi dhe të jenë prezent në çdo rrugë të Tetovës që të merren me të miturit lypës dhe të kujdesen që ata të rriten në familjet e tyre e jo në rrugë sepse rruga prodhon narkomanë , kryerës të veprave penale dhe sjellje tjera devijante. Prandaj edhe qytetarët duhet të jenë më vigjilent dhe kur të hetojnë raste të këtilla ti paraqesin në policinë e Tetovës që të merren masa në kohë dhe mos të shofim fëmijë në kulmin e dimrit të flejnë në rrugët dhe këndet e Tetovës. /TV KOHA/
Sektori i Punëve të Brendshme i Ohrit, sot, në kuadër të projektit “Safe City”, do të zhvillojë aktivitete për testimin, kalibrimin dhe verifikimin e pajisjeve (kamerave) të instaluara për mbikëqyrjen e trafikut në zonën e Ohrit, më saktësisht në segmentin e autostradës Ohër-Kërçovë, midis fshatrave Gorenci dhe Trebenishtë dhe midis Botunit dhe Novo Sellës, komuna Debrcë.
Aktivitetet e planifikuara do të zbatohen duke filluar nga ora 12:00, me procedurën që do të kryhet një herë në çdo vend me kamerë të instaluar dhe do të zgjasë nga 15 deri në 30 minuta.
U bëjmë thirrje të gjithë pjesëmarrësve në trafik në këtë segment rrugor që të tregojnë mirëkuptim për domosdoshmërinë e masave të planifikuara, të respektojnë kufizimet e përkohshme dhe udhëzimet e oficerëve të policisë me qëllim zbatimin e sigurt të aktiviteteve të planifikuara.
Ski Qendra “Kodra e Diellit” njofton se për shkak të erës së fuqishme, sot është ndërprerë skijimi në këtë qendër.
“Të nderuar vizitorë, si pasojë e kushteve të pafavorshme atmosferike, konkretisht erërave të forta, sot nuk do të ketë skijim. Ju falënderojmë për mirëkuptimin”, thonë nga Ski Qendra.
KATËR DITË NË RRUGË, GJENDET NJË FËMIJË PASTREH NË TETOVË (VIDEO)
“Safe City” do të testohet në autostradën Ohër-Kërçovë
Era e fuqishme ndërpret skijimin në “Kodrën e Diellit”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
