Lajme nga vendi
Detaje nga aksioni në Tabanoc, 30 ditë paraburgim për komandantin
Gjykata i ka caktuar masën e paraburgimit 30 ditorë komandantit të pikës kufitare në “Tabanoc” mbi dyshimet për tri vepra penale: “bashkëpunim kriminal”, “mit marrje” dhe “shpërdorim me detyrën zyrtare”. Bashkë me të, masa e njëjtë e paraburgimit i është caktuar edhe dy policëve të tjerë. Masa kujdesi janë shqiptuar edhe ndaj policëve për të cilët momentalisht është konstatuar mungesë e provave, por obligohen me paraqitje deri në përfundim të procedurës hetimore.
“Masa e paraburgimit 30 ditorë është caktuar për të dyshuarit: I.N, F.V dhe D.K. Ndaj personit H.K është caktuar arrest shtëpiak, ndërsa A.S dhe M.J për shkak të procedurës së shkurtuar, do të qëndrojnë në paraburgim 8 ditorë. Ndërkohë ndaj J.N, N.P dhe A.A janë caktuar masa kujdesi”, njoftojnë nga Gjykata Penale.
Prokuroria pretendon se grupi ka qenë i mirë organizuar dhe është formuar nga i dyshuari i parë, përkatësisht nga komandanti i pikës kufitare. Sipas organit të akuzës, komandanti i pikës kufitare ka obliguar policët t’i dërgojnë në muaj nga 150 euro.
“I dyshuari i parë, në fillim si shef ndërrimi dhe më pas komandant i pikës kufitare ka sistemuar ose ndikuar në sistemimin e tre nëpunësve të tjerë nëpër kabina ku edhe ka frekuentim më të madh të pasagjerëve në hyrje dhe dalje të shtetit. Tre nëpunësit si policë kanë pasur për detyrim të kërkojnë dhe pranojnë dhuratë nga 5, 10, 20 ose 30 euro për vete dhe për të dyshuarin e parë për të bërë veprime zyrtare të cilat nuk kanë të drejtë t’i bëjnë (referuar ligjit) edhe atë: të lejojnë vetura pa kartonin e gjelbër, pa autorizim për veturën, pa dokumente udhëtimi, patentë shoferi pse dokumente të tjera të nevojshme. Nga viti 2020 deri më 25 dhjetor 2022 disa herë kanë marr mito, ndërsa ka shuma e siguruar në çdo muaj nga 150 euro i kanë dhënë të dyshuarit të parë (komandantit)”, thonë nga Prokuroria Publike.
Gjatë bastisjes policia ka sekuestruar shuma të mëdha parash të cilat janë gjetur në shtëpitë e të dyshuarve dhe në vendin e tyre të punës, gjë e cila dëshmohet edhe përmes pamjeve nga aksioni policor.
“Janë sekuestruar 16.413 euro, 219.195 denarë, 60 franga zvicerane dhe 375 dinarë të Serbisë. Shuma më e madhe e parave është gjetur tek i dyshuari H.K gjithsej 15.885 euro dhe 30 franga zvicerane”, thuhet në njoftimin e MPB-së.
Grupi ka qenë nën masa të veçanta hetuese nga viti 2020. Policia njoftoi për 12 kallëzime penale, ndërsa Prokuroria ka proceduar masa hetuese ndaj 9 nëpunësve policorë. Nuk dihet nëse mbi bazën e kallëzimeve penale, Kontrolli i Brendshëm në MPB do të ndërmerr ose jo masa disiplinore ndaj nëpunësve policorë.
Lajme nga vendi
U miratua Plani vjetor për Tranzicion të drejtë 2026: fokusi i punëtorëve, hapje e mundësive të reja për punësim
Qeveria e miratoi Planin vjetor për implementim të Tranzicionit të drejtë për vitin 2026, me çka vazhdohet me zbatim sistematik të procesit të drejtë energjetik dhe transformim ekonomik në vend, kumtoi Ministria e Energjetikës, Minierave dhe Burimeve Minerale.
Në kumtesë ceket se me miratimin e Planit, Qeveria dhe Ministria “e konfirmojnë përkushtimin e vet drejt sigurimit të tranzicionit të drejtë i cili do t’i marrë parasysh pasojat socioekonomike ndaj bashkësive dhe punëtorëve në rajonet e prekura nga tranzicioni, me fokus të veçantë në hapjen e mundësive të reja për punësim, rikualifikim të fuqisë punëtore dhe nxitje të zhvillimit të qëndrueshëm lokal ekonomik”.
Me mekanizmat e paraparë sigurohet qasje e koordinuar mes institucioneve kompetente dhe ndërmarrjeve publike.
“Plani vjetor për vitin 2026 është përpunuar në pajtim me dokumentet strategjike nacionale dhe Agjendën reformuese, si dhe me obligimet e ndërmarra në kuadër të procesit të tranzicionit të përshpejtuar nga karboni ndaj burimeve të qëndrueshme të energjisë. Plani paraqet dokument operativ i cili i definon aktivitetet konkrete, kornizën kohore, institucionet kompetente dhe resurset e nevojshme për realizimin e tij. Ministria e Energjetikës, Minierave dhe Burimeve Minerale është e obliguar ta publikojë Planin vjetor në ueb-faqen e saj dhe ta koordinojë implementimin e tij, përderisa minsitritë e resorit dhe institucionet relevante do t’u japin prioritet aktiviteteve në kuadër të programeve të veta vjetore, me njoftim të rregullt për përparimin gjatë implementimit”, kumtoi Ministria.
Në kumtesë ceket se Plani vjetor për implementim të tranzicionit të drejtë për vitin 2026 “paraqet hap të rëndësishëm në drejtim të zbatimit më efikas dhe të koordinuar të reformave të planifikuara, përforcimit të kornizës institucionale dhe avancimit të bashkëpunimit me partnerët ndërkombëtarë dhe institucionet financiare”.
Qeveria aktuale e Kryeministrit Mickoski, në vend të integrimit, po e çon vendin drejt izolimit, akuzojnë sot nga LSDM.
“Një bashkëpunëtor i ngushtë i Mickoskit dhe zv. kryeministrit në qeverinë e tij është Ivan Stoilkoviq, qëndrimet e hapura pro-ruse dhe lidhjet e drejtpërdrejta të të cilit me Moskën përbëjnë një kërcënim serioz për orientimin euroatlantik të vendit.
Vetëm pak ditë më parë, zëvendëskryeministri Ivan Stoilkovic mori pjesë në festimin e Ditës së Republikës Serbe së bashku me grupin “Ujqërit e Natës”, të njohur për mbështetjen e Putinit dhe përhapjen e narrativave anti-perëndimore.
Edhe më keq se kjo është se vetë kryeministri Mickoski, pavarësisht deklaratave publike për bashkëpunim strategjik me SHBA-në dhe integrimin në BE, me veprimet e tij dhe lidhjet e ngushta me Vuçiqin dhe SNS-në, po bën gjithçka të kundërtën, duke e çuar Maqedoninë drejt izolimit.
Reformat e BE-së shmangen qëllimisht, konfliktet me fqinjët krijohen qëllimisht, arsyet shpiken për të bllokuar negociatat. E gjitha është një skenar i sajuar, pjesë e një fushate anti-BE që qeveria të vazhdojë të plaçkitë vendin.
Sipas hulumtimit të fundit nga viti 2025, deri në 70% e qytetarëve të Maqedonisë së Veriut mbështesin anëtarësimin në BE, dhe 77% e shohin anëtarësimin në NATO si pozitiv”, thonë nga LSDM.
Agjencia e statistikave tha gjatë muajit dhjetor më së shumti u shtrenjtuan, energjia elektrike me 8.7% në krahasim me muajin nëntor, produktet ushqimore u shtrenjtuan me një mesatare prej 8.5%, mishi u shtrenjtua për 1.1%. Shtrenjtim në dhjetor krahasuar me nëntorin patën edhe produktet e qumështit dhe vezët të cilat brenda një muaji u shtrenjtuan për 0.7%. Sipas shënimeve statistikore: një kilogram mish mesatarisht shitet me 12 euro, ndërsa 30 kokrra vezë mbi 5.5 euro.
Agjencia e statistikave tha gjatë muajit nëntor, energjia elektrike u shtrenjtua për 15.5%, produktet ushqimore me një mesatare prej 8.5%, mishi për 13.7%, pemët për 16.1%. Produktet e qumështit dhe vezët për 10.5%.
Por, në krahasim vjetor, të gjitha produktet konsumuese patën shtrenjtim dyshifrore në përqindje, gjë që nxiti një inflacion prej 5.3. Në vitin 2025, pemët u shtrenjtuan për 19 %, energjia elektrike u shtrenjtua për 18.3%. mishi u shtrenjtua për 14.4% duke shënuar gjithsej një rritje të inflacionit prej rreth 4% më shumë se sa në vitin 2024.
Ekspertë të ekonomisë, në vazhdimësi kanë folur për nevojat që ka Kosova në ndryshimin e politikave ekonomike, meqë, sipas tyre kur inflacioni mbërrin shkallën prej mbi 5%, është tejet e vështirë që i njëjti të frenohet. Kosova përveç shkallës së lartë të inflacionit, vitin 2025 e ka mbyllur edhe me një bilanc tejet negativ në tregtar, meqë, në vitin 2025 Kosova ka thyer rekord në produkte të importuara, produkte të cilat vlerësohet se janë shkaktari kryesor i inflacionit të lartë në vendin tonë./21Media
SHBA-ja u bën thirrje qytetarëve amerikanë: Largohuni menjëherë nga Irani
Parlamenti izraelit miraton në lexim të parë projektligjin për dënimin me vdekje për palestinezët
U miratua Plani vjetor për Tranzicion të drejtë 2026: fokusi i punëtorëve, hapje e mundësive të reja për punësim
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
