Lajme nga vendi
Komuna e Gostivarit sivjet realizoi 96,5% të buxhetit, votohet buxheti edhe për vitin 2023
Këshilli i Komunës së Gostivarit me 31 vota “për” dhe asnjë kundër gjatë ditës së sotme votuan buxhetin e Komunës së Gostivarit për vitin 2023.
Siç bëhet e ditur në kumtesën e kësaj komune, gjatë vitit 2022 realizimi i Buxhetit të Komunës së Gostivarit është 96.5%, ndërsa për vitin 2023 buxheti i Komunës së Gostivarit është 1.257.300.000 denarë.
“Buxheti është përpiluar në bashkëpunim me qytetarët, organizatat joqeveritare, bashkëpunëtorët dhe ndërmarrjet publike pranë Komunës së Gostivarit, ndërsa planifikohen investime në shkolla 8.000.000, në mbrojtjen e ambientit 6.000.000, mbrojtje sociale 800.000 dhe 600.000 të tjera për barazinë gjinore, kultura 1.000.000, subvencione dhe transferta 3.500.000 si dhe për investime kapitale në infrastrukturë 120.000.000 dhe shumë e shumë projekte tjera në të mirë të qytetarëve”, bëhet e ditur në kumtesën e Komunës së Gostivarit.
Kryetari i Komunës së Gostivarit, Arben Taravari gjatë elaborimit të buxhetit u shpreh se ka vijuar racionalizimi i shpenzimeve të kryetarit ndër vite, ku nga viti 2017 që ishin 15.150.000, këtë vit planifikohen 8.230.000 ose në përqindje 45.6%, nga të cilat 10% shkojnë për beneficione sociale per kategori të rrezikuara sociale.
Në ndeshjen e parë kontrolluese që zhvillohet në kuadër të përgatitjeve për pjesën pranverore Shkëndija mundi AP Brerën me rezultatin 3-0
Shkëndija e Tetovës në kuadër të përgatitjeve për pjesën pranverore të kampionatit, krahas seancave intensive stërvitore, sot zhvilluan edhe kontrolluesen e parë me ekipin AP Brera nga Strumca. Në ndeshjen e parë kontrolluese që sot u zhvillua në terrenin e kompleksit sportiv të FFM-së në Shkup, pas 90 minutave lojë ku trajneri Jeton Beqiri në lojë inkuadroi pjesën më të madhe të lojtarëve që ka në disponim ndeshja përfundoi me rezultatin 3-0
Autor të golave për ekipin kuqezi ishin Atdhe Mazari në pjesën e parë , ndërsa Besart Ibraimi realizoi dy gola në pjesën e dytë
Shkëndija pas kësaj ndeshje të shtunën do të zhvendoset në Antalia të Turqisë ku do të vazhdoj fazën kryesore të përgatitjeve deri më 1 shkurt ku parashihen edhe katër ndeshje kontrolluese ndërsa e para është më 20 janar kundër ekipit ukrainas Oleksandrya.
Shaban Sinani – TV KOHA
Kryetari i njërit krah të Aleancës për Shqiptarët, Arben Taravari, deklaroi se ish-bashkëpartiaku i tij, Ziadin Sela, si dhe kryetari i Partisë Demokratike Shqiptare, Menduh Thaçi, po qëndrojnë “para derës së Qeverisë”, duke pritur të bëhen pjesë e kabinetit qeveritar.
“E shihni, Sela dhe Menduh po qëndrojnë para derës së Qeverisë, ndërsa unë në vitin 2024 e lashë Qeverinë për të sjellë ndryshim. E lashë Ministrinë e Shëndetësisë për shkak të përgjegjësisë. Po ashtu, mendova se ishte e arsyeshme të zhvilloja partinë. Brenda VLEN-it ka sa të duash thika pas shpine, shqiptarët nuk po avancojnë, ndërsa eurointegrimi nuk shihet askund. Dy herë e lashë Qeverinë dhe sakrifikova shumë, por nuk e dija se ka njerëz që japin gjithçka vetëm për poste,” tha Taravari, ndër të tjera, në emisionin “Klik Plus”.(INA)
SHKËNDIJA ME FITORE NISI CIKLIN E NDESHJEVE KONTROLLUESE
Në Zvicër nis gjyqi ndaj imamit biznesmen nga Kosova! Dyshohet për mashtrim, pastrim parash dhe evazion fiskal
ASH (Sela): Kur vasali, Taravari akuzon për veprimet që i bën vetë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
