Protesta e radhës në mbështetje të çlirimtarëve të Kosovës që po mbahen në paraburgim në Hagë, raportohet se do të mbahet më 13 dhjetor në Shkup, lajm këtë të cilin e ka bërë të ditur Ali Ahmeti, kryetar i BDI-së.E në lidhje me këtë ka reaguar kryeministri i Maqedonisë së Veriut, Hristijan Mickoski, duke thënë se nuk e mbështet këtë marsh.

“Me këtë protestë po mundohen të mobliziohen para Kongresit të partisë. Me këtë ata vetëm po e vërtetojnë se do ta kenë shumë të vështirë që në të ardhmen të gjejnë partner të koalicionit. Unë nuk e mbështes këtë ide dhe as nuk pajtohem me këtë marsh. Jam i bindur që as VLEN nuk do ta mbështesë”, u shpreh ai.

Pas kësaj, Organizata e Veteranëve të Luftës së UÇK-së ka thirrur për sot konferencë për media në ora 10:00.

Trafiku në rrugët shtetërore po zhvillohet pa pengesa, në rrugë me lagështi.

“Për shkak të dendësisë së mjegullave është ulur dukshmëria në 50 metra në qafat malore të Gjavatos, Pletvarit, Strazhës dhe Krushevës, njoftojnë nga NP “Rrugët e Maqedonisë”.

Nga atje thonë se në disa rrugë që kalojnë nëpër prerje dhe gryka, është e mundur shfaqja e rrëshqitjeve të vogla të dheut, të cilat pastrohen rregullisht.

NP “Rrugët e Maqedonisë” apelon për drejtim të kujdesshëm të automjeteve, respektim të sinjalistikës së vendosur të trafikut, si dhe përshtatje të shpejtësisë sipas kushteve të rrugës.

Moti me vranësira dhe reshje të shiut, më të dendura në pjesët jugore të vendit (mbi 40 l/m2 për 24 orë). Do të fryjë dhe erë e dobët deri në mesatare nga drejtimi verior. Temperature minimale do të jetë në interval prej 6 deri në 10, ndërsa ajo maksimale do të arrij prej 8 deri në 12 gradë.

Në Shkup moti do të jetë gjithashtu me vranësira dhe reshje shiu. Do të fryjë dhe erë e dobët deri në mesatare nga drejtimi verior. Temperatura minimale do të ulet në 7, ndërsa ajo maksimale do të arrij në 11 gradë Celsiusë.