Lajme nga vendi
Policia apelon që qytetarët të festojnë në mënyrë dinjitoze
Festat e fundvitit Tetovën e gjejnë në një atmosferë të zymtë.Pak organizime për festat e fundvitit dhe shumë komunikacion I dendur.Ndonëse rrugët janë përplot me makina, sidomos me ardhjen e një pjese të mërgimtarëve në vendnlindje, megjithatë nuk vërehet gjallëri e madhe. Por,për natën e ndrimit të motmoteve, ata që do të kujdesen për sigurinë publike dhe sigurinë në komunikacion janë pjesëtarët e policisë. Ata do të duhet të përballen me përdorimin enorm të mjetete piroteknike në pjesët kryesore të qytetit.Duke patur parasysh përvojën e viteve të kaluara, kur shumë qytetarë kanë përfunduar me lëndime si pasojë e përdorimin të mjeteve piroteknike, policia apelon për më shumë kujdes, me qëllim që nata e vitit të ri të shënohet në atmosferë festive. Policia kërkon që qytetarët të festojnë në mënyrë dinjitoze qoftë me miq qoftë me familjarë qoftë në ambiente të hapura.
Problem tjetër dhe përvojë e hidhur nga vitet e kaluara është përdorimi i tepruar I alkoolit.Shumë qytetarë, duke konsumuar alkool, pastaj edhe drejtojnë automjetet e tyre që paraqet shkelje të rregullave në trafikun rrugor, por edhe rrezik për jetën e tij dhe të pjesëmarrësve tjerë në komunikacion.Në këtë drejtim qytetarëve u kërkohet që të jenë të kujdesshëm dhe mos përdorin alkool.
Nga policia e Tetovës, kërkojnë që vozitësit të jenë më të vëmendshëm nëse vendosin që të udhëtojnë për në pikat turistike si në Kodrën e Diellit dhe për Mavrovë.Zakonisht, për në këta akse rrugore krijohet kaos i madh dhe ndodhin edhe aksidente, duke patur parasysh se mund të paraqiten edhe ngrica në rrugë për shkak të temperaturave të ulta por edhe për shkak të dukshmërisë së vogël si pasojë e mjellugës.TV KOHA
Rritje e pagës minimale në 600 euro dhe të gjitha rrogave tjera nga 100 euro. Kjo është kërkesa kryesore për të cilën sot do të protestojë Lidhja e Sindikatave të Maqedonisë së Veriut në Shkup, transmeton Portalb.mk.
Nëse kërkesat e tyre hasin në vesh të shurdhër, sindikalistët kanë paralajmëruar bllokada të institucioneve, por nuk përjashtojnë as grevë të përgjithshme në sektorin publik dhe privat.
Kryetari i LSM-së, Sllobodan Trendafilov bëri apel që të mos u nënshtrohen kërcënimeve, ndërsa se kërcënime ka marrë edhe ai vetë.
Kryeministri Hristijan Mickoski dje tha se çdokush ka të drejtë të protestojë, ndërsa e përsëriti qëndrimin e Qeverisë se paga minimale sipas ligjit do të rritet në mars.
Protesta do të fillojë në ora 17:00 para ndërtesës së LSM-së në Shkup, pas së cilës vazhdon para Parlamentit, Odës Ekonomike dhe Qeverisë së Maqedonisë.
Protestës do t’i bashkohen edhe Sindikatat nga arsimi, kultura, , industria, policia, administrata, tregtia etj. Protestën do ta përkrahë edhe Sindikata e Gazetarëve.
Departamenti për Luftimin e Krimit të Organizuar dhe Serioz, më 27.01.2026, ka paraqitur kallëzim penal në Prokurorinë Themelore Publike Shkup kundër N.A. (36) nga Shkupi, për shkak të dyshimit të bazuar për kryerjen e veprës penale “prodhim i paautorizuar dhe vënie në qarkullim e drogave narkotike, substancave psikotrope dhe prekursorëve”, sipas nenit 215 paragrafi 1 të Kodit Penal.
Më 26.01.2026, në bulevardin “Ilinden” në Shkup, gjatë kontrollit të një automjeti të tipit “Audi”, me targa të Shkupit, i drejtuar nga N.A., zyrtarët policorë kanë gjetur dy çanta udhëtimi që përmbanin marihuanë.
Sipas hetimeve, N.A. e kishte siguruar drogën me qëllim të shitjes së mëtejshme te persona në territorin e qytetit të Shkupit. Ai është privuar nga liria, ndërsa pas ekspertizës është konstatuar se sasia totale e marihuanës së gjetur ishte 4.999,2 gramë.
I dyshuari është nxjerrë para gjyqtarit të procedurës paraprake, i cili i ka caktuar masën e paraburgimit në kohëzgjatje prej 30 ditësh.
Me shumicë prej dy të tretash, Kuvendi sot zgjodhi përbërjen e re të Komisionit Shtetëror Zgjedhor. Nga 92 deputetë të pranishëm, 83 votuan “pro” që ish-ministri Bojan Mariçiq të bëhet kryetar i ri i KSHZ-së, përcjell Telegrafi Maqedoni.
Përveç tij, Abdush Demiri u zgjodh nënkryetar i KSHZ-së, ndërsa Aleksandar Dashtevski, Svetlana Karapetrova, Boris Kondarko, Angelçe Ristov dhe Ditmire Shehu u zgjodhën anëtarë të KSHZ-së.
Për këto pozicione aplikuan 16 kandidatë, por shumica prej tyre juristë, por edhe inxhinier elektrik dhe defektolog.
Komisioni Shtetëror i Zgjedhjeve përbëhet nga shtatë anëtarë (një kryetar, një nënkryetar dhe pesë anëtarë të tjerë).
Anëtarët e KSHZ-së mund të jenë shtetas të Republikës së Maqedonisë me vendbanim të përhershëm në vend, të jenë të diplomuar në drejtësi me të paktën tetë vjet përvojë pune si avokatë dhe të mos jenë anëtarë të një organi të partisë politike.
Sindikatat sot protestojnë në Shkup, kërkojnë rritje të pagës minimale
Kapen 5 kg marihuanë në Shkup, arrestohet një 36-vjeçar
TENIS: MËSOHEN DYSHET GJYSMËFINALISTE NË AUSTRALIAN OPEN
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
