Lajme nga vendi
Është e palejueshme që një lëndë ta mbajë një vit gjyqtari-raportues dhe të mos e japë, thotë një gjyqtar i një prej Këshillave pesëanëtarësh për “Target-Fortesa” dhe “Thesari”
Gjyqtarët e Apelit që vendosën për lëndët “Target-Fortesa” dhe “Thesari”, ku ish-drejtori i DSK-së Sasho Mijalkov u dënua në shkallë të parë me 12 plus 8 vjet burg, gishtin për zvarritjen ia drejtojnë dy gjyqtarëve-raportues, të cilët i kanë ruajtur lëndët një vit përpara se të shfuqizohen dhe të kthehen për rigjykim. Gjyqtar-raportues ishin Enver Bexeti, i cili konkuroi për pozitën e gjyqtarit suprem dhe gjyqtarja Lirije Elezi nga Gjykata e Apelit në Shkup, transmeton Portalb.mk.
Falë ruajtjes në sirtar të lëndës Target-Fortesa, kjo lëndë e përgjimeve masive ka gjasa të vjetërohet.
“Është e palejueshme që një lëndë gjyqësore të rrijë për një vit te një gjyqtar raportues dhe ai të mos e dërgojë për diskutim, vendimmarrje etj. Kur një gjyqtar-raportues na jep një çështje për ta, punuar, ne në këshill ulemi dhe punojmë. Deri atëherë askush nga ne nuk ka të drejtë ta marrë me dhunë dhe ta fusë në seancë. Një vit pa vendim ankimimi nuk duhet të ndodhë jo vetëm për çështjet me interes të lartë publik, por për të gjitha rastet e ankimuara”, thotë gjyqtarja e një prej këshillave pesë anëtarësh penalë në Apel.
A u janë drejtuar kësaj sjelljeje të dy gjyqtarëve-raportues anëtarë të Këshillit Gjyqësor, të cilët për të kontrolluar Gjykatën e Apelit në Shkup dhe në çfarë konstatimesh dolën, do të dihet këto ditë.
Kryetarja e Këshillit Gjyqësor, Vesna Dameva, tha se konkluzioni i arritur nga tre kontrollorët do të sqarohet në raportin e tyre. Pas festave, të gjithë anëtarët do të kenë takim për ta shqyrtuar dhe për të vendosur se cilat do të jenë hapat e ardhshëm. Përveç këtyre dy lëndëve, Këshilli Gjyqësor ka përfshirë në kontroll edhe “Transporterin” dhe “Alfën”.
Rasti “Transporteri”, ku gjyqtar-raportues është edhe kandidati për gjyqtar suprem Enver Bexheti, është një shembull edhe më flagrant. Një vendim të marrë nëntë muaj më parë, ai nuk e ka shkruar si aktgjykim të formës së prerë. Me ruajtjen paraprake në sirtar, kjo çështje kaloi tre vite të tëra në Gjykatën e Apelit dhe është një lloj rekordi për vendimmarrje të ngadaltë.
Mijalkov mund t’i shpëtojë dënimit edhe për “Titanik 2”
Ish-drejtori i DSK-së po gjykohet për herë të dytë në procesin gjyqësor “Titanik 2”, i cili ka të bëjë me marrëveshjet e fshehta të votimit në KSHZ në lidhje me kundërshtimin e VMRO-DPMNE-së për zgjedhjet lokale të vitit 2013. Përveç Mijalkovit, të akuzuar janë edhe lideri i PDSH-së, Menduh Thaçi dhe ish anëtarët e KSHZ-së, Bedredin Ibraimi, Aneta Stefanovska, Vlatko Sajkovski dhe Sasho Sërcev.
Rigjykimi pason pasi Gjykata e Apelit në Shkup e anuloi aktgjykimin e shkallës së parë me të cilin Mijalkov u dënua me 3 vjet burgim, Menduh Thaçi 3 vjet e 2 muaj dhe të akuzuarit e tjerë, ish anëtarë të KSHZ-së, po ashtu me burgim.
Të gjithë akuzohen për keqpërdorim të pozitës zyrtare dhe kompetencave, përveç Mijalkovit, i cili po ndiqet penalisht për marrje të shpërblimit për ndikim kundër korrupsionit.
Kjo lëndë vjetërsohet në prill 2023. Gjykimi tani është në procedurën e provave, mbeten për t’u marrë në pyetje edhe disa dëshmitarë, por edhe në rastin e një vendimi të shkallës së parë në Gjykatën Penale, pyetja është se sa do të ketë sukses Apeli për të marrë vendim pas ankesave të mundshme nëse merret parasysh kohëzgjatja e procedurës para gjykatës së shkallës së dytë.
Kujtojmë se më 8 mars 2019, Gjykata Penale për këtë rast dënoi ish-drejtorin e DSK-së, Sasho Mijalkov me tre vjet burgim dhe kreun e PDSH-së, Menduh Thaçin, me 3 vjet e 2 muaj. Bedredin Ibraimi u dënua me 4 vjet e 6 muaj, Vlatko Sajkovski 3 vjet, Sasho Sërcev me 3 vjet dhe Elizabeta Stefanovska po ashtu 3 vjet burg.
Thaci, Ibraimi, Sajkovski, Sërcev dhe Stefanovska u dënuan për keqpërdorim të pozitës dhe autoritetit zyrtar, ndërsa Thaçi u dënua edhe për nxitje.
Mijalkov u dënua për marrjen e shpërblimit për ndikim të kundërligjshëm, vepër kjo që u ngarkohej njerëzve në pozita të fuqishme, në këtë rast si drejtor i atëhershëm i DSK-së, të cilët kërkojnë apo urdhërojnë zyrtarë dhe persona të tjerë të kryejnë vepra penale.
Sipas aktakuzës së PThP-së, Mijalkov përmes liderit të PDSH-së Menduh Thaçi ka urdhëruar bashkë-partiakun e tij nga KSHZ-ja Bedredin Ibraimi të votojë për anulimin e votimit të rregullt në një vendvotim në Strumicë, në favor të Vasil Pishev nga VMRO-ja në dëm të kandidatit të atëhershëm për kryetar komune Zoran Zaev.
Megjithatë, në dhjetor të vitit 2019, Gjykata e Apelit e rrëzoi aktgjykimin për shkak të shkeljeve thelbësore të procedurës dhe e ktheu lëndën në rigjykim.
Ndryshe, ish drejtori i DSK-së, Sasho Mijallkov, më 29 dhjetor u lirua nga paraburgimi pasi gjykata ka pranuar garancinë e ofruar prej 11 milionë euro. Mijallkov nga 26 shkurti është në paraburgim në burgun e Shkupit, ai u dënua me tetë vite burg për rastin “Thesar”, për furnizim të pajisjes britanike për ndjekje të komunikimit elektronik për DSK. Gjykim të shkallës së parë prej 12 vitesh burg ka edhe për rastin “Target – Fortesa” për përgjim të paligjshëm ndërsa në rrjedhë janë edhe disa lëndë të tjera për të cilat është i akuzuar.
Mosfunksionimi i semaforëve vazhdon të shkaktojë tollovi në rrugët e Tetovës, pavarësisht premtimeve të vazhdueshme për zgjidhje nga autoritetet komunale.
Ky problem për çdo ditë shkakton tollovi në trafik, sidomos në disa nga kryqëzimet më të frekuentuara krijohen kolona të gjata dhe bllokime të shpeshta të trafikut.
Semaforët në disa nga udhëkryqet më të frekuentuara vazhdojnë të jenë jashtë funksionit, duke krijuar kaos në komunikacion dhe duke rritur rrezikun për aksidente. Qytetarët çdo ditë përballen me kolona të gjata automjetesh, pritje të gjata dhe situata të pasigurta gjatë kalimit të rrugës. Më të rrezikuarit mbeten këmbësorët, fëmijët dhe të moshuarit, të cilët detyrohen të kalojnë mes automjeteve që lëvizin pa një rregullim të qartë të trafikut. Banorët kërkojnë reagim urgjent nga institucionet kompetente, duke theksuar se siguria në komunikacion nuk duhet të vihet në pikëpyetje për shkak të semaforëve të prishur. Derisa autoritetet të ndërmarrin masa konkrete, qytetarët mbeten të ekspozuar ndaj rrezikut në çdo kalim të udhëkryqeve.
Qytetarët e anketuar nga Tv Koha presin zgjidhje sa më të shpejtë për këtë problem, kurse thonë se mungesa e semaforëve u shkakton telashe gjatë kalimit të rrugëve.
Nga Komuna e Tetovës thonë se është dorëzuar urdhëresë pune dhe së shpejti pritet të fillojnë punimet. Do të bëhet digjitalizimi I tyre me sistem të centralizuar të menaxhimit.
BILALL KASAMI – Kryetar i Komunës së Tetovës
Komuna e Tetovës së fundmi hapi tender dhe përzgjodhi kompaninë ‘A-Zero’ nga Gostivari për rregullimin e sinjalistikës rrugore në qytet, përfshirë edhe semaforët.
Autoritetet premtojnë zgjidhje për këto probleme para se situata të rëndohet më shumë sidomos tani kur Tetova është në pritje të mërgimtarëve gjatë verës, ku si zakonisht për shkak të rritjes së fluksit të automjeteve shkaktohen rrëmuja në trafik./Tv Koha/
Nga LSDM sot paralajmërojnë se një tjetër skandal serioz po e trondit Qeverinë e Hristijan Mickoskit.
“Sipas dokumenteve të publikuara në mediat bullgare, Sekretari i Përgjithshëm i Qeverisë dhe bashkëpunëtori i tij më i ngushtë, Igor Janushev, është i lidhur me kompaninë “FLUGBAN TRANS” DOO, me seli në Kyustendil, Bullgari.
Sipas informacioneve në dispozicion, kjo është një kompani, biznesi i së cilës është transporti rrugor i mallrave, dhe struktura e pronësisë dhe menaxhimit përfshin njerëz të afërt me rrethin e Mickoskit dhe VMRO-DPMNE-në.
Tani, thelbi është se në pyetësorët e dorëzuar në Komisionin Shtetëror për Parandalimin e Korrupsionit, nuk ka të dhëna të disponueshme publikisht se Janushev ka raportuar një lidhje me një kompani në Bullgari.
Kjo është arsyeja pse ky rast kërkon një përgjigje të menjëhershme institucionale.
KSHPK, Prokuroria Publike dhe të gjitha institucionet kompetente duhet të hapin menjëherë një procedurë, të verifikojnë të gjitha faktet dhe të përcaktojnë nëse ka ndonjë pronë, kapital ose interes biznesi të padeklaruar jashtë vendit dhe pse?
Publiku meriton një përgjigje për pyetjen e thjeshtë.
Por ky skandal zbulon të gjithë hipokrizinë e Mickoskit dhe VMRO-DPMNE-së, të gjithë narrativën e tyre të rreme.
Ndërsa u thonë qytetarëve se identiteti i tyre është i kërcënuar, ata kanë pasaporta bullgare dhe janë shtetas bullgarë që bëjnë biznes përmes kompanive bullgare.
Ata bëjnë interesa biznesi në Bullgari, nuk presin qytetarët me orë të tëra në kufij dhe në të njëjtën kohë po bllokojnë integrimin evropian të Maqedonisë dhe po bllokojnë paratë nga BE-ja përmes fondeve”, thonë nga LSDM.
Lajme nga vendi
Toshkovski: Interpelanca është një përpjekje e dobët politike për të ngadalësuar procesin e pastrimit të krimit dhe korrupsionit
Ministri i Brendshëm Pançe Toshkovski beson se interpelanca që “E Majta” paraqiti për të, e cila është në rendin e ditës të seancës së sotme parlamentare, është një përpjekje e dobët politike për të ngadalësuar procesin e pastrimit të krimit dhe korrupsionit.
Me të, thotë ai, “E Majta” ka treguar edhe një herë se, me vetëdije ose pa vetëdije, po bëhet aleati më i dobishëm i LSDM-së dhe BDI-së.
“E Majta njoftoi interpelancën e tretë kundër meje në më pak se dy vjet. Ashtu si dy të mëparshmet, edhe kjo u njoftua përsëri përmes një konference për shtyp të montuar, më shumë me një shfaqje të lirë politike sesa me argumente thelbësore”, shkroi Toshkovski në profilin e tij në Facebook pas njoftimit të interpelancës nga “E Majta”.
Sipas ministrit Toshkovski, interpelanca është një e drejtë demokratike e opozitës dhe, siç thotë ai, e respekton plotësisht këtë të drejtë.
“As nuk kam ikur dhe as nuk do të iki nga debati. Përkundrazi, do t’i përballoj argumentet aty ku duhet, në Kuvend, publikisht, para të gjithë deputetëve dhe para qytetarëve. Atje, të gjithë do të kenë mundësinë të thonë atë që mendojnë, dhe vendimin do ta marrin përfaqësuesit e zgjedhur të popullit, në përputhje me ndërgjegjen dhe përgjegjësinë e tyre. Por gjithashtu nuk mund të hesht për diçka që prej kohësh u është bërë e qartë qytetarëve. E majta ka treguar edhe një herë se, me vetëdije apo pa vetëdije, po bëhet aleati më i dobishëm i LSDM-së dhe BDI-së. Të njëjtat parti kundër të cilave kanë ndërtuar një imazh të një alternative dhe kanë premtuar një politikë të ndryshme, sot praktikisht po i mbrojnë ato përmes sulmeve ndaj kujtdo që përpiqet të vendosë rend, përgjegjësi dhe funksionimin e sistemit”, shkroi Toshkovski.
TETOVA NË PRITJE TË RIPARIMIT TË SEMAFORËVE – QYTETARËT KËRKOJNË ZGJIDHJE!
LSDM: Institucionet të hetojnë skandalin me kompaninë bullgare të Janushevit
Toshkovski: Interpelanca është një përpjekje e dobët politike për të ngadalësuar procesin e pastrimit të krimit dhe korrupsionit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
