Departamenti për kontroll të brendshëm, hetime kriminalistike dhe standarde profesionale pranë Ministrisë së Punëve të Brendshme i ka dorëzuar Prokurorisë Publike të Shkupit një kallëzim penal ndaj N.A., i punësuar në Stacionin Policor të juridiksionit të përgjithshëm Aerodrom pranë SPB Shkup, për shkak të ekzistencës së dyshimeve për kryerjen e veprës penale “vjedhje e rëndë”, e parashikuar dhe e ndëshkueshme sipas nenit 236, pika 4 në lidhje me pikën 1 dhe nenit 22 “bashkëpunim” nga KZ.

I akuzuari, në disa raste gjatë periudhës nga 05.01.2025 deri më 07.05.2025, në një marrëveshje të mëparshme dhe me veprim të përbashkët me tre persona nga Shkupi, ka marrë në mënyrë të paligjshme sende të huaja lëvizëse, kabllo bakri – instalime publike që përmbajnë bakër nga objekte të një shoqërie aksionere nga Shkupi, të vendosura brenda rrethit të një fabrike të mëparshme nga Shkupi.

Departamenti për kontroll të brendshëm, hetime kriminalistike dhe standarde profesionale do të dorëzojë një propozim për fillimin e procedurës për përcaktimin e përgjegjësisë disiplinore ndaj N.A. dhe do të shqiptojë masën e detyrueshme të largimit nga vendi i punës – pezullim.

Kandidati për kryetar të Kërçovës, Shkodran Alili, duke thënë që mërgata luajti rol vendimtar në zgjedhje në këtë komunë, sqaroi se përse nuk bëri thirrje për votimin e kandidatit shqiptar.

“Menjëherë pas raundit të parë, unë kërkova një zgjidhje të ndershme: Të bashkoheshin votat shqiptare, të fitohej komuna, dhe kandidati të jepte dorëheqje pas zgjedhjeve. Për dy javë nuk pati asnjë përgjigje. As edhe një tentativë për bashkim”, shkruan Alili. Ai thotë se nuk mund të mbështeste një kandidat të përfshirë në skandale morale dhe mungesë transparence. Ai theksoi se qytetarët që votuan ndryshe nuk janë tradhtarë, por njerëz të lënduar nga mungesa e përgjegjësisë. Sipas tij, fajin e mban heshtja e atyre që duhej të kërkonin falje dhe bashkim.

Pas 12 vitesh Fatmir Dehari lëshon postin e kryetarit të Komunës së Kërçovës dhe ia lë Aleksandër Jovanovskit. Komisioni Komunal Zgjedhor ua dorëzoi çertifikatat këshilltarëve komunal dhe kryetarit të ri të Komunës.

Pas marrjes së mandatit kryetari aktual i Komunës së Kërçovës Aleksandër Jovanovski tha se do të përkushtohet për të realizuar punë të mira për qytetin dhe qytetaret pa dallim përkatësie etnike.

“Nga kjo foltore ju premtoj punë të sinqertë, te vlefshme dhe me përkushtim për të realizuar të gjitha projektet të cilat i kemi premtuar. Dua tua bëjë të qartë të gjithëve se nuk do te kemi asnjë problem nga ana ime, unë do të mundohem të kemi bashkëpunim të mirë me të gjithë të punësuarit dhe t’i përmbushim pritshmëritë e qytetarëve tanë, si higjienën, projektet që i premtuam”, tha Aleksandër Jovanovski – Kryetar i komunës së Kërçovës.

Advertisement

Pas eventit solemn kryetari i ri u prit në zyrë nga kryetari në ikje Fatmir Dehari i cili e njoftoi Jovanovskin me projektet e nisura dhe të nënshkruara, të cilat sipas Deharit kapin vlerën e 7 milionë eurove investime kapitale. Dehari pasi përshëndeti të punësuarit me të cilët ka punuar 12 vite, falënderoi mërgimtarët dhe gjithë qytetarët e vendit. Jam njeri, mund edhe të kem gabuar dhe për çdo gabim timin ju kërkoj ndjesë, falje, çdo qytetari që mund eventualisht të jetë i prekur”, pohoi Fatmir Dehari, ish- kryetari s Komunës së Kërçovës.

Përbërja e re e Këshillit Komunal është e përbërë prej 19 këshilltarëve: 5 këshilltarë ka AKI, 3 këshilltarë janë nga Koalicioni VLEN, 2 këshilltarë nga kandidati pavarur, 8 këshilltarë VMRO-DPMNE-ja dhe 1 LSDM-ja.

Kryetari i sapozgjedhur i komunës së Strugës, Mendi Qyra, sot u ul në karrigen e kryetarit të komunës, duke zëvendësuar Ramiz Merkon, mandate I të cilit u shoqërua me skandale të shumta dhe kallëzime penale. Kreu I ri I Komunës së Strugës Mendi Qyra punën e nisi me nënshkrimin e dy vendimeve: shitjen e veturës luksoze Audi për të cilën Merko shpenzoi 67 mijë euro si dhe shkarkimin e të gjithë atyre që nuk kishin punuar për vite me radhë dhe ishin paguar nga Komuna. Ai njoftoi një kontroll urgjent të punëve të komunës dhe të gjitha ndërmarrjeve publike, dhe përcaktimin e situatës faktike, si dhe masat për të kapërcyer problemin e deponisë së egër të qytetit dhe furnizimit me ujë.