Lajme nga vendi
Dëmshpërblimi për Qendrën Klinike 8 milionë euro, Sali: Presim takim me kompaninë italiane
Ministri i Shëndetësisë Bekim Sali thotë se kompani italiane e kontraktuar për ndërtimin e Qendrës Klinike kërkon dëmshpërblim prej milion eurove, por pa shpjegim se për çfarë. Sali tha se kërkesa e tyre po shqyrtohet nga fillimi, ndërsa hodhi poshtë zërat se kompania kërkon 20 milion euro.
“Kemi një dokument i cili është kërkesë prej 8 milion eurosh për të cilin po ashtu nuk kemi përgjigje për takim nga kompania e njëjte e cila e fitoi tenderin dhe u anulua. Kompania duhet të vijë dhe të tregojë/dëshmojë se për çfarë i kërkojnë ata para. Ende nuk kemi një përgjigje nga firma italiane deri te ne në ministri në lidhje me prishjen e marrëveshjes për Qendrën Klinike. Nuk kemi komunikim zyrtar midis njësisë së projekteve dhe firmës italiane e cila herën e fundit na kontaktoi përmes zyrës së avokaturës në Itali. Ne jemi në pritje të ndonjë epilogu nga ai komunikim dhe nuk mund të përgjigjemi për kësi rritjesh të kërkesave të cilat nuk kanë bazë. Këta 19,5 milionë është spekulim”, deklaroi – Bekim Sali, Ministër i Shëndetësisë.
Marrëveshja për ndërtimin e Qendrës së re Klinike u firmos në maj të vitit 2017, ndërsa e njëjta u anulua një vit më vonë. Ndërtimi I një Qendre të re Klinike mbetet ndër prioritetet e shtetit megjithëse realizimi I saj duket të jetë shumë larg. /Alsat.mk
Lajme nga vendi
Javën a ardhshme do të kryhet dezinsektim në qytetin e Tetovës

Komuna e Tetovës njofton se do të kryhet dezinsektim në territorin e qytetit të Tetovës.
ju njoftojmë se më 13.06.2025, Komuna e Tetovës në bashkëpunim me SH.T.P.SH “PRONTTO”, do të realizoj dezinsektimi nga toka në territorin e qytetit të Tetovës, për zhdukjen e mushkonjave dhe dëmtuesve të tjerë.
Lajme nga vendi
Miratohet aktakuza për rastin “Onkologjia”

Gjykata Penale ka miratuar aktakuzën për keqpërdorimet në Klinikën e Onkologjisë në Shkup, ku përfshihen ish-drejtorët e klinikës, Nino Vasev dhe Nehat Nuhi. Akuza ka edhe kundër tre onkologëve.
Gjykata Penale informon se ankesa e mbrojtjes është refuzuar kurse aktakuza është miratuar, kështu që kjo çështje do t’i caktohet ndonjë gjykatësit përmes sistemit AKMIS për procedura të mëtejshme dhe do të caktohet datë për seancën e parë kryesore.
Vasev akuzohet për dy vepra penale – shpërdorim të detyrës dhe rrezikim të shëndetit të pacientëve kurse akuzohen gjithashtu dy onkologë që u kanë ofruar terapi pacientëve pa bazë mjekësore.
Sipas aktakuzës së dytë, Vasev dhe Nuhi akuzohen për mashtrim, duke shkaktuar dëm prej 35 milionë euro në buxhetin e shtetit.
Lajme nga vendi
Vëllezërit nga Debreshi dënohen me nga 40 vite burg për vrasjen makabre të Resul Kahremanit

Pas më shumë se 10 muaj hetimesh dhe procesi gjyqësor, Gjykata ka shpallur fajtorë tre vëllezërit nga fshati Debresh i Gostivarit për vrasjen brutale të Resul Kahremanit, 35 vjeç. Ata janë dënuar me nga 40 vite burgim secili, që është dënimi maksimal sipas Kodit Penal të Maqedonisë së Veriut për këtë vepër penale.
Ngjarja ndodhi më 23 korrik 2024, kur sipas njoftimit zyrtar të Ministrisë së Punëve të Brendshme, ndaj viktimës u qëllua me armë zjarri nga një veturë tip “Volvo” me targa të Zvicrës, në pronësi të të dyshuarve. Vrasja u raportua në ora 17:15 në SPB Tetovë.
Sipas Policisë, menjëherë pas ngjarjes u arrestua njëri nga autorët, B.B., dhe nga ai u sekuestrua edhe pushka automatike me të cilën dyshohet se është kryer krimi. Hetimet e mëvonshme vërtetuan përfshirjen edhe të vëllait të tij, J.B., si bashkëkryerës.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve