Lajme nga vendi
Me vizitën e Cholet u riafirmua mbështetja e SHBA-ve për Maqedoninë e Veriut
Vizita në Shkup e këshilltarit të Departamentit të Shtetit, Derek Shole, vjen në një moment vendimtar për rajonin dhe Evropën. Ky është vlerësimi i djeshëm pas takimit të përbashkët të kryeministrit Dimitar Kovaçevski me Shole. Kryeministri beson se partneriteti ynë i fortë strategjik me SHBA-në ka një rëndësi të madhe në vitin e ardhshëm, i cili është i mbushur me sfida si këtu, ashtu edhe në nivel global. Përkundër faktit se Shole dhe Kovaçevski kanë biseduar për luftën kundër korrupsionit, në takimin në Qeveri nuk është përmendur “lista e zezë” e SHBA-së për sanksione.
Në takim u theksua mbështetja e madhe nga SHBA-ja në përparimin e mëtutjeshëm të Maqedonisë së Veriut dhe u vlerësua se miqësia tradicionale, e sinqertë dhe shumëvjeçare me SHBA-në ka rëndësi të madhe në zhvillimin e demokracisë, reformës dhe proceseve integruese në vend.
Gjithashtu u konstatua se partneriteti strategjik i Maqedonisë së Veriut me SHBA-në është një mbështetje e fortë për të gjitha proceset e rëndësishme për të ardhmen demokratike të vendit dhe për përmirësimin e cilësisë së jetës së qytetarëve.
Në takim, Kovaçevski dhe Shole diskutuan për progresin që është bërë në vitet e kaluara në luftën kundër korrupsionit dhe sfidat e shtetit për arritjen e qëllimit të sundimit suprem të ligjit në nivel të BE-së si aspirant për anëtarësim në Union në vitin 2030.
Me këshilltarin Shole biseduan edhe për rrugën evropiane të shtetit, për rëndësinë e madhe të stabilitetit politik në vend dhe të zbatimit të të gjitha reformave, sjelljen e vendimeve të cilat do të thonë integrim i shtetit në BE dhe për ndryshimet kushtetuese.
Mes temave kyçe për të cilat biseduan me këshilltarin e DASH-it është edhe përballja me krizën ekonomike dhe energjetike gjatë sjelljes së të gjitha masave, megjithatë edhe gjatë sigurimit të tërë asaj që nevojitet për furnizim të papengueshëm me energji elektrike me qëllime të subvencionuara, për çka thotë, kemi ndihmë të madhe nga SHBA-ja dhe konkretisht nga z. Shole.
Lista për sanksione apo e ashtuquajtura “lista e zezë” nuk ishte temë e takimit. Ai në pyetjen e gazetarëve pas vizitës në kompaninë “Pekabesko”, sqaroi është aktivitet të cilin e zbaton SHBA-ja në suaza të Strategjisë së saj për luftë kundër korrupsionit të shpallur nga ana e presidentit amerikan, ku saktë janë cekur aktivitetet të cilat ndërmerren lidhur me sundimin e së drejtës dhe luftës kundër korrupsionit në SHBA ashtu edhe në shtete të cilat janë partnere të saj, siç është edhe Maqedonia e Veriut.
Pas takimit u ra dakord për një takim të ri në pjesën e dialogut strategjik që Republika e Maqedonisë së Veriut ka me Shtetet e Bashkuara të Amerikës, i cili është paraparë të zhvillohet në gjysmën e parë të këtij viti 2023.
Këshilltari i Departamentit të Shtetit Shole u prit dje në Qeveri dhe zhvilloi takim me kryeministrin Kovaçevski i shoqëruar ngaëvendëskryeministrja e ngarkuar për politika të qeverisjes së mirë, Sllavica Gërkovska dhe ministri i Punëve të Jashtme, Bujar Osmani, ministrja e Mbrojtjes, Sllavjanka Petrovska, ministri i Punëve të Brendshme, Oliver Spasovski dhe ministri i Ekonomisë, Kreshnik Bekteshi.
Ministri i Punëve të Jashtme, Bujar Osmani, në profilin e tij në Fejsbuk në lidhje me takimin e djeshëm në Qeveri me Shole ka shkruar se projektet dhe aktivitetet në kuadër të Dialogut Strategjik janë bazë solide për forcimin dhe avancimin e mëtejmë të partneritetit strategjik të lidhjeve dypalëshe.
Këshilltari i sekretarit shtetëror të SHBA-së, Entoni Blinken, nga Shkupi shkon për Prishtinë në takime me përfaqësues qeveritarë, liderë politikë dhe përfaqësues nga shoqëria civile. Në fokus të bisedimeve do të jenë përpjekjet e SHBA-së që të ndihmojë në avancimin e integrimit kosovar dhe euroatlantik, duke përfshirë edhe përmes dialogut të lehtësuar nga BE-ja që të arrihet marrëveshje gjithëpërfshirëse për normalizimin e marrëdhënieve mes Kosovës dhe Serbisë, të fokusuara në njohjen e ndërsjellë.
Shole sot do të vazhdojë në Beograd, ku me udhëheqësinë e Qeverisë serbe do të bisedojë për sigurinë energjetike, integrimin ekonomik rajonal dhe progresin drejt qëllimit të Serbisë për qasje në BE. Ai, gjithashtu, do të bisedojë për rolin e Serbisë në përforcimin e paqes rajonale dhe sigurisë dhe angazhimit të saj të vazhdueshëm në Dialogun e lehtësuar nga BE-ja për normalizimin e marrëdhënieve me Kosovën.
Qëllimi i vizitës së Shole në Ballkanin Perëndimor, siç ishte paralajmëruar më parë nga Departamenti i Shtetit, është të theksojë përkushtimin e përhershëm të SHBA-së për paqen, stabilitetin dhe prosperitetin në Ballkanin Perëndimor.
Ambasadorja e SHBA-së në vend, Anxhela Ageler të hënën tha se SHBA-ja ka plan që t’i riafimojë prioritetet e përbashkëta siç është lufta kundër korrupsionit dhe se kjo do të mbetet prioritet për Uashingtonin dhe do të ngritë disa çështje gjatë vizitës së këshilltarit të Departamentit të Shtetit, Derek Shole.
Ageler theksoi se ky do të jetë vit shumë intensiv, ndërsa siç tha, këshilltari Shole me vizitën e tij do t’i konfirmojë angazhimet dhe mbështetjen e SHBA-së për Maqedoninë e Veriut.
Shole duhej të udhëtonte në Shkup muajin e kaluar, por vizita e tij ishte shtyrë për shkak të testit pozitiv në Kovid.
“Më vjen keq që duhet të shtyj udhëtimin tim në Ballkan dhe në Bruksel për shkak të testit pozitiv për Kovid. Unë do të mbetem i angazhuar në të gjitha çështjet që kanë të bëjnë me rajonin e Ballkanit dhe mezi pres ta bëj udhëtimin në fillim të vitit të ardhshëm”, shkroi atëherë diplomati i lartë amerikan në profilin e tij zyrtar në Tuiter.
Banorët e Bërvenicës folën më 18 tetor dhe ne e respektojmë këtë vendim. Që në përmbyllje të votimit, kandidati ynë Jakup Huseini, bashkë me shtabin lokal, ia uruan fitoren Arkin Jahijit dhe i ofruan mbështetje për rrethin e dytë, thuhet në një komunikatë nga VLEN.
Sipas tyre, tani përgjegjësia është te Arkin Jahiji dhe koalicioni i tij që të mobilizojë votuesit për rrethin e dytë të zgjedhjeve lokale.
Por, nga VLEN, reagojnë ndaj vokabularit të opozitës, sic thonë ka elemente nxitëse dhe përçarëse. Sipas VLEN, Bërvenica nuk duhet të përfshihet në “pazare politike”
“Konsiderojmë se vokabulari i opozitës këto ditë nuk i shërben unifikimit. Fjalori nxitës dhe përçarës, sulmet ndaj kandidatit tonë përkundër konstruktivitetit të tij, ka për qëllim të arrijë efektin e kundërt. Nuk kemi ndërmend të bëhemi pjesë e lojërave të pista në kurriz të banorëve të Bërvenicës. Votuesit tonë janë të orientuar që natën e zgjedhjeve pro unitetit dhe pro kandidatit shqiptar. Çdo përfshirje e Bërvenicës në pazare politike, siç e ka dëshmuar BDI-ja në të kaluarën, do të jetë tradhëti ndaj votuesve të tyre dhe çdo qytetari të Bërvenicës.
Ndryshe, në rrethin e parë të zgjedhjeve të jashtëzakonshme në Komunën e Bërvenicës, pas përpunimit të të dhënave nga të gjitha 24 vendvotimet, Kandidati I VMRO-DPMNE-së, Stojanço Radiçevski ka fituar 2.945 vota, në vendin e dytë renditet Arkin Jahiu nga Aleanca Kombëtare për Integrim, me 2.152 vota, ndërsa Jakup Huseini nga koalicioni VLEN ka marrë 1.528 vota.
Jovica Radeski nga koalicioni i udhëhequr nga LSDM-ja ka marrë 706 vota, Kandidati i pavarur Dushan Bogdanovski ka fituar 55 vota, ndërsa kandidatja e pavarur Arife Idrizi ka marrë 21 vota./Tv Koha/
Dje në orën 09:15 në SPB Tetovë është denoncuar se me përdorim të forcës fizike, nga një xhami në rrugën „Borçe Koçoski“ në Tetovë janë marrë para nga kasa. Po merren masa për zbardhjen e rastit.
……Dje në orën 11:40 në rrugën „Vidoe Smilevski Bato“ në Tetovë, zyrtarë policorë nga SPB Tetovë kanë privuar nga liria një të mitur nga fshati Reçicë e Vogël, e Tetovës. Gjatë një kontrolli në trafik, zyrtarët policorë kanë ndaluar një automjet pasagjerësh „BMV“ me targa të Tetovës, të cilin ai e drejtonte, dhe pas masave të ndërmarra është konstatuar se e drejtonte pa pasur të kaluar provimin për patentë shoferi. Pas dokumentimit të plotë të rastit, do të vijojë parashtresa përkatëse.
……Dje në orën 16:15 në rrethinën e Tetovës, zyrtarë policorë nga Stacioni Policor Jegunovcë kanë privuar nga liria një 46-vjeçar nga rrethina e Tetovës, duke vepruar sipas denoncimit të mëparshëm nga bashkëshortja e tij 45-vjeçare se për një periudhë të gjatë kohore e ka shqetësuar fizikisht dhe psiqikisht. Pas dokumentimit të plotë të rastit, do të vijojë kallëzimi përkatës.
……Dje në orën 17:40 në DPB Gostivar, nga Spitali i Përgjithshëm Gostivar është denoncuar se tek ata me lëndime të rënda trupore është sjellë një 41-vjeçar nga Gostivari. Sipas denoncimit, lëndimet i ka pësuar gjatë kryerjes së detyrave të punës në një shkollë fillore në Gostivar. Është njoftuar inspektori i punës, ndërsa këqyrjen e vendit të ngjarjes e ka kryer ekipi hetimor i DPB Gostivar.
……Dje në orën 18:50 në një fshat të Tetovës, zyrtarë policorë nga Stacioni Policor Tearcë kanë privuar nga liria një person nga rrethina e Tetovës, duke vepruar sipas denoncimit të mëparshëm nga një burrë 50-vjeçar po ashtu nga rrethina e Tetovës, se ai i ka drejtuar fjalë të papërshtatshme vajzës së tij të mitur. Pas dokumentimit të plotë të rastit, do të vijojë parashtresa përkatëse.
……Dje në orën 20:35 në DPB Gostivar, një grua 52-vjeçare nga Gostivari ka denoncuar se në telefonin e saj celular ka marrë mesazhe kërcënuese nga djali i saj. Po merren masa për zbardhjen dhe dokumentimin e rastit.
Kampet politike që qëndrojnë pas dy kandidatëve, Stojanço Radiçevski nga koalicioni i udhëhequr nga VMRO-DPMNE dhe Arkin Jahiji nga koalicioni i udhëhequr nga BDI, nuk zbulojnë se nga cilat vota shtesë presin mbështetje në raundin e dytë të zgjedhjeve për kryetar të Komunës së Bërvenicës.
Sipas vlerësimeve, për fitore përfundimtare do të nevojiten rreth 4.000 vota. Në raundin e parë, VMRO-DPMNE fitoi 2.945 vota, ndërsa AKI 2.152 vota.
Për të arritur këtë objektiv, rol vendimtar pritet të luajnë votuesit që në raundin e parë votuan për kandidatin e VLEN-it, Jakup Huseini, i cili fitoi 1.528 vota, për Joviça Radevski nga LSDM-ja, me 706 vota, si dhe për kandidatët e pavarur, Dushan Bogdanovski, me 55 vota, dhe Arife Idrizi, me 21 vota.
Në këtë drejtim, rëndësi do të kenë edhe mesazhet që do t’u përcjellin votuesve VLEN-i, pjesë e koalicionit qeveritar, dhe LSDM-ja opozitare.
Nga VMRO-DPMNE-ja për mediat në gjuhën maqedone kanë deklaruar se ende nuk kanë pasur kontakte me partnerin e koalicionit, VLEN-in, ndërsa nëse do të ketë të tilla, do të shihet në ditët në vijim.
VMRO-DPMNE ditëve të fundit merret më së shumti me LSDM-në duke implikuar rezultatin në Bërvenicë.
VALENTIN MANASIEVSKI – VMRO DPMNE
“LSDM-ja me Filipçen arriti në rejtingun 5% dhe ankesa pas disfatës 4 me 1 nga VMRO-DPMNE në zgjedhjet lokale në Bërvenicë. LSDM-ja dhe Filipçe arritën ë stadin të gëzohen dh eta tregojnë si sukses rezultatin se janë partia e katërt në zgjedhje. LSDM-ja me Filipçen janë partia e katërt në Kumanovë dhe Bërvenivë, kurse e pesta në Shkup”
Dilema më e madhe mbetet se ku do të përfundojnë votat e simpatizantëve të VLEN-it, kandidati i të cilit që në mbrëmjen e zgjedhjeve ia uroi fitoren kundërshtarit nga radhët e BDI-së.
Zëdhënësi i partisë, Driton Sulejmani, pas përfundimit të zgjedhjeve tha se për këtë çështje do të vendosë udhëheqësia partiake.
DRITON SULEJMANI – VLEN
“Udhëheqësia ende nuk është mbledhur dhe nuk kemi njoftim se kur mund të merret vendimi. Atëherë do të shihet edhe nëse do të ketë takime me VMRO-DPMNE-në. Ndërkaq, gjesti i kandidatit tonë, i cili ia uroi fitoren kundërshtarit, ishte shprehje e kulturës demokratike”, tha Sulejmani.
Kandidati për kryetar komune nga radhët e LSDM-së, Joviça Radevski, i cili u eliminua në raundin e parë, në deklaratën e fundit nuk zbuloi se si do të veprojë kjo parti në raundin e dytë të votimit.
Ai tha se rezultati zgjedhor tregon se mbështetja për pushtetin po zvogëlohet, ndërsa ajo për opozitën po rritet, duke shtuar se ky është një trend, por akuzoi për “thikë pas shpine” nga disa eksponentë partiak.
JOVICA RADESKI – Kandidati i LSDM-së
“ZNAM dhe LEVICA votuan VMRO-në, kurse njerëz të Platformës ZNAM 2.0punuan kundër meje dhe LSDM-së. Nuk ndihmuan porn a dëmtuan. Madje njerëz të caktuar të kësaj platform bënë thirrje që të mos dilet në votime. Shokë, duhej të vinit e të ndihmonit, e jo so të tregoni për Bërvenicën”
Në një analizë të Tv Koha pas përfundimit të rrethit të parë zgjedhor në Komunën e Bërvenicës potencuam dallimin e madh të daljes së votuesve, kushtimisht thënë në vendbanimet maqedone dhe ato shqiptare.
Nëse në vendbanimet shqiptare dalja shkonte nga 17 deri në 48 përqind, në ato maqedonase jehona arrinte deri në 78%.
Ndryshe Komuna e Bërvenicës, veçanërisht vendbanimet shqiptare, vuajnë nga pasojat e migrimit dhe kjo reflektohet në përqindjen e daljes, ku si faktorë shtesë është edhe mosinteresimi për të votuar. Nëse partitë synojnë që një shqiptar të udhëheq me Komunën e Bërvenicës e patjetërsueshme është mobilizimi i diasporës por edhe i qytetarëve rezidentë në këtë Komunë./Tv Koha/
VLEN: IMPLIKIMI I BËRVENICËS NË PAZARE POLITIKE TRADHËTI NDAJ VOTUESVE!
Kronika e zezë – Tetovë dhe Gostivar, 21 Tetor
BËRVENICA MES MATEMATIKËS ZGJEDHORE DHE MOBILIZIMIT TË VOTUESVE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKrimi i rëndë në Kosovë/ Kjo është 25-vjeçarja që u vra me armë zjarri, dyshohet se u qëllua nga bashkëshorti i saj, ishte në javën e 34 të shtatzënisë
-
Lajme nga rajoni1 month agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga vendi2 months agoNdahen 109 vendime pune në Spitalin Klinik të Tetovës