Lajme nga vendi

Lënda “Target Fortesa”/ Jankullovskës i vjetërsohet lënda pas 20 viteve

Published

4 years ago

January 13, 2023

Lënda “Target – Fortesa” e cila ka të bëjë me përgjimin dhe shkatërrimin e pajisjes, nuk ka dënime të njejta për çdo të akuzuar. Konkretisht, për ish ministren e punëve të brendshme, Gordana Jankullovska, kjo vepër ka gjasa të vjetërsohet madje pas 20 viteve, përshkak se ajo është e akuzuar me aktakuzë sipas së cilës vepra vjetërsohet në afat më të gjatë, informon Zhurnal.

Vllatko Ilievski, avokat i Jankullovskës, për Republika sqarohet se Gordana është e dënuar sipas nenit 353 ku vjetërsimi i kësaj vepre hyn në fuqi pas 20 viteve dhe nuk e ka të qartë pse ajo dhe të akuzuarit e tjerë në këtë vepër nuk janë dënuar njëlloj.

“Për një pjesë të të akuzuarve në këtë rast ekziston rrezik për vjetërsim, por kjo nuk vlenë për të gjithë. Gordana është e akuzuar sipas nenit 353 ku vjetërsimi është pas 20 viteve. Duhet dikush të pyetë Prokurorinë në këtë lëndë që ka të bëjë me përgjimin, pse kanë lejuar që dikush të akuzohet me propozim akuzë për të cilin vepra vjetërsohet në afat më të shkurtër. Pse të amnestohet prokuroria nga kjo”, pyet Ilievski.

Përndryshe Gjykata e Apelit së fundmi e ka kthyer këtë lëndë në rigjykim ndërsa këshilli gjyqësor ka konstatuar se lënda ka qëndruar në sirtar për kohë të gjatë pa arsye./Zhurnal.mk

Lajme nga vendi

Gostivari shpallet “Qytet Mik i të Rinjve” për vitin 2026 në Rajonin e Pollogut

Published

6 seconds ago

November 11, 2026

TetovaExpres

Komuna e Gostivarit fiton çmimin kombëtar “Youth Friendly Town”, si vlerësim për avancimin e politikave rinore dhe mbështetjen e pjesëmarrjes aktive të të rinjve.

Komuna e Gostivarit është fituese e çmimit kombëtar “Qytet Mik i të Rinjve” (Youth Friendly Town) për Rajonin e Pollogut për vitin 2026. Ky çmim përbën një vlerësim të rëndësishëm për angazhimin e komunës në krijimin dhe zbatimin e politikave lokale që mbështesin të rinjtë dhe nxisin pjesëmarrjen e tyre aktive në jetën shoqërore.

Çmimi i është dorëzuar kryetarit të Komunës së Gostivarit, Valbon Limani, në kuadër të Forumit të Katërt Nacional për Punë Rinore, i cili mbahet në Qendrën Rinore në Ohër.

Ky vlerësim vjen pas një hulumtimi të strukturuar nacional nëpër komunat e vendit, përmes të cilit është evidentuar progresi në përmbushjen e obligimeve që dalin nga Ligji për Pjesëmarrjen e të Rinjve dhe Politikat Rinore. Në bazë të rezultateve, janë përzgjedhur komunat më të suksesshme në secilin prej tetë rajoneve planore.

Përzgjedhja e Gostivarit si komuna më e suksesshme në Rajonin e Pollogut dëshmon përkushtimin institucional dhe angazhimin e vazhdueshëm ndaj të rinjve. Ky çmim përbën një motiv shtesë për vazhdimin e investimeve në krijimin e mundësive, hapësirave dhe mekanizmave që fuqizojnë rolin e të rinjve në proceset vendimmarrëse dhe në zhvillimin lokal.

Forumi organizohet nga Koalicioni i Organizatave Rinore SEGA dhe Qendra Rinore Ohër, në partneritet me Ministrinë e Politikës Sociale, Demografisë dhe Rinisë, UNDP-në, UNFPA-në, Zyrën Rajonale për Bashkëpunim Rinor (RYCO) dhe OSBE-në.

Lajme nga vendi

Këshilli gjyqësor zgjodhi Subhi Jakupin për kryetar në Gjykatën Administrative

Published

2 minutes ago

November 11, 2026

TetovaExpres

Subhi Jakupi është zgjedhur kryetar i Gjykatës Administrative në Maqedoninë e Veriut, por emërimi i tij është shoqëruar me kundërshtime lidhur me përvojën e tij profesionale në fushën e gjyqësorit.

Sipas raportimit të Plusinfo, Joshevska ka kundërshtuar zgjedhjen e Jakupit, duke ngritur shqetësime për faktin se ai nuk ka përvojë gjyqësore në institucionin të cilin tashmë do ta drejtojë.

Vërejtjet e saj kanë rikthyer në vëmendje çështjen e kritereve profesionale dhe përvojës së nevojshme për drejtimin e një institucioni të rëndësishëm të sistemit gjyqësor.

Zgjedhja e Jakupit pritet të jetë në fokus të debatit lidhur me standardet dhe kriteret që duhet të përmbushin drejtuesit e institucioneve gjyqësore.

Lajme nga vendi

AZIZI: ALTA BANKA – BDI “DERA” E DEPËRTIMIT TË BOTËS SERBE NË VEND!

Published

4 minutes ago

November 11, 2026

TetovaExpres

BDI-ja është dera përmes së cilës Bota Serbe ka depërtuar në vendin tonë, akuzojnë nga VLEN.

Duke komentuar skandalin e fundit që lidhet me “Alta Bankën”, deputeti i VLEN-it, Adnan Azizi, deklaroi se personi që kishte miratuar dhe dhënë lejen për hyrjen e kësaj banke në vendin tonë ishte ish-ministri i Financave nga radhët e BDI-së, Fatmir Besimi.

Azizi shkoi edhe një hap më tej, duke pretenduar se, përveç ish-ministrave të BDI-së, në rastin e “Alta Bankës” është i përfshirë edhe Ali Ahmeti, familjarët e të cilit sipas Azizit, janë të implikuar financiarisht në këtë rast.

Ndryshe, sot në Komisionin për Financa dhe Buxhet në Kuvend, u mbajt seancë mbikëqyrëse lidhur me rastin “Alta Banka”, në të cilën si dëshmitarë u ftua edhe kryeministri Mickoski të cilit deputët i parashtruan pyetje.

Nga VLEN-i njoftuan se deputetët e BDI-së nuk morën pjesë në seancë, duke pretenduar se mungesa e tyre lidhet me përgjegjësinë që, sipas tyre, kjo parti mban për rastin në fjalë.

/Tv Koha – Shkup/