Lajme nga rajoni
Gjykimi ndaj ish-krerëve të UÇK-së pritet të fillojë në mars
Zyra e Prokurorit të Specializuar ka thënë se është e gatshme që gjykimi ndaj ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi të fillojë më 1 mars të këtij viti, transmeton REL.
Gjatë konferencës së fundit përgatitore, Zyra e Prokurorit të Specializuar (ZPS) tha është gati të fillojë gjykimin, pavarësisht volumit të punës, procedurave dhe dokumenteve që duhet të shqyrtohen.
Gatishmërinë për fillim të gjykimit në muajin mars kanë shprehur edhe avokatët mbrojtës të ish-presidentit të Kosovës, Hashim Thaçi, ish-kryetarit të Partisë Demokratike të Kosovës, Kadri Veseli, ish-kryetarit të Kuvendit Jakup Krasniqi dhe ish-deputetit të Kuvendit të Kosovës Rexhep Selimi.
Avokati mbrojtës i Kadri Veselit, Ben Emerson tha se ekipi i tij është i gatshëm për fillim të gjykimit në muajin mars, megjithatë ai tha se “kanë para vetes një periudhë jashtëzakonisht intensive pune” deri në fillimin e gjykimit.
Avokatët mbrojtës dhe Zyra e Prokurorit të Specializuar u pajtuan që të mos lexohet aktakuza në fjalën hyrëse në fillim të gjykimit. Mirëpo, ZPS-ja tha se do të mbajë një deklaratë hyrëse.
Edhe avokatët mbrojtës thanë se do të bëjnë një deklaratë hyrëse, pas deklaratës së ZPS-së në fillim të gjykimit.
Kryetari i trupit gjykues Charles Smith, shprehi qëndrimet e tij me volumin e punës në këtë rast duke thënë se “pret që ky gjykim të jetë më i gjatë se sa mendohet”.
Smith tha se gjykimi mund të tejkalojë periudhën prej pesë vitesh sa është paraparë të zgjasë procesi gjyqësor në këtë rast.
Megjithatë, ai tha se gjykata rezervon të drejtën që t’i kërkojë prokurorisë që të zvogëlojë numrin e dëshmitarëve apo të shmangë përsëritjen e tyre në proces.
Duke iu përgjigjur shqetësimit të trupit gjykues, ZPS-ja konfirmoi se janë mbi 300 dëshmitarë, por se jo të gjithë parashihet që të shkojnë në sallën e gjyqit për të dëshmuar.
ZPS-ja tha se në disa raste, do të mbështetet në dëshmitë e tyre.
Për çfarë akuzohen Thaçi, Veseli, Krasniqi e Selimi?
Ndaj ish-presidentit të Kosovës, Hashim Thaçi, ish-kreut të Partisë Demokratike të Kosovës, Kadri Veseli, ish-anëtarit të Shtabit të Përgjithshëm të UÇK-së, Rexhep Selimi dhe ish-zëdhënësit të UÇK-së, Jakup Krasniqit rëndojnë akuzat për krime lufte dhe krime kundër njerëzimit.
Ish-presidenti i Kosovës, Hashim Thaçi gjatë seancës dëgjimore para Dhomës së Specializuar të Kosovës, në Hagë, më 18 janar 2023.
Ish-eprorët e UÇK-së u nëntorin arrestuan e vitit 2020. Që nga ajo kohë ata gjenden në paraburgim në Hagë dhe janë deklaruar të pafajshëm për akuzat që rëndojnë mbi ta.
Ata dyshohen për veprat penale që kanë të bëjnë me krime lufte: ndalim të paligjshëm ose arbitrar, trajtim mizor, torturë dhe vrasje të paligjshme dhe krime kundër njerëzimit: burgosje, akte të tjera çnjerëzore, zhdukje me forcë të personave dhe përndjekje, të cilat, sipas Dhomave të Specializuara, janë kryer midis marsit të vitit 1998 dhe shtatorit 1999.
Krimet pretendohet se janë kryer në disa lokacione të Kosovës dhe në veri të Shqipërisë, përkatësisht në Kukës dhe Cahan.
Në muajin nëntor të vitit të kaluar dha dorëheqje kryeprokurori i Zyrës së Prokurorit të Specializuar, Jack Smith. Smith, i cili i ishte bashkuar Zyrës së Prokurorit të Specializuar në vitin 2018 ishte i ngarkuar me hetimin e krimeve të luftës në Kosovë.
Prokurori Smith dha dorëheqje pasi u në SHBA u emërua si prokuror i posaçëm për hetimet penale për mbajtjen e dokumenteve të klasifikuara nga ana e ish-presidentit Donald Trump dhe mbi rolin e tij në trazirat e 6 janarit 2021, në Kongresin Amerikan.
Smith u zëvendësua nga Alex Whiting që do të ushtrojë funksionet e Ushtruesit të Detyrës të Prokurorit të Specializuar deri në emërimin e një Prokurori të Specializuar të ri.
Që nga funksionalizimi i Gjykatës Speciale, ky institucion ka shpallur vetëm një aktgjykim për krime lufte.
Më 16 dhjetor 2022, Gjykata Speciale, dënoi me 26 vjet burgim për vrasje të paligjshme, ndalim arbitrar dhe torturë ish-eprorin e Ushtrisë Çlirimtare të Kosovës, Salih Mustafa.
Ish-komandanti i Ushtrisë Çlirimtare të Kosovës, Salih Mustafa, është dënuar nga Gjykata Speciale, me seli në Hagë, me 26 vjet burgim për vrasje të paligjshme, ndalim arbitrar dhe torturë.
Dhomat e Specializuara dhe Zyra e Prokurorit të Specializuar – që ndryshe njihen edhe si Gjykata Speciale – hetojnë krimet e pretenduara të pjesëtarëve të Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 deri në dhjetor të vitit 2000.
Këto pretendime janë përmendur për herë të parë në një raport të Këshillit të Evropës, të hartuar nga senatori i atëhershëm zviceran, Dick Marty.
Ky raport i ka hapur rrugë themelimit të Gjykatës Speciale përmes një vendimi të Kuvendit të Kosovës, në vitin 2015.
Lajme nga rajoni
Inspektorati mbyll 26 motele dhe vila, ishin të paregjistruara e nuk plotësonin kushtet minimale
26 motele e vila janë mbyllur nga Inspektorati Qendror i Mbikëqyrjes së Tregut në kuadër të Ministrisë së Industrisë, Ndërmarrësisë dhe Tregtisë.E gjithë kjo në kuadër të një aksioni të gjerë inspektues në bashkëpunim me Policinë e Kosovës, Administratën Tatimore të Kosovës dhe Inspektoratin Qendror të Punës, me qëllim të sigurimit të respektimit të standardeve ligjore, mbrojtja e konsumatorëve, garantimi i konkurrencës së ndershme në treg si dhe verifikimi i përmbushjes së obligimeve ligjore nga ana e subjekteve ekonomike.Siç njofton MINT, 26 motelet e vilat janë mbyllur për shkak të mosregjistrimit të bizneseve si dhe mungesës së pëlqimit/aktvendimit për plotësimin e kushteve minimale teknike.“Ndaj operatorëve ekonomikë që ushtronin veprimtarinë e tyre në kundërshtim me legjislacionin në fuqi, inspektorët e tregut kanë shqiptuar 27 masa ndëshkuese”- thuhet në njoftim ndër të tjera.Gjatë këtij aksioni janë inspektuar gjithsej 69 subjekte ekonomike dhe fokusi kryesor ka qenë mbikëqyrja më e gjerë e subjekteve ekonomike që ushtrojnë veprimtaritë e tyre që lidhen me fushën e hotelerisë dhe turizmit, respektivisht objekt i inspektimeve të përbashkëta kanë qenë kryesisht subjektet ekonomike që ushtrojnë veprimtari të vilave dhe moteleve.
Lajme nga rajoni
Vjosa Osmani për gazetën amerikane “Newsweek”: Nëse jam presidente e nominoj Trumpin për çmimin Nobël, natyrisht që e meriton
Presidentja e Kosovës, Vjosa Osmani ka thënë se do ta nominonte presidentin amerikan Donald Trump për çmimin Nobel për Paqe.
Osmani këtë deklaratë e ka dhënë për median amerikane “newsweek”. Ajo ka thënë se do ta bënte nëse do të jetë presidente e Kosovës.
Osmani ka thënë se presidenti amerikan ka dhënë kontribut të madh për paqen në Ballkanin Perëndimor, duke shtuar se e meriton çmimin.
Pjesë nga ky artikull:
Presidentja e Kosovës, Vjosa Osmani-Sadriu, ka thënë se Presidenti Donald Trump e meriton Çmimin e ardhshëm Nobel të Paqes.
Kur u pyet nga Newsweek të mërkurën nëse do ta nominonte Trumpin për këtë çmim prestigjioz, Osmani u përgjigj: “Sigurisht, nëse unë jam presidente [kurdo që të ndodhin] këto gjëra”.
Vetëm disa njerëz mund të paraqesin nominime për Çmimin Nobel të Paqes vjetor dhe nominimet mbyllen në fund të janarit. Krerët e shteteve janë ndër ata që mund të paraqesin një kandidat dhe fituesi i ardhshëm do të shpallet në tetor.
Trump ka kërkuar prej kohësh dhe publikisht një Çmim Nobel për Paqen, duke e quajtur veten “krye-paqebërës”. Republikani ka pretenduar se ka arritur marrëveshje që i japin fund konflikteve në të gjithë globin, megjithëse vëzhguesit vënë në dyshim se sa luftëra ka ndaluar ai vërtet.
Osmani-Sadriu, duke folur nga Samiti i Qeverive Botërore në Dubai, Emiratet e Bashkuara Arabe, e përshkroi popullsinë e Kosovës si “populli më pro-amerikan në botë” dhe “shumë, shumë mirënjohëse për çdo administratë të Shteteve të Bashkuara të Amerikës”.
SHBA-të udhëhoqën një fushatë bombardimi të NATO-s ndaj Serbisë për 78 ditë në vitin 1999, vetëm pak vjet pas shpërbërjes së ish-Jugosllavisë. Ish-Presidenti serb Slobodan Millosheviç ia hoqi territorit kryesisht etnikisht shqiptar të Kosovës statusin e tij si një provincë vetëqeverisëse në vitin 1989.
Luftëtarët e armatosur të Ushtrisë Çlirimtare të Kosovës u përleshën me forcat serbe për vite me radhë, por Lufta e Kosovës klasifikohet zyrtarisht si gjakderdhja midis viteve 1998 dhe 1999.
Një shtypje brutale nga Beogradi rezultoi në një krizë refugjatësh, atë që NATO e ka përshkruar si një “katastrofë humanitare” dhe spastrim etnik të shqiptarëve të Kosovës.
NATO e nisi fushatën e saj të bombardimeve në mars të vitit 1999, menjëherë pas ndërprerjes së muajve të bisedimeve të paqes në Francë dhe grumbullimit të dhjetëra mijëra trupave pranë Kosovës nga Millosheviçi.
Operacioni Forca Aleate të NATO-s përfshinte 250 avionë amerikanë, përfshirë shtatë bombardues strategjikë B-52 dhe gjashtë bombardues të rëndë B-2. Të dy janë në gjendje të mbajnë armë bërthamore me rreze të gjatë veprimi, si dhe municione konvencionale.
Forcat e udhëhequra nga SHBA-të nga 14 vende më vonë ndërprenë sulmet ajrore pasi Beogradi tërhoqi forcat e tij nga Kosova. OKB-ja krijoi Forcën e saj të Zbatimit të Paqes në Kosovë (KFOR) dhe NATO dërgoi paqeruajtës në Kosovë, e cila në atë kohë po përballej me sulme hakmarrëse kundër serbëve.
Kosova shpalli pavarësinë në vitin 2008 dhe njihet nga shumë vende, përfshirë SHBA-në, Mbretërinë e Bashkuar, Francën dhe Shqipërinë. Serbia nuk e ka njohur shtetësinë e saj, as Rusia dhe Kina. Shpërthimet e dhunshme midis Kosovës dhe Serbisë kanë vazhduar me ndërprerje në vitet që nga ajo kohë.
“Shtetet e Bashkuara të Amerikës na dhanë shpresë, së bashku me partnerë si Mbretëria e Bashkuar dhe vendet evropiane”, tha Osmani-Sadriu.
Udhëheqësja kosovare tha se kishte folur me Trump katër herë në biseda “të shkurtra”, por “shumë kuptimplote”.
Trump ka dhënë “një kontribut të jashtëzakonshëm” drejt paqes në Ballkanin Perëndimor, tha Osmani-Sadriu. “Nuk ka dyshim se ai e meriton [Çmimin Nobel]”.
“E di që ka të tjerë që mund të kenë mendime të ndryshme, por ne e shohim kontributin e tij nga afër”, shtoi ajo.
“Shtetet e Bashkuara të Amerikës na dhanë shpresë, së bashku me partnerë si Mbretëria e Bashkuar dhe vendet evropiane”, tha Osmani-Sadriu.
Udhëheqësja kosovare tha se kishte folur me Trump katër herë në biseda “të shkurtra”, por “shumë kuptimplote”.
Agjencia e Ushqimit dhe Veterinarisë (AUV) ka bllokuar një produkt ushqimor për foshnja që është futur në tregun e Kosovës, pas një njoftimi zyrtar të pranuar nga Republika e Shqipërisë, përkatësisht nga Autoriteti Kombëtar i Ushqimit.
Sipas komunikatës për media të AUV-së, subjekti “Rossmann & LALA SH.P.K.” në Shqipëri ka eksportuar në Republikën e Kosovës produkt ushqimor për foshnja BEBA SUPREM PRE, 800 gram, me datë skadimi 05.2027 dhe kod identifikues EAN: 7613287226631, importuar nga kompania Rossmann Kosova.
AUV njofton se, në bashkëpunim me kompaninë përkatëse, është bërë bllokimi i menjëhershëm i këtij produkti dhe se së shpejti do të fillojë procesi i asgjësimit, në përputhje me legjislacionin në fuqi.
Pavarësisht sfidave me të cilat po përballet, përfshirë mungesën e inspektorëve, Agjencia e Ushqimit dhe Veterinarisë thotë se mbetet e përkushtuar në monitorimin e vazhdueshëm të tregut dhe të zinxhirit ushqimor, me qëllim të garantimit që konsumatorët në Republikën e Kosovës të kenë në dispozicion ushqim të sigurt dhe të shëndetshëm.botasot
Punësim të përhershëm për 40 personat me kontratë në Spitalin Klinik të Tetovës procesi vazhdon
Inspektorati mbyll 26 motele dhe vila, ishin të paregjistruara e nuk plotësonin kushtet minimale
Reformat në arsimin e lartë, studentët e dalluar në 100 universitetet më të mira në botë ose në Maqedoni do të kenë përparësi punësimi në universitetet shtetërore
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
