Connect with us

Lajme nga vendi

KShPK demanton ministrin Osmani: Pretendimet për keqpërdorimin e makinave zyrtare janë të bazuara në raportin e Revizionit

Published

3 years ago

on

Komisioni Shtetëror për Parandalimin e Korrupsionit i demanton publikisht pretendimet e ministrit të Punëve të Jashtme të RMV-së, të publikuara më 20.01.2023 në Tv Alasat, ku Osmani kishte thënë se në MPJ nuk ka një raport të tillë siç është komentuar në opinion, në të cilin ndonjë revizorë i brendshëm konstaton, përkundrazi, sipas tij, auditori i brendshëm thotë se në krahasim me të kaluarën ka rregull. “Nuk ka raport të tillë, ndoshta është keqinterpretim”, kishte thënë Osmani, transmeton Portalb.mk.

Ndërkohë sot nga Komisioni Shtetëror për Parandalimin e Korrupsionit thonë se pretendimet e veta i bazojnë në Raportin Përfundimtar të nxjerrë nga revizioni i kryer i rregullsisë së shpenzimeve të deklaruara për automjetet zyrtare në Ministrinë e Punëve të Jashtme nga data 01.08 deri më 31.10.2021 (në proces zgjedhor) me numër 58-13627/ 22-1 nga 29.04.2022, dorëzuar në KShPK më 03.05.2022.

Nga KShPK thonë se në Përmbledhjen ekzekutive për ministrin, renditen gjendjet që tregojnë se:

Nuk ka person kompetent të caktuar për mbajtjen e evidencës së automjeteve dhe pajisjeve dhe servisimin, regjistrimin dhe sigurimin e tyre;
Nuk mbahen shënime se cili person drejton cilin mjet zyrtar dhe as nuk bëhen urdhra udhëtimi me shënimin e të dhënave për kilometrat e kaluar;
Përdorues të caktuar të automjeteve zyrtare nuk kanë ofruar dhe dorëzuar dokumente kontabël të rregullta dhe të besueshme në departamentin e çështjeve financiare;
Nuk është krijuar asnjë sistem për të kontrolluar përdorimin dhe shfrytëzimin e karburantit të automjeteve zyrtare.
“Kjo është në kundërshtim me pretendimin e ministrit se nuk ka një raport të tillë nga “ndonjë” revizorë i brendshëm dhe se KShPK po i keqinterpreton pretendimet. Duke marrë parasysh pretendimet nga Raporti, Komisioni Shtetëror ka miratuar Vendimin përkatës nr. 12-.436/1 23.01.2023″, thuhet në demantin e KShPK-së.

Katica Nikollovska nga Anti Korrupsioni një javë më parë deklaroi se nga dokumentet e marra nga Revizioni i brendshëm në MPJ konstatohet se gjatë periudhës zgjedhore, MPJ ka pasur 15 automjete të saja dhe dy i ka marrë nga Agjencia e Zbulimit. Por për këto automjete ministria nuk mban asnjë evidencë për përdorimin e tyre pasi nuk ka pasur person të angazhuar i cili duhej të kujdeset për automjetet, mënyrën për përdorimin e tyre, gjendjen teknike dhe higjienën. Por se nuk mund të vërtetohet shpenzimi mesatar i një automjeti, se për cilat automjete sa lëndë djegëse është mbushur dhe harxhuar gjatë periudhës së kontrolluar. Mungojnë edhe evidenca të rregullt për kilometrat e kaluar të automjeteve si dhe leje për udhëtim me ta.

Advertisement

“Gjendjet e këtilla shërbimi për revizion të brendshëm pranë ministrisë i ka vlerësuar me rrezik të lart ligjor, respektivisht me rrezik të mos respektimit të akteve ligjore dhe nënligjore, respektivisht rrezik nga mosrespektimi i rregullativës ligjore në periudhën e kontrolluar, me rrezik të lartë financiar si dhe me rrezik të shpenzimit pa dedikuar të mjeteve buxhetore dhe me rrezik të lartë personal, respektivisht sjellje joetike dhe keqpërdorim të detyrës zyrtare. Për tejkalimin e këtyre shërbimi për revizion të brendshëm ka dhënë katër reskomandime ndaj personave udhëheqës të ministrisë”, tha Katica Nikollovska, Anti korrupsioni.

Automjetet zyrtare i kanë drejtuar persona nga kabineti i ministrit, zv/ministrit, sekretari shtetëror dhe drejtori i drejtorisë për punë organizative. Kryetarja e Anti Korrupsionit, Biljana Ivanovska thotë se edhe më tragjik është fakti që Ministri Bujar Osmani gjatë zgjedhjeve në orar të punës ka udhëtuar dhe ka mbajtur aktivitete partiake.

“Ajo që shikohet në xhirim, do e komentoja, Ministri i Punëve të Jashtme jo që e përdor automjetin për aktivitete partiake, por edhe nga shtabi i partisë së tij jep deklaratë për punë shtetërore, që aspak nuk është në pajtueshmëri me kodeksin etike për anëtarët e qeverisë, sepse atje thuhet se derisa është në orar të punës, çdo bartës i funksioni publik, duhet ta kryej funksionin e tij, ndërsa aktivitetet zgjedhore duhet të kryhen pas përfundimit të orarit të punës. Që do të thotë se ky jo vetëm që e ka përdorur automjetin për të shkuar kudo që duhet, ai nga shtabi zgjedhor i partisë së tij jep deklaratë lidhur me funksionimin e shtetit”, tha Biljana Ivanovska, Kryetare Anti Korrupsion.

Nga Anti Korrupsioni thonë se përdorimi i veturave zyrtare gjatë zgjedhjeve është vërejtur edhe tek Ministri i Mjedisit jetësor. Megjithatë thonë se dokumentet tregojnë që për dallim nga Ministria e Punëve të Jashtme, ministria e Mjedisit jetësor i ka miratuar të gjitha aktet për përdorimin e automjeteve zyrtare. Nga anti korrupsioni do të kërkojnë nga zv/kryeministrja për Krijimin e politikave të mira, Sllavica Gërkovska, të ngre iniciativë për procedurë për përgjegjësi për Ministrin e Punëve të Jashtme dhe për Ministrin e Mjedisit Jetësor.

Mirëpo kundër pretendimeve të Komisionit Kundër Korrupsionit doli shefi i diplomacisë, Bujar Osmani.

Advertisement

“Në rastin tonë, në MPJ nuk ka një raport të tillë siç është komentuar në opinion, në të cilin një auditor i brendshëm konstaton, përkundrazi, auditori i brendshëm thotë se në krahasim me të kaluarën ka rregull. Nuk ka raport të tillë, ndoshta është keqinterpretim”, tha Osmani.

Related Topics:
Advertisement

Lajme nga vendi

Gashi për Ditën e pavarësisë: Është koha që shteti të rrezatojë me stabilitet dhe vlera, uniteti është fuqia jonë më e madhe

Published

2 days ago

on

September 5, 2025

By

Me rastin e festës së ardhshme shtetërore – Ditës së pavarësisë, kryetari i Kuvendit, Afrim Gashi, sot gjatë pritjes që e organizoi në shtëpinë ligjvënëse, porositi për unitet, bashkim dhe vizion për të ardhmen e Maqedonisë së Veriut. Në fjalimin e tij, Gashi e ceki rëndësinë e unitetit thelbësor mes qytetarëve, respektimit të llojllojshmërive dhe ndërtimit të së ardhmes së përbashkët pa ndarje.

“Porosia kryesore që dëshiroj ta bëj në këtë përvjetor të pavarësisë është uniteti. Ne, si shtet i ri, kemi nevojë për shumë gjëra, por mendoj se para së gjithash dhe më së shumti na nevojitet uniteti. Jo një unitet uniform dhe të përshtatshëm, por një unitet thelbësor. Një unitet që respekton dallimet dhe i shndërron ato në pasuri, jo në përçarje. Secili prej nesh duhet të ndiejë përgjegjësi për të mos inkurajuar përçarjet, por për të ndërtuar ura, për të mos përdorur dallimin si mur, por si një dritare përmes së cilës e shohim njëri-tjetrin më nga afër, tha Gashi.

Kryetari i Kuvendit theksoi se pas 34 viteve shtetësi “është koha që Maqedonia e Veriut të ngritet në nivelin që e meriton”.

“Ndoshta për nga madhësia ne jemi shtet i vogël, por, jemi i madh për nga mundësitë, aspiratat dhe ambiciet. Ne jemi qendra e Ballkanit dhe është koha që kjo qendër të rrezatojë me stabilitet, kulturë, dituri dhe vlera, siç rrezatoi edhe në të kaluarën tonë të pasur. Me rëndësi edhe për ne edhe për tërë civilizimin njerëzor”, potencoi Gashi.

Ai shtoi se pavarësia nuk është dhuratë, por premtim që duhet të kultivohet dhe bartet.

“Ky amanet na bashkon sot dhe do të na prijë edhe nesër drejt lirisë më të madhe, drejtësisë dhe drejt një të ardhmeje të përbashkët, ku secili do të ndihet zot në atdheun e vet. Ashtu siç ka thënë presidenti Abraham Linkoln: ‘Mënyra më e mirë për ta parashikuar të ardhmen është ta krijojmë vetë. Dhe, ne do ta bëjmë këtë – do ta krijojmë së bashku. Gëzuar Ditën e Pavarësisë!

Advertisement
Continue Reading

Lajme nga vendi

Onkologjia/ Mjekja Meri Peshevska, e pranoi fajin për veprën për të cilën ngarkohet

Published

2 days ago

on

September 5, 2025

By

Në seancën gjyqësore për skandalin në Onkologji, mjekja Meri Peshevska, e punësuar në Klinikën për radioterapi dhe onkologji, e pranoi fajin për veprën për të cilën ngarkohet.

Ajo tha se nuk është e sigurt nëse për shtatë pacientë për të cilët akuzohet, ua ka vazhduar ose jo terapinë pasi siç tha, vula e saj ka qëndruar te sporteli në atë kohë, ndërsa këtë e ka bërë me qëllim që puna të kryhet më shpejtë dhe mos të presin pacientët.

“Me përgjegjësi dhe vetëdije them se fjalëkalimi im në sistem si dhe vulën u’a kam lënë te sporteli dhe I kanë shfrytëzuar praktikantët, dhe e pranoj fajin”.

Peshevska së bashku me ish drejtorin e Klinikës së Onkologjisë, Nikolla Vasev, si dhe dy onkologë të tjerë akuzohen për trajtim të pakujdesshëm të pacientëve. Për dallim nga Peshevska, më herët ish-drejtori Nikolla Vasev tha se nuk ndjehet fajtor për veprat me të cilat ngarkohet.

Të akuzuarit ngarkohen për veprat “krime të rënda kundër shëndetit të njerëzve” dhe “trajtim neglizhent”, ku 29 pacientë janë trajtuar me terapi të papërshtatshme, me devijime në dozë dhe pa vlerësim të duhur të gjendjes së tyre shëndetësore.

Advertisement

Përveç kësaj, Vasev dhe ish-drejtori ekonomik i Klinikës janë akuzuar për shpërdorim të detyrës dhe përvetësim, me dëm prej mbi 2.2 miliardë denarësh për buxhetin e shtetit./ alsat.mk

Continue Reading

Lajme nga vendi

Prokuroria Themelore Publike në Tetovë ka filluar procedurë penale kundër një personi të rritur dhe shtatë të miturve në rrahjen ndaj dy nxënësve shqiptarë

Published

2 days ago

on

September 5, 2025

By

Prokuroria Themelore Publike në Tetovë ka filluar procedurë penale ndaj një personi i cili dyshohet se ka marrë pjesë në rrahjen ndaj dy nxënësve shqiptarë në afërsi të Shkollës së Mesme Ekonomike “8 Shtatori” në Tetovë. Nga Prokuroria Themelore Publike në Tetovë thonë se gjithashtu për veprën penale dhunë dyshohen edhe shatë të mitur por procedura për ta është duke shkuar në mënyrë të rregullt.
“ Prokuroria Themelore Publike në Tetovë ka filluar procedurë penale kundër një personi të rritur dhe shtatë të miturve për veprën penale “Dhunë”, sipas nenit 386 paragrafi 4 lidhur me paragrafin 3 dhe 1 të Kodit Penal. Viktima janë dy persona të mitur. Sipas kërkesës së prokurorit publik, ndaj të rriturit të dyshuar është caktuar masë paraburgimi afatshkurtër prej 48 orësh, me qëllim që të sigurohen prova në lidhje me pjesëmarrjen e tij në ngjarje. Për të miturit, procedura zhvillohet sipas Ligjit për drejtësinë për fëmijët”, thonë nga Prokuroria Themelore Publike në Tetovë .
Nga Gjykata Themelore në Tetovë thonë se në me kërkesë të prokurorisë është caktuar masa e paraburgimit të shkurt prej 48 orësh. “Ju njoftojmë se me propozim të Prokuroria Themelore Publike në Tetovë është caktuar masa e paraburgimit të shkurtër prej 48 orësh për një të rritiur”, njoftuan nga Gjykata Themelore në Tetovë.
Ndërkaq, nga Sektori për Punë të Brendshme në Tetovë thonë se dy të mitur me datë 3 shtator në orën 22:30, në rrugën “Prilepska” në Tetovë, zyrtarë policorë nga SPB Tetovë kanë privuar nga liria personin N.Ç. (20) nga Tetova, ndërsa më 04.09.2025, në orën 12:10, në rrugën “Ilinden”, është privuar nga liria edhe D.D. (23) nga fshati Radiovc.
“Gjithashtu, është zhvilluar bisedë zyrtare me 16 të mitur. Ata dyshohen se rreth orës 18:00, në rrugën “Bllagoja Toska” në Tetovë, në grup, kanë sulmuar fizikisht një 17-vjeçar dhe një 15-vjeçar, të dy nga fshati Dobrosht, komuna e Tearcës, të cilët ishin duke dalë nga shkolla e mesme. Sipas kallëzimit të bërë nga prindërit e tyre, Q.E. (50) dhe H.I. (43) nga Dobroshta, djemtë e tyre kanë qenë bashkë me një të mitur tjetër, i cili ka arritur të ikë nga vendngjarja. Anëtarët e grupit dyshohet të kenë qenë tifozë të një klubi futbolli nga Tetova”, njoftoi zëdhënësi i Sektorit për Punë të Brendshme në Tetovë.
Ndryshe, incidenti ndodhi të mërkurën pasdite, kur anëtarë të tifo grupit Vojvodët, kishin sulmuar dy të mitur shqiptarë, nxënës të Shkollës së Mesme Ekonomike “8 Shtatori” në Tetovë.
Rrahja e dy nxënësve shqiptarë në Tetovë, shkaktoi reagime të mëdha në opionon. Reaguan pothuajse të gjitha partitë politike shqiptare të cilët dënuan këtë akt duke kërkuar që organet ligjzbatuese mënjëherë të zbardhin rastin dhe autorët të dalin para drejtësisë.
Continue Reading

Më të lexuarat