Lajme nga vendi
Komisioni për Zgjedhje dhe Emërime vendosi të mos përcaktojë propozim për anëtar të KPMD
Për shkak të skadimit të afatit të përcaktuar në Ligjin për Parandalimin dhe Mbrojtjen nga Diskriminimi, anëtarët e Komisionit për Çështje të Zgjedhjeve dhe Emërimeve konstatuan se ky komision kuvendor nuk do të përcaktojë propozim për zgjedhjen e anëtarit të Komisionit për Parandalimin dhe Mbrojtje nga Diskriminimi pas vendimit për publikimin e konkursit publik për zgjedhje të anëtarit të tij të publikuar në Gazetën Zyrtare të Republikës së Maqedonisë së Veriut numër 102/2021.
Maria Georgievska, kryetare e Komisionit për Çështje të Zgjedhjeve dhe Emërimeve informoi se dokumentet e dorëzuara pas këtij konkursi u ishin kthyer kandidatëve të paraqitur, ndërsa në Kuvend do të dorëzojë propozim vendim të ri për shpalljen e një konkursi publik, por tani, siç tha, për shkak të dorëheqjes së konstatuar të anëtarit të zgjedhur për periudhë prej tre viteve, konkursi do të jetë për dy anëtarë të Komisionit për Parandalim dhe Mbrojtje nga Diskriminimi.
“Neni 18 i Ligjit për Parandalim dhe Mbrojtje nga Diskriminimi ka të bëjë me procedurën për zgjedhjen e anëtarëve të Komisionit për Parandalim dhe Mbrojtje nga Diskriminimi. Paragrafët 1 dhe 2 e rregullojnë publikimin e konkursit dhe kohëzgjatjen e tij prej 30 ditëve. Në paragrafin 3 të nenit 18 është shënuar se Komisioni për Çështje të Zgjedhjeve dhe Emërimeve në Kuvendin e Republikës së Maqedonisë së Veriut përcakton propozim listë me kandidatët e paraqitur pas debatit publik të realizuar më parë dhe në afat prej 14 ditëve pas skadimit të afatit nga paragrafi 2 i këtij neni e dorëzon në Kuvendin e Republikës së Maqedonisë së Veriut në shoqërim me materialin e të gjitha fletëparaqitjeve të dorëzuara dhe raport për debatin publik të realizuar. Debatin publik me kandidatët e paraqitur, Komisioni e zbatoi më 26 korrik të vitit 2021. Kjo mbledhje e 16-të e Komisionit ishte thirr gjithashtu më 26 korrik të vitit 2021, por e njëjta ishte shtyrë. Sipas nenit 18 paragrafi 3 i Ligjit për Parandalimin dhe Mbrojtje nga Diskriminimi ka kaluar afati prej 14 ditëve për dorëzimin e propozimit në Kuvend për zgjedhjen e anëtarit të Komisionit për Parandalim dhe Mbrojtje nga Diskriminimi. Për shkak të kësaj, propozoj që Komisioni të mos përcaktojë propozim për zgjedhje të anëtarit të Komisionit për Parandalim dhe Mbrojtje nga Diskriminimi pas vendimit për publikimin e konkursit publik për zgjedhjen e anëtarit të Komisionit për Parandalim dhe Mbrojtje nga Diskriminimi në Gazetën Zyrtare të Republikës së Maqedonisë së Veriut numër 102/2021”, deklaroi në sqarimin në fillim të mbledhjes kryetarja e Komisionit, Georgievska.
Kryetari i Komunës së Tetovës, Bilall Kasami I shoqëruar nga Ministri I Transportit dhe Lidhjeve, Aleksandar Nikolovski dhe Zv/Ministrja Kaltrina Zekolli në Tetovë promovuan përfundimin e punimeve në Rrugën e Shtipit, një investim i Ministrisë së Transportit me ko-financim të Komunës së Tetovës.
Ministri I Transportit, Aleksandar Nikolovski, u shpreh se në Tetovë po vërrehet një bum investimesh, për të cilët përgëzoi Kryetarin Kasami duke u zotuar se Ministria që drejton ai do të jetë në shërbim të projekteve që lehtësojnë lëvizjen e qytetarëve.
Sipas zyrtarëve të Ministrisë së Transportit në Tetovë po realizohen 29 projekte të përbashkëta.
KALTRINA ZEKOLLI – Bëhet fjalë për një rrugë me 680 metra, me gjerësi mesatarisht 5.5 metra kurse sipërfaqja totale e asfaltuar është rreth 4.000 metra katrorë.
Kuvendi ka miratuar ndryshime në Ligjin për Lizingun Financiar, të cilat prekin kushtet për themelimin dhe funksionimin e kompanive të lizingut, menaxhimin korporativ, mbikëqyrjen, transparencën dhe mbrojtjen e përdoruesve. Me ndryshimet përcaktohen elementet e detyrueshme që duhet të përmbajë çdo kontratë e lizingut financiar, përfshirë të gjitha tarifat dhe kompensimet që lidhen me kontratën. Gjithashtu, parashihet mundësia që kontratat të lidhen edhe në formë elektronike, në përputhje me legjislacionin për dokumentet elektronike, identifikimin elektronik, mbrojtjen e të dhënave personale dhe parandalimin e pastrimit të parave.
Rregullat e reja sjellin kontrata më të qarta, mundësi për shlyerjen e parakohshme pa kosto shtesë, kontroll më të madh mbi punën e kompanive të lizingut dhe standarde më të larta për mbrojtjen e shfrytëzuesve.
“Me qëllim të rritjes së transparencës dhe mbrojtjes së shfrytëzuesve, me ndryshimet specifikohen elementët e detyrueshëm që duhet të përmbajë çdo kontratë lizingu financiar, duke përfshirë të gjitha kompensimet që lidhen me lizingun. Përveç kësaj, mundësohet që kontratat e lizingut financiar të lidhen edhe në formë elektronike, nëse kushtet plotësohen në përputhje me dispozitat për dokumentet elektronike, identifikimin elektronik dhe shërbimet konfidenciale, si dhe dispozitat për parandalimin e pastrimit të parave, mbrojtjen e të dhënave personale dhe dispozitat e tjera përkatëse”, thonë nga Ministria e Financave.
Me këto ndryshime vendoset mundësia që shfrytëzuesi i lizingut financiar të shlyejë detyrimet e mbetura plotësisht ose pjesërisht në çdo kohë në përputhje me planin e amortizimit, pa kosto shtesë. Kjo gjithashtu siguron të drejtën për të ulur kostot e përgjithshme për periudhën e mbetur të kontratës.
“Përveç kësaj, përforcohet mbrojtja e shfrytëzuesve duke specifikuar se ofruesi i lizingut financiar nuk mund ta shfrytëzojë lëndën e lizingut financiar si kolateral pa pëlqimin paraprak me shkrim të shfrytëzuesit. Pëlqimi duhet të jepet te noteri, në dokument të veçantë – deklaratë, veçmas nga kontrata e lizingut financiar, me kushtet e përgjithshme, me përcaktimin e qartë të pasojave juridike të pëlqimit të tillë. Ofruesit e lizingut financiar do të jenë të detyruar të publikojnë raportet financiare vjetore, së bashku me raportin dhe mendimin e revizorit të autorizuar, në faqet e tyre të internetit. Në këtë mënyrë, individët dhe personat juridikë si shfrytëzues të lizingut do të kenë mundësinë të kenë pasqyrë më të qartë mbi punën e kompanive të lizingut para se të krijojnë marrëdhënie afariste”, thonë nga Ministria.
Me ndryshimet, thonë më tej nga kjo Ministri, përforcohet edhe mbikëqyrja përmes avancimit të dispozitave kundërvajtëse, si dhe stabiliteti financiar i ofruesve të lizingut financiar duke rritur vlerën minimale të principalit bazë nga 6.000.000 në 30.000.000 denarë.
“Me qëllim të përforcimit të integritetit të subjekteve që kryejnë lizing financiar, me ndryshimet zbatohen gjithashtu rekomandimet e Komitetit MONEYVAL pranë Këshillit të Evropës në fushën e parandalimit të pastrimit të parave dhe financimit të terrorizmit. Me to vendosen kritere për përshtatshmërinë dhe reputacionin që duhet t’i përmbushin themeluesit dhe anëtarët e organeve drejtuese të ofruesve të lizingut financiar”, thuhet në njoftimin e Ministrisë.
Ndryshimet e miratuara nga Kuvendi janë një nga tetë hapat që Ministria e Financave po zbaton në kuadër të Agjendës reformuese.
Lajme nga vendi
14-vjeçarja nga Kavadari ndërron jetë pasi ra nga një luhatëse në parkun e Gostivarit
SPB Tetovë njofton se ka humbur jetën një 14-vjeçare nga Kavadari, e cila ka rënë nga luahtësja në parkun e Gostivarit.
Nga atje thonë se trupi është dorëzuar për autopsi.
SPB Tetovë njofton se ka humbur jetën një 14-vjeçare nga Kavadari, e cila ka rënë nga luahtësja në parkun e Gostivarit.
Nga atje thonë se trupi është dorëzuar për autopsi.
Sipas raportimit, e mitura ka rënë nga luhatësja në parkun e Gostivarit, pas së cilës është transportuar në Qendrën Mjekësore Gostivar, ku në ora 20:55 mjekukujdestar ka konstatuar vdekjen.
Është njoftuar prokurori publik, me urdhër të të cilit trupi është dorëzuar për autopsi“, thonë nga SPB Tetovë.
TETOVË: PËRUROHET RRUGA E “SHTIPIT”
Rregulla të reja në lizingun financiar në Maqedoninë e Veriut
14-vjeçarja nga Kavadari ndërron jetë pasi ra nga një luhatëse në parkun e Gostivarit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
